السلام عليكم ورحمة الله وبركاته
قبل اسبوع تقريبا سويت هذا الفطور وكان فكرته جديده والشكل حلووو
وتقديمه يكون بفكره جديده ومميزة وبنفس الوقت سهل جدا
ابدأ بالمقادير طبعا حسب الاشخاص ممكن تزودون او تنقصون
بيض عدد 5 بس انا مصورة 6 
, جبن ابيض او موزريلا بس ماكان عندي ,, جبن مثلثات او كيري او اي نوع تحبينه ,, ملح وفلفل ,,
نحتاج لهالبايركسات النونو خخخ يكونون اصغررر حجم انا استخدمت 3 لعدد الاشخاص
ندهنهم بمسحة زبده سائلة
الطريقة نخفق البيض ونضيفله الجبن نقطعه وملح وفلفل
ونصبه بالقوالب
وندخله الفرن 10 دقايق
وهذا شكله لمن استوى شوفو الجبنه شلون سايحه
ونقدمه بهالشكل
وبس طبعا ممكن تضيفون اي شي تحبونه مرتديلا مثلا شوي بقدونس او طماطه :095:
وبالاخير اذكر ان الموضوع شخصي ومااسمح ولا احلل لاي شخص لنقله ابدا
يسلمووووو
تسلم يداتك
والفكرة خطيرة ولا أسهل!
زمان ابي أشتري مثل هالبايركسات يسوون الحركات والله..
شجعتيني عليهم..
يمي يمي شكلهم عجييب
و شهي و لزيز
بس اسألك بهالطريقة ما تطلع ريحة البيض وزفارته ؟؟
يعطيك العافية غلاي
روعة الفكرة انوارو
تسلم الايادي ياقمر
