اللهم صلي على محمد وآل محمد
’’
اليوم حبيت افتح موضوع استفسارات وتساؤلات ونقاشات
و كوسجنز واللي بتسمونه سموه 
السبب .. شفت مواضيع شكثر اعضاء تطلب اشياء تسمن الاطفال
و عن تكثرر المواضيع وما تلقى احد يرد عليها
فتحت هالموضوع
لكل استشارة و معلومات وتجارب 😉
وان شاء الله القى التفاعل مع اللي حالهم من حالي
بشرط ان لا يتم التناقش و السوالف بخارج الموضوع 😎
وهني بعض المواضيع تفيدكم
دقايق وانزل لكم استشاراتي من طبيب بنتي
الدكتور .. حسن زين الدين
الطريقة ..
تطهى البيضة وتستخرج المح وتهرس بالشوكة وتخلط مع الزبادي
بشرط بس مرتين ف الاسبوع تستخدم هالطريقه
– التمر
الطريقة ..
انقعي التمر وبالماء تبعه سوي رضعة البيبي
او تهرسين تمر وتحطين معاه شوية زبدة و سمسم
انقعي التمر وسوي حليب وغمسي فيه بسكويت
– الزبيب
الطريقة ..
سوي عصير طبيعي وضيفي له حبات الزبيب
– جبن كيري
الطريقة ..
اخلطي الجبنة مع سيريلاك الطفل
او سوي بطاطا واهرسيها وضيفي لها الجبنة
او مكروونه وضيفي لها الجبنة
– الموز
الطريقة ..
اهرسيه مع عصير برتقال
– التفاح
الطريقة ..
تسلقينه وتضيفينه الى رز مصري وحليب
وفي الاخير نصيحتين بعد من الدكتور
– اكلي البيبي رز قد ما تقدري قبل نومه
– وكثري من الاجبان و القشطة و الزبااادي كااااامل الدسم
ان شاء الله تستفيدون منه
,,
طبعا حاطه كذا احتمال عشان لا اتحير شنو اسوي
الفطور
حبة جبن كيري – حبة خبز سلايس
او صفار بيض مع جبن او صفار البيض مع زبادي
قشطة مع عسل
رضعة حليب
بين الظهر
عصير كي دي دي .. اي نوووع
او عصير طبيعي بالزبيب
الغذاء
سمك و ارز او دجاج و ارز او مكرونه بجبنة الكيري او زبادي بالارز
او شوربة
رضعة حليب
وجبة العصر
بسكويت مع سيريلاك وحليب
او معجون التمر مع السمسم والزبدة
العشاء
زبادي بالسمسم و صفار البيض او شوربة الخضار بالنودلز
او مكرونه بالجبنة او قشطة مع خبز
Wardat Amal
ام لطفلة وحدة الله يخليها لي
.. مريم ..
عمرها 8 شهور و 4 اسابيع
يلا ابي اشوف تفاعلكم وياي
اي استفسار اقدر ارد عليكم فيه اني حاظرة
هلا اختي مشكوورة وجزاكي الله خير على تعاونك وتقديم الافكار والفائدة للأمهات
انا عندي طفلين محمود 7 سنين …. شام خمس سنين
الحمد لله ياكلوا كل شي ويشربوا حليب ماشالله بس يعتبروا نحفة واعتقد العصبية والوراثة لها دور ولا شو رايك ؟
أم لطفلة عمرها 3 سنوات
وطفل عمره 5 شهور ونصف..
بنتي الكل كان ينهبل على عافيتها وخدودها..
كنت اعطيها زبيب مثل ما ذكرتي بس ما كنت ادري انه يسوي العافية صراحة
والجبن تموت فيه بعد..
وايد اسوي لها خضرة ووروب كامل الدسم اعطيها..
بس صفار البيض ما كانت تحبه.. ولاحظت وايد تحب التمر وكنت اعطيها شكثر.. وطلعت هالسوالف تدخدخ الياهل ههههه
الحين راح اسوي لولدي نفس الشي وبشوف النتيجة ان شاء الله..
توقعت اشوف ردود وتفاعلات اكثر
بس يلا معليه 
الدمشقية هلا بيج خيووو
تسلميين والله
الله يخليهم لج يارب
الف الحمد لله اكيد اهم شي الوراثة اصلا
اذا في عائلة الطفل احد الابوين هيك شي
فمستحيل يسمن الطفل :badly:
بنت الاصايل الله يخليهم لج عمري
اني الزبيب كلللللللش ما جه على بالي للسمنة
والله انصدمت يوم قال الدكتور 
اما الجبن كنت اعرف وقمت اكثر لها اجبان وهي تموت ع الجبن بعد
بس الخضرة مريوم ما ترغب لها
سويت لها خدييعه اسلق الخضروات واهرسها واضيفها للاكل العادي
ما تحس بطعمه وتاكله
والروب تصدقين كنت اظن مو زين للبيبي كامل الدسم :-#
يوم سألني الدكتور الزبادي شنو تعطينها قليل لو كامل لو خالي
قلت له ساعات خالي ساعات قليل الا يقول لاااااااااااا لازم كامل هذا الافود
وهو اللي يسمن :p
يلا سوي حق البطل وخليه يتختخ مثل خيته الحلوة
الله يحفظهم لج يارب F:
بس بعدين حبته الحمد لله خخخ
نقطه مهمه – بنات اللي عندهم وراثة النحافة في العائلة فتشيل من بالها فكرة سمنة البيبي
انزين بنات ممكن اطباق جديدة من هالمكونات الموجودة فوق خخخ
احس بنتي تمللت من مثل الاطباق
ولدي عمره سنــه و8 شهور , قبل كان ما شاء الله مربرب وخدوده حلوه ,, ومن بديت أفطمه بعد ما عرفت إني حامل توقعت إنه يرغب في الاكل كونه قطع الحليب
طلع بالعكس ماصار يرغب للأكل
الروب ما يحبـه , وتجيه أيام اشوفه يرغب للموز وايام يصير كأنه وحده متنسيه من يحطه في بوزه يقعد سوي روحه يبي يرجع
وحالتي وياه حاله ,
احسه يرغب لسوالف الكستر والكراميل , اوكي بس أحسه كبر على هالسوالف
يعني يقعد من النوم يبي كستر , وبعدين يتم للغدا ما يبي ياكل شي
وعلى الغدا حده بقمه لقمتين وهو يدور ويلعب طبعاً
وعلى هذا المنوال كل يوم أحاول اسوي له أشياء ثانيـه بس اقول خله يتعود على أكلنــا اكثر
لأنه حتى الماي ما يبي يشرب يبي العصير
حركته من صوب وقلــة أكله من صوب وصاير جسمه يخلص
وماشالله على وصفاتك
انا اسويها لبنتي
بس مشكلة بنتي ماتحب العصائر ابداُ
وعمرها سنة وشهر
وترى اعطيها الكيري مع الخضار ومع السيريلاك
وكمان سمعت عن الكاجو مع القشطة بس ماقد جربته
وكمان اخلطلها سيريلاك الرز مع الموز وملعقة من حليبها والحمدلله تحبه