الفزعه ياهل الخبره عروس في ورطه 2024.

بعدين اذكري الله ياقلبي بالعكس تحمسي وشدي حيلك وانبسطي >>> الله يعطينا مما عطاك ..

سوي لك جدول عناية بالجسم + جدول عناية بالشعر + جدول مشتريات + جدول تغذية + جدول مهام ( امور العرس وهيك زفة كوشة ….) ..

اذا زواجك مابقى عليه الا شهر او اقل .. مالك الا كريمات طبيه للتفتيح لان الطبيعية تاااخذ وقت ع ماتبين ..

اما اذا زواجك باقي عليه كم شهر .. انا انصحك بالخلطات الطبيعية ..

خلطة البقدونس ما قد جربتها ..

اما التقشير : زيت زيتون + سكر .. ويكون السكر اكثر من الزيت .. يعني لاتكثرين الزيت

( ثلاث فناجين سكر + ملعقة ونص تقريبا زيت زيتون ) ..

مع كل استحمام .. قبل ما تغسلين جسمك بالصابون ..

بللي جسمك بموية دااافيه .. بعدين بالسكر والزيت ادعكي جسمك بسرعة وبخفة يعني لاتضغطين ع الجلد ..

واذا خلصتي غسلي جسمك بالصابون مرتين …

ويفضل انك قبل ما تتروشين تدهننين جسمك باي زيت عندك ياقلبي .. وتخلينه ع ساعتين او اكثر بعدين تروشي بالعافيه ..

بالنسبة للركب والاكواع :

انا ماعندي خبرة بالكريمات الطبيه صراحة .. بس الخلطات الطبيعية اقدر افيدك ..

انا مستمرة ع خلطة حاليا اليوم كملت اسبوعين من استخدمها .. عجيييييييييييييييييييبة الصراحة ..

وربي نتيجة تفتح النفس ..

جيبي علبة فاضية .. اعصري فيها نص ليمونة .. وصبي عليها زيت الجلسرين السائل بالكمية اللي تحبين

بس ماتكون اكثر من الليمون .. وبرضو حطي زيت اللوز المر اللي لونه قريب من الصفار ( هذا الاصلي )

رجيهم سوا .. حطي ع ركبك وخليه لاتغسلينه .. نامي واصحي فيه عاااادي ..

مع الخلطة هذي .. لاااااازم ترطيبن الركب والاكواع زييييييييييييييييييييييييييييييييييييييييييين

قبل النوم وبعد النوم والعصر والمغرب والعشا وباي وقت تتذكرينهم روووحي رطبييييييييييييهم

وقبل الاستحمام جيبي الفازلين العادي خذي كمية كبييييرة وادهني فيها ركبك يعني كوني طبقة من الفازلين عليها

واذا جيتي تتروشين ركزي بالتنظيف ع هالاماكن بدون ما تجرحينهم ..

وصدقيني راح تنقلب ركبك بشكل ملحووووووووظ للافضل ..

************************************************** ********

الاضافات :

التغذية ثم التغذية ثم التغذية ..

روحي سوي لك تحليل فيتامينات ومعادن ووظائف جسم ..

شوفي وش ينقصك من فيتامينات وروحي اشتريها من الصيديلة واستخدميها ع طول ..

ومثل ما قالت ام ابراهيم اشربي ماء بكثرة واشربي عصير البرتقال الطبيعي كل يوم الصبح

وكثري من السلطططططططططططططططططة كل يوم كلي سلطة ..

وفيه حبوب نصحت فيه دكتورة جلدية هنا بالمنتدى الصراحة ما جربتها بس ناوية اشتريها قبل زواجي

طبعا تستمرين عليها ثلاث شهور .. اسمها ايميدين كل يوم تاخذين حبتين ..

اتوقع سعرها 250 ريال .. هذي نتايجها

نضارة وبشرة مثل بشرة الطفل والمسامات تختفي وكل ششي فيك يزين ان شاء الله ..

خذي اللي خطها اصفر لان مفعولها مضاعف ..

وحسني من نفسيتك اطلعي شمي هوا نظيف واستغلي ايام التجهيز في انك

تزيدين من ثقتك بنفسك وتعتمدين ع نفسك .. والله يسهلها عليك ياااارب ..