السلام عليكم ورحمه الله
بنات بغيت اسالكم عن استخدامات المسك الجامد للبشره والجسم والشعر كيف الطرق وافضلها وشكرا مقدما
حبيبتي اغلب الي يستخدمونه يكون لوضعه بين الملابس في الخزانه عشان يعطرها
والي تستخدمه للجسم تكون بطريقة بشره وخلطه بالجلسرين ومسحه بعد الدوره على المنطقه الحساسه لتعطيرها ( للامانه انا سبب لي حساسيه )
وفي طريقه بعد وهي بشره وخلطه مع اللوشن واستخدامه كمرطب
بس للشعر اول مره اسمع فيها ان شاء الله البنات يردون
خليه للغرفة و الادراج يعطي ريحة حلوة
و بالنسبة للجسم و الشعر عندج المسك الابيض السائل ثقيييل حطي منه نقطه للتعطير سواء في الجسم او الشعر و تقدرين تظيفينه للوشن الجسم او كريم الشعر او خففيه بالجلسرين السائل و مسحي فيه البشرة>> هالطريقة تنفع للمنطقة الحساسة من الخارج بس
اما بعد الدورة يستخدم مسك الطهارة الي هو الاسود الثقيل و ريحته موب حلوة وااايد مثل المسك الابيض بس اهو المسك الاصلي المستخرج من الغزال
الف الف شكر لرينا الخليجيه وقطوه سوده ها بنات في بعد احد عنده افكار للاستخداماته؟
جزاج الله خير
تحياااااااااااااتي