ناعندي عزومه لاهل زوجي وهم كثير يحبون السلطات وانا ناويه اسوي بوفيه صغيرون مع العلم ان الطبق الرءيسي لحم مندي ولسا افكر في الاصناف الاخرى وابي منكم المساعده يافنانات لاتخيبوني اول مره اكتب طلب في المنتى:sh:shy: :salam: y:
انا مش بعرف قوى لكن هقوللك اللي بعرفه يارب اقدر افيدك
سلطة الطماطم
قطعي طماطم مع خيار مع خس مع جزر مع جرجير مع مقدونس وشبت خفيف وكسبره خفيفه
ها وهاتي بصله وقطعيها في طبق لوحدها وادعكيها بملح وفلفل وليمون وحطيهم علي بعض
وقت الاكل وبالهنا والشفا
سلطة بابا غنوج
هاتي باذنجانه كبيره رومي اسوده واشويها في الفرن او علي عين البوتاجاز الهاديه
وشيلى القشر من عليها وهاتي فصين ثوم مع فلفله مع ملح وكمون وشطه حمره خفيفه قوي
ودقيهم مع بعض واهرسى الباذنجانة بالشوكه وقلبيه كله مع بعضه ممكن تضيفي عليها
معلقتين زيت وطحينه وممكن لا
سلطة طحينة
هاتي شويه طحينه في طبق واغلى شوية مية وحطي الميه شويه شويه علي الطحينه مع التقليب
وحطي شوية ملح وقلبى مستمر وحطي عليها شوية خل وقلبى بمعلقه علي طوللغاية لما
يبقى شكلها يتغير وتحبب زينيها بنقطتين زيت وشوية كمون علي الوش
بالهنا والشفا ان شاء الله تبقي احلي سلطه في احلي عزومه
هاتي حتة كورومبه او ملفوف وابشريها مع جزرة مبشوره وهاتي ذبدايه مع ملعقتين مايونيز
مع ملعقة سكر وقلبيه مع بعضه وحطيه في الثلاجة لحين الاكل