أسواق باريس؟؟ 2024.

السلام عليكم ورحمة الله وبركاته
اخواتي العسسسسسسسولين(f) (f)
ياليت اذا فيه احد ممكن يفيدني عن اهم اماكن التسوق في باريس ،والاماكن اللي تفيد العروس بالتحديد؟
وجزاكم الله كـــــــــــل الخـــيـــــر :shy: :shy:

قسسم بالله اني داخله بكتب نفس سؤالك .. وعندي استفسارات ثانيه .. الله يسعدك ياشيخه عروس

ياليت يابنات تفيدونا ..

ابي اعرف وش افضل وقت للسفر الى فرنسا .. بالشتاء ..؟؟ والا بالصيف ؟؟

والله مره ودي بالشتااااء .. بس خايفه على ولدي لا يتعب هناك من البرد ؟؟ عمره 5 سنين ..

وش رايكم يابنات ؟؟

الغاليات اولا ان شاء الله تروحن وترجعن بالسلامه ….

ثاني شي من اهم الأسواق وهو عباره عن مول اسمه ..لافاييت.. رووووووووووعه كل شي فيه ونصيحه لا تفوتونه …
وعندكم شارع الماركات مااعرف اسمه بالصراحه بس نحن كنا انقول للسواق شارع الماركات ….
والشانزليزيه بس معظمه مطاعم ….
اسمحلي رحت بعض الأسواق بس نسيت اسمائهن …. بس انصحج بنصيحه المكياج والعطور اشتري على قد ماتقدرين … ( بس الأسعاااااااااار ناااااااااااااااااااااااااار )
واي استفسار ثاني انا حاضره ….

يارب اعرس ..

مشكوره ياقلبي

بس مارديتي لي …

وشلون جوهم بالشتا .. مره برد تتوقعين يعني مايصلح اخذ ولدي ؟؟

انا رحت فشهر 5… ا احم احم شهر عسل ….لجو في فرنسا متقلب … يعنى عادى الصيبح شمس حررر موووووووووووت وبعد اشوى اتغيم الدنيا وايطيح مطرررر … هذا كان فشهر 5 اما شتاهم ما عندى فكره عنه

اماكن التسوق واااااااااااااااااااااايد … اهم شي غاليري لافاييت …. وبعدين شارع الشانزليزيه كله محلات راقيه وسوبرماركات اهمها ماادري اذا اسمه صح مينبلوكس …واذا رحتى نيس او كان ترا هالمدنتين فالصيف نفس اجوانا يعنى حررررررررررررررررررررر وسوقهم على البحر …..
فيه منطقه اسمها لادفانس .. اتروحيلها بالمتروووو دقايق عن عن الشانزليه … منطقه راقيه راقيه جدا وفيه موووول كبير يمكن 4 طوابق ….وفيه كل شي ملابس اليهال والكبار والعطور والالكترونيات…. وعلى طارى المترو ترا احسن وسيله للتنقل في باريس وارخص شي … عادى التاكسي في التنقل البسيط ياخذ عنج 50 يوروووو … بس تذكره المترو يورو واربعين على ما اذكر

احنا كنا ساكنين في فندق كونكورد لافايت …5 نجوم … وتحت الفندق مول كبير اسمه كونكورد لافايت وبعد بتحصلين فيه كل شي تبغينه … واحلا شي انه في نفس المول سوبرماركت كبير … فكنا نشتري منه احتياجاتنا من العصائر والماى

بس شوفي حرام الوقت كله اضيعينه فالاسواق … باريس حلاة التسوق فيها بليل وخصوصا ان مراكزهم مب مثل المانيا والنمسا اتسكر من الساعه 7 …لا اتم الين 10 ….
اذا تبغين صدق الوناسه روحى ديزنى لاند …متعه والله من الخاطرررررررررر… ولا تفوتين الرحلات النهريه في باريس …..

واذكر فيه محطه في الشانز توقف فيها الباصات اللى اتحوطج في باريس … لونها اخضر واحمر ….. شو بعد …. روحى بعد متحف اللوفر وعاد استحملي الفشله ااذا كنتى عروس لانه المجسمات كلها عاريه ..خخخخخ
اتمنى اكون افدتج .. واسمحيلي ترا ناسيه اسماء مراكزهم الباجيه تراها غلجـــه عروس

مافيه احلى من باريس واسواق باريس مطاعم باريس وكل شي فيها

زوجة راشد ما قصرت

انا رحتها في الشتا بديسمبر
اللي مايحب البرد ما تنفع له .. عن نفسي ما اسافر الا في الشتا ويناسبني المكان

مرحباا الغاليه دفا الكون ..
أنا بعد رحلتها شهر خمسه هذا وصح جوهم وااايد متقلب من حر لمطر وبرد ….
زوجة راشد كفت ووفت …. واما عن متحف اللوفر اذا عندج عيال مانصح فيه لأنه مفااصيخ وين ماتلفين…وديزني لاند مااتتفوت عالم ثاني ….

وتحذير مهم في حديقه بالقرب من برج ايفل وراه على طول ماانصح فيها … حديقة العشاق… وفيها بلاااوي ….

جزاكم الله خير اخواتي على هالمعلومات(f) (f) ، انا رحت لفرنسا عدة مرات بس المشكلة ما اعرف اي اسواق الا الاسواق والمحلات الموجوده في الشانزليزيه وطرحت هالموضوع علشان اعرف المزيد من المحلات والاسواق اللي ممكن تفيد العرايس عروس :shy:
على العمووم كفيتوا و وفيتوا اخواتي:shy: ،،،
وشكرااااااااااا على مروركم ومشاركتكم في الموضوع(f) (f)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top