السفر وبنتي 2024.

وعليكم السلام أختي

شوفي أختي بخبرج أنا شو شليت يوم سافرنا ماليزيا كان ولدي عمره سنه وشهرين

اشترينا جهاز طبخ على الكهرباء حجمه صغير وايد وكنت شاله عيش ومعكرونة وشليتله بعد سيريلاك وبسكوت مال الاطفال

وعصائر حجم صغير وحليب السعودية حجم صغير وحليب المراعي مال النكهات اللي ينشربون بالسترو ( المزاز ) يوم نكون برى نتحوط

هذا لان ولدي مايرضع بالمرضعة وفي الفندق كنت أرضعه من صدري.

ويوم وصلنا سرت كارفور مالهم وشتريت روب وخضروات وفواكة وخبز وجبن حقه

بس يمكن ماتلاقين روب في تركيا لأن نحن في ماليزيا عيزنا لين مالقينا روب وماعندهم غير روب نستلة

وشليت الصحون والملاعق البلاستيك مال الاستخدام مرة واحده ويرمى وحتى صديرية الاكل اخذت اللي تستخدم مرة وحده وترمى واينج فكرتون فيه كميه كبيرة

هذا أنا اللي سويته حق ولدي إن شاء الله تستفيدين منه والله يسهل عليج إن شاء الله بس إنتي لا تحاتين وايد

والله يوفقكم وإن شاء الله تسنانسون وتنبسطون بالرحله وتروحون وتردون بالسلامة

وإذا قدرت أصورلج الجهاز بصورة وبحطه لج

والسموووووووحة

الجهاز اللي عندي يشابه هذا بس أصغر يعني شوفي الوعاء اللي لونه أسود تحطين فيه الماي تسلقين فيه العيش او المعكرونة والوعاء اللي في ثقوب أحط الخضروات وأطبخهم بالبخار اللي يطلع من الوعاء اللي فيه المعكرونة

بس انا الجهاز اللي عندي فيه قطعة زيادة هاذي القطعة أحطها مكان الوعاء الأسود اللي فيه الماي يعني تكون ملاصقه لسطح الوعاء الرئيسي واقدر اشوي عليها أو أحط زبدة أو زيت زيتون وأسوي أي حمسه أباها يعني كأنها تاوة حق الطبخ

إن شاء الله فهمتي علي وانا ماخذه الجهاز من اللولو هايبر ماركت بسعر رخييييص جدا بس ماشاء الله فادتني وااااااااااااااااايد واللين الحين عندي

ما في شي يصعب الحين تدرين اني بسافر وباخد لي خلاط بس رخيص حتى لو انكسر ما عليه حسافه
وباخد العده كامله بس شي ارخص ما عليه حسافه اذا صاده شي

البنات ما قصرووووووووا

مع ان البنات ما قصروا بس يمكن افيدج بالرابط هذا

شنو تخلين بشنطة سفرج؟!!!!!!

موضوع سبق وطرحته واستفدت من نصايح الامهات

اتمنى يفيدج

اختي انا سافرت وياه ولدي تركيا وكان عمره سنة تقريبا وما تعبت من ناحية الاكل كل شيء متوفر هناك بس اللي تعبني وايد صعوبة التنقل وياه وخاصة ان شوارعهم واجد مرتفعة والعربة ما كانت تمشي حتى كنا حاجزين عشرين يوم قعدنا بس عشرة ايام ورجعنا لان واجد تعبنا .

مشكورين عالرد خواتي

انشالله ماتتعبني هناك

ونستانس في السفره انشالله

اقتباس

المشاركة الأساسية كتبها سجود الروح

	مع ان البنات ما قصروا بس يمكن افيدج بالرابط هذا شنو تخلين بشنطة سفرج؟!!!!!! موضوع سبق وطرحته واستفدت من نصايح الامهات اتمنى يفيدج

مشكورره اختي عالموضوع وايد فادني

اقتباس

المشاركة الأساسية كتبها غالية زوجي

	الجهاز اللي عندي يشابه هذا بس أصغر يعني شوفي الوعاء اللي لونه أسود تحطين فيه الماي تسلقين فيه العيش او المعكرونة والوعاء اللي في ثقوب أحط الخضروات وأطبخهم بالبخار اللي يطلع من الوعاء اللي فيه المعكرونة بس انا الجهاز اللي عندي فيه قطعة زيادة هاذي القطعة أحطها مكان الوعاء الأسود اللي فيه الماي يعني تكون ملاصقه لسطح الوعاء الرئيسي واقدر اشوي عليها أو أحط زبدة أو زيت زيتون وأسوي أي حمسه أباها يعني كأنها تاوة حق الطبخ إن شاء الله فهمتي علي وانا ماخذه الجهاز من اللولو هايبر ماركت بسعر رخييييص جدا بس ماشاء الله فادتني وااااااااااااااااايد واللين الحين عندي

مشكورررره اختي

انشالله بروح اخذ

احس انه وايييد بيفيدني