🙁
شوفوا الوية اللي فوق وبتعرفون اني صدق اعاني
بحبركم قصتي !!! 🙁
كنت في الصف الثالث الاعدادي حينما بدات تظهر على جسمي بعض الخطوط الحمراء (w) قلت ما بخبر حد لاني كنت فتاة خجولة !!!
كنت اتحسب هالخطوط عالمة من علامات البلوغ العجيبة الغريبة واستحيت اخبر حد قلت بياخذن فترة وبيروحن !!!
زادت الخطوط :confused: واخترب جسمي الرياضي 🙁
واتحولن الخطوط الحمراء الى بيظا :qaq: !!! عجييييييييب !!!!!
:angry: فقررت الاعتراف والذهاب الى المستشفى
لكن بعد شو :confused:
بعد ما تحول لونهن للابيض 
🙁 قالت الدكتورة لايمكن علاجهن
واحين وبعد مرور تقريبا 5 سنين لازالت الخطوط تشوة جسمي والمشكلة اني بعرس ف الصيف
احس انه هالشي يحرجني واااااااااااااااااااااااااايد
وحتى انه يتحكم في طريقة لبسي ..ما اقدر البس لبس بدون اكمام حتى الفساتين اضيج يوم البسهن وبعد اسبوع خطبيتي والله يعين 🙁
ارجوكم ارجوكم حد يقدر يساعدني في حل مشكلتي !!!!
ما تتخيلون كيف جسمي متشوة من هالخطوط
مع اني اعرف انه هالخطوط يظهرن للحوامل :qaq:
اشكرج غناتي على المواساة و التفاعل لحل مشكلتي
هل ينفع للخطوط اللي اتحولت للون الابيض ؟؟؟؟؟:gum:
ويزيد الطين بله اذا ماكان فيه ترطيب ,,,
وطبعا الحامل بما انه جسمها يزيد ويتمدد خلال اشهر الحمل كنتيجه طبيعيه فلابددددددد من السترتش مارك
لذلك ينصحوون الحامل انهااا اداوم ع ترطيب جسمهاا بشكل مكثف خصه بزبده الكاكاو لحتوائها ع نسبه من الشيا بتر
وايظا الزيووت المغذيه مثل زيت الزيتون وغيره حتى تتلافى بقدر الامكان ظهور السترتش مارك بشكل اخف
بالنسبه للحلوووول
مثل ماقتلج عليج بزبده الكاكاو مرتين فاليوم
بالنسباليه مخفف خل التفاح احلى شي يربته (كوبين ماي ورد + كوب خل تفاح طبيعي نسبه الحموضه 4% او 5%)
تحطينهااا فغرشة رشااااش …وترشين ع جسمج قبل الاستحمام بساعه
تحصلين التفاصيل في ركن جماللك والطبيعه
بس تره الطريقه يبالهاااااااااااااااا مداامه بشكل يومي
بس صدق خففت عنديه لونهن يعني بالكاد ينشافن
 |
اقتباس |  |
 |
المشاركة الأساسية كتبها مدمنة سيرلاك |  |
 |
| حبيبتي السترش مارك يظهرن نتيجه تمدد الجسم يعني نقصان الوزن ومن ثم زيادته وثم نقصانه وهكذا
ويزيد الطين بله اذا ماكان فيه ترطيب ,,, مثل ماقتلج عليج بزبده الكاكاو مرتين فاليوم بالنسباليه مخفف خل التفاح احلى شي يربته (كوبين ماي ورد + كوب خل تفاح طبيعي نسبه الحموضه 4% او 5%) |
||
 |
 |
مرحبا الساع ختية
مدمنة سيريلاك >>> حتى انا احب السيريلاك :salam:
والله صدق خفن عنج :qaq:
عيبتنية الطريقة احسها سهلة ومريحة … بس عندي سؤال
يوم استخدمتي الخلطة كانن الخطوط بيظا ولا حمرا ؟؟؟؟؟
:clap: نسيت اشكرج
مشكورة وماقصرتي يالغالية
يالله حي به مرحبانيه
الخطووط كانت بيضااا
وخصه عند صدريه والاردااف …لني وااااايد خفيت فيام الجامعه
وانا استخدمت هالطريقه عسبت اثار الحبووب لي فظهريه وعسبت السرتش مارك
وايد صراحه حسن من مظهرهن …حتى ريليه لاحظ هالشي
يلاا شدي حيلج من احينه قبل لاتعرسين….لنه ريحة خل تفاح لوعه نوعا ما
انا صراحه ماشوفها كريهه…بس اخوانيه كانوو يعلقون عليه ويقولوليه ريحتج داقوس:dd: قذيتنا
بس انتي خلي عنج طوله بال …لنه الخلطه يبالهااا مداومه
من باجر ان شاء الله ببدا
هههههه بتصير ريحتية شرات الدقوس ههههههههههه
مشكورة لاهنتي
بس سؤال اخير لو سمحتي ::: كم استمريتي على هالخلطة ؟؟؟ شهر شهرين ؟؟؟؟
ولازلت استخدم الخلطه …
بس لاحظت انه الخطوط خفت خلال شهر من الاستخدام…