ابي اروح كويت ،، تساعدوني ؟؟ 2024.

السلام عليكم يا بنات

شخباركم؟؟

بغيت اسألكم

انا ودي اروح الكويت انشالله في العيد لمدة يومين تقريبا

فحابة اعرف وين اقدر اتسوق ؟ ؟

يعني وين اقدر احصل الثياب الكويتيه يعني صناعة كويتيه وقالوا لي انه اقدر احصل هالاشيه في سوق النقرة فهل هالشي صحيح او لا .

وبعد اللي تعرف اسوقه ثانيه تقولي ما عليكم امر

وتنصحوني وين اقدر اسكن ؟؟

ومشكوورين ويعطيكم الف العافية

انا كويتيه بس الحين مقيمه مع زوجي بالسعوديه وياااااااااااااال الصدف انا حاابه بعد اروح للبحرين ولا اعرف اسواقهاا الحلووه الشعبيه يعني مو المجمعاات وحاابه بعد اعرف مكان سكن محترم يعني ماافيه مراقص فانا ابقولج كل شي عن الكويت وياليت انتي بعد ماتبخلين علي بالي ابيه من اهل البحرييييين

اولا يالحلووه الكويت تتقسم لقسمين اسواق فخمه وغاليه واسوااق هم فخمه بس رخيصه شوي يعني مو غاليه حيل فاما بالنسبه للنقره فهي فخمه حيل بس غاليه حيلااااااااااااات وانصحج باسواق الفرواانيه تهبل حيل ورخيصه مثلا عندج مجمع العربيد يهبل ان بغيت عبايات وان بغيت دراريع استقبال وكل شي تلقين عندهم وحلووه واسعاره مناسبه

واما بالنسبه للسكن فماااعرف الا فندق هوليدي ان وفندق ساس واهم بعد غاليين اما الرخيصه فوالله مااعرف وعندج بعد سوق الفحيحييييييييييييييييييل يهبل كل مااتبين فيه واسعاره حلووه وفيه بعد مجمع الدبووس فخم حيل واسعارهم حلووه والتمشياات عندج الابرااج والمدينه الترفهيه وسوق شرق والسينماات الكويت كلهاا صغيره وبتخلصين منهاا كلهاا بيووم واحد هذا ملخصي عن الكوويت ويارب اكون افدتج وياارب تفيديني لاني نااويه ان شاء الله اعيد يومين بالبحرين

هلا اختي

مكشورة على الرد ويعطيج الف عاافية

اولا حياج الله في البحرين الديرة ديرتج والمكان مكانج

الاسواق عندج سوق محرق و سوق المنامه واهمه سوقين شعبيين والاسعار فيهم تكون رخيصه واذا كان الجو حلو تقدرين تتمشين في السوق بتستانسين

اما الغالي فعندج مجمع السيف فيه الاسعار المتوسطه الى الغالي ، عندج مجمع الشيراتون تحصلين فيه الفساتين والذهب ، عندج مجمع البحرين اسعاره متوسطه بعد ، عندج مجمع الدانه مو ذاك الزود بس فيها سينما ، وحتى مجمع السيف السينما فيه روحي لها اذا كان ودج تسوفين فلم.

اما بالنسبة حق السكن فعندج الفنادق ، الدبلومات و الكراون بلازا وعندج الموفنبيك، النوفوتيل

وسامحينا على القصور اختي وحياج الله

انا ودي ازور البلدين ,,,, وحياكم الله ف بلادي عمان عروس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top