انا عندي مشكلة مع اللي اسمها الحلاوة هذي .. لما أستخدمها في المنطقة الحساسة ما أقدر أقاوم الألم وكل مرة أقول بشيل أبدأ ومن أول دقيقة أتركها على جنب وأكمل بالموووووس :down: وطبعا هذي مصييبة … وانا ما أبي كذا .. جربت كل شي جربت معجون الأسنان و جربت الثلج وما خليت شي .. والصراحة تعبت وأبي أشيل هالمرة بالحلاوة لكن أبي أعرف اذا عندك أي طريقة ثانية ما تحسسني بالألم أو اني بروح صيدلية وأشتري بنج :pain: و بحطه .. لكن أبي أسألكم اذا البنج را يأذيني ولا لأ ؟؟ واذا لا .. أبي أعرف ايش النوع اللي أجيبه .. ولو سمحتوا ساعدوني في أقرب وقت ممكن .. وشكككرا
وتسلمون يالغالين
انا وياج.. وايد تعبانه من الحلاوه ما عرفت شو الحل يربت كل شي ما فاد ؟؟ نبى حل..:o
قالتلنا وحده عن اسهل طريقه و هي اولا الشعر ماكون وايد طويل
و بعدين استخدمي الحلاوه بكل هدوء و ابدئي بقطع صغيره كبر الظفر و حطيها بجهة اليمين و خذي قطعه بنفس الحجم و حطيها صوب اليسار و انشريها طبعا و لين ماتكونين حطيتي 5قطع بعدين تحطين عليهم القماش و تسحبين على عكس اتجاه نمو الشعر
بس لاتنسين انك لما تسوين الحلاوه تحافظين على النظافه و تكون عندك جامه و يفظل تكونين قاعده على مخده على الارض
اذاتكونين غاسله المكان بماي دافي قبل يكون احسن لان المسامات تكون متفتحه و يطلع الشعر بسهوله بس لازم تنشفين الجلد قبل البدء بالحلاوه و تقدرين تحطين شويه بودر للتاكد من التخلص من الرطوبه
هذي الاشياء اللي تعلمتها من البنات زايد شويه من خبراتي و ادعولي
يا بنات هاي منطقه حساسه …يعني التعامل معها يكون بحذر
خلوا عنكم البنج والمعجون والثلج ….هو الالم موجود موجود لا محاله
بس…في حل ثاني 🙂
اللي هو انج ما تفردين الحلاوه على هالمنطقه لانه هالشي يسبب الم وترهل ….يفضل انج تشيلين الشعر بطريقه النتف
يعني …تخلين الحلاوه في ايدج مب على جسمج وانتي تشيلين
اتمنى اكون وصلتلكم المعلومه والطريقه
بس انا استخدمته اول ثلاث مرات بعدين تركته..
الالم بيكون اخف من اول مره بدون بنج.. وكمان بتكون يدك ماخذه على شيل هذيك المنطقه بيكون اسهل..
بس صعبه اول مره بدون بنج بيحوسك الالم وعدم الخبره وبتملين وعلى طووووووول على الموس..
فنصحيتي استعملي البنج بس كم مره وبعدين ارميه.. وابدي شيلي بدونه..