شخباركم بنات عروس 🙂 عندي قضية دايما اسمع الكل يتحدث فيها وهي الفرق الي يطرأ على شخصية الرجل بعد الزواج بالنسبه لاهله إما للأحسن وإما للاسوء ، بنات عروس في من بينا آنسات وفي من بينا سيدات يعني ممكن نناقش الموضوع من كل الجوانب يعني من جهة قبل ومن جهة بعد ، طبعا كيف بتعرف المتزوجه كيف زوجها تغير ولا لا من خلال حديثها مع اهله .
بالنسبة لي انا كنت اللاحظ اخويه العود لما تزوج انا كنت في صف رابع يعني كنت ياهل احسه وايد تغير بصراحه احسه صار عنده استقلاليه لدرجة كنت اقول لامي ليش ساعات احس انه ما صار اخويه لكن بعد فتره حسيته تغير ورجع مثل اول وممكن رد احسن من قبل اما اخويه الي تزوج قبل اربع سنين لما كنت تقريبا بثاني ثانوي احسه بصراحه كان في البداية اوكيه معانه بس بعدها قام يتغير صار يتكلم بنفس الطريقه الي تتكلم فيها زوجته قبل كان لما بيطلع يسوي صدعه لنا ولازم الكل يطلع معاه ، الحين اذا حد يبي يطلع معاه يحاول باي طريقه يطفشه اخويه هذا له شخصية بس كم مره شفته يتكلم مع زوجته لكن بصراحه ما احس له اي قيمه قدامها ، بصراحه هذا الي يحز في خاطري وايد. التغيير ما يكون دايما من الزوجه ساعات يكون من الريال نفسه يعني ما الوم الزوجه دايما يمكن الزوجه هي الي تصلح في تصرفات زوجها.
، اما عن زوجي احسه تغير بس للأحسن بشهادة الكل صحيح الحمدلله ما يقصر معايه وحاطني على راسه لكن في نفس الوقت اشوف محترم اهله واااااايد بس الكل يقولي انه ما كان قبل ما يعرس عليج جي يعني ما كان يسوي حق حد سالفه وطول الوقت قاعد في البيت ما يطلع يعني كان انطوائي وبعدين سبحان الله تغير وصار يوجب على قولتهم ، بصراحه ما اقوووول الكلام هذا عشان هوا زوجي والله لكن لما تزوجت عرفت مين الي ينقال عليه ريال ومين الي ينقال عليه سكان يعني يمشي على حسب راي الي يمشيه مثل سكان السياره عرفتوا…
انا اسمع كلام وايد دوووم ربيعاتي يشتكون يا من خوانهم يا من ريايلهم بس ابي اعرف هل هو صحيح في فرق في التصرفات ولا الغيره تعمي القلوب …….
هلا ذكريات…….فعلا في حريم قويات تقدرالوحده تخلي الرجال يكون تحت أمرها وما يرفض لها طلب……..
حتى إنها تخليه ينسى أهله….وفي رجال يوازنون في العلاقه بين أهلهم وزوجاتهم ..
زوجي مثلا أيام الملكه وبعد الزواج ماحسيت إنه تغير مع أهله في المعامله بالعكس يحترم الصغير قبل الكبير
وبنفس الوقت ما فرض علي إني أكون مع أهله على طول …الحمد لله مخليني براحتي ..لكن الشي إلي إكتشفته
فيه بعد الزواج إنه عنيد وإذا عصب ياااااااساتر ولما سألت أخواته قالوا هو من زمان كذا …ووحده من أخواته مره قالت لي
غريبه أخوي ماكنا نحس إنه حنون كان قاسي مره …قلت الحمد لله إنه صار حنون تغير للأحسن ..وترا في بعض الرجال
مبدأهم إنه يلبي رغبات زوجته عشان يرتاح من المشاكل…بس إلي ما أحبه أبداااا إنه ينسى أهله
موضوع مهم اختي ذكريات أنا احس إن زوجي تغير 180 درجه معاي للأحسن
الحمد لله بس عمره ماتغير مع اهله أبدا
ولأني تزوجت صغيره كنت أحسه قاسي علي لكن لما كبرت شوي عرفت إنه كان يخاف علي
)
موضوع رائع تشكروون على هذا الطرح الجميل
بس لله الحمد انا احس ان زوجي هو هو من ايام الخطوبه الين ما تزواجنا معاملته معي يحبني ويحترم رائي
ومع اهله جدا محترم ودايم امه وابوه واخواته يدعون له لانه مره حنون عليهم ولله جد مو عشانه زوجي لانه اصلا هو كذا من قبل الزواج
وماتغير ابدا عليهم الا زياده سار احسن من قبل