. اللي عندها خبرة بالمكياج والماركات . تتفضل . 2024.

..

السلام عليكم ورحمة الله وبركاته

مبارك عليكم الشهر

بنات حابه اخذ رايكم في بعض الاشياء اللي ابغي اشتريها ومحتارة من اي ماركة اخذ

اول شي الكريم الاساس والفاونديشن هل تنصحوني بماك والا اخذ ماركة ثانية

ابغي شي للزيارات ويظهر البشره بشكل طبيعي

..

بالنسبة للارواج مشكلتي انه الروج بسرعه يطير بس اكل والا اشرب اشوف المنظره مالقى له اثر

بغيت ماركة زينه ويتم فيها الروج وما يروح بسرعه والوانها حلوة وهادية مثلا درجات الوردي والخووخي على مشمشي

اي ماركة ترشحون لي للارواج؟

..

والبلاشر انا خذت وايد ماركات بس للاسف من احطه يطيح مثل البودره يعني ما يثبت

ولين سلمت على حد احسه يخف اللون بس اللي اشوفه على البنات بالجامعة انه البلاشر يتم ثابت ولونه حلو

وحبيت اعرف افضل ماركة اخذ منها البلاشر ويكون ثابت

..

واخر شي الماسكرا

شنو تنصحوني اخذ ؟؟ اخر مره خذت ديور لكنها مو اوكي ونشفت بسرعه وما استخدمتها

..

واشكركم على مساعدتكم ..

والله يعطيكم العافية ..

..

الأرواج ولقلوسات ماركة miss rose
وثابت وحلوة ألوانهم وايد

والمسكرا ماركة مبرووك سوادها حلو وتطول لرموش

الارواج ماركة مكياج وليس مكياجي والبلاشر ماركة فورايفر ومسكرا ريميل
صعب تحددين نوع الأساس بدون ماتعرفين نوع بشرتك ..
تقدرين تروحين باريس غاليري والا سيفورا وتاخذين عينات من الاساس اللى تناسبك سوا كريميه والا باودر مضغوطة والا ستيك .. لأن أهم شي نوعية البشرة ايش .. دهنية والا مختلطة والا جافة .. وعليها تاخذين نوع الاساس عشان ما تتورطين ..

الأرواج أنا أحب مآك .. وفيه من سيفورا بعد نوعيات حلوة ..

البلاشر .. مآك حلوة .. وبينفت بعد ممتازة ..

الماسكرا حسب ماتبين تطويل والا تكثيف ..
أنا أستعمل ماكس فاكتور 2000 ومرتاحة عليها ..

وبالتوفيق يارب

كريم اساس انصحج من كلينك لانها طبية وعملية ويعطي شكل طبيعي وماااك بعد حلوه
اما الاوارج احب ماك ولانكوم وفوريفر ثابتة وعندهم كل الالوان اللي تخطر على بالج
و انصحج تاخذين بيس حق البلاشر من سماش بوكس يثبت لون البلاشر ويزين من لونه وعندج ماك الوانهم حلوه وثابتة وفوريفر بعد
وعن المسكرا خذي من ماكس فاكتر او بروجواز او مايبيلين
وبالتوفيق يارب
الكريم اساس والفاونديشين اذا بشرتج دهنيه واتحبين تخفين العيوب الي فيها انصحج تستخدمين ماركة – كنيبو – موجوده ف باريس غاليري لانه عن تجربه شخصيه قبل كنت استخدم بودرة ماك بس ما كانت تناسب ويهي ف نصحتني خبيرة تجميل اني استخدم هالماركه لانه اغلب مكونتها طبيعيه

الروج – ماك اراوجهم حلوه وايد بس مرات اتيبس الشفايف اذا ما كنتي مستخدمه الجلوس
وشي ماركه ثانيه ما تحصلينها وايد والمشكله اني مب حافظه اسمها:ss: بس اتذكر شعارهم
يكون شرا المربع وداخله مربعات اصغار عليهم حروف m ,d عندهم روج خطييير لونه حلو والحلو فيه انه ما ينشف ولا يخوز ابدا وسعره بعد حلو !

البلاشر – عن تجربتي الخاصه بلاشر مكياجي يعجبني لانه يثبت والوانه حلوه شي وايد انواع بس الاحسن الي علبته اتكون ذهبيه

الماسكرا – ماكس فاكتور او ديور الي غطاته اتكون سوده عروس

وعليكم السلام ورحمة الله وبركاته

بخصوص الاساس على حسب نوع بشرتج انا مرتاحه على ماك من سنين
بس في بنات مايحبونه اذا تبين شي طبيعي جفينشي حلو بس لو تروحين المحل وتجربين احسن

بخصوص الأرواج لاتقيدين بماركه معينه حتى الاوراج الي مب ماركه ممكن تبيت معاج اذا حطيتي قبلها بودره

يعني وانتي تحطين البودره المضغوطه حطي ع شفايفج وعقب املي شفايفج بالمحدد واخر شي حطي الروج بيثبت معاج ولابيتغيير وبخصوص الالوان كل الماركات عندها الدرجات الي تبينها شوفي ماك وريميل عندهم درجات فاتحه وحلوه

البلاشرات جربي ماك والباليته الي عند مكياجي بلاشراتهم ثابته

والمسكرات انا جربت كل الماركات حالياً رسيت على ريميل الحمرا واحط فوقها ماكس فكتور اللي مكتوب عليها درامتيك لوك 2000

اتمنى اني افدتج

انا بالنسبة لي احب الفاونديشن مال ماكس فاكتر طبيعي وحلو "ميركل تاوج" حده حلو ع البشرة + الفاونديشين مال ميبيلين الموس كلش حلو يسوي بشرتي طبيعه وحلو وايد يعجبني واسعارهم حلو وطبعا بعد الفاونديشن ماك بعد وايد حلو وطبيعي البودرة انا جربتها وايد حلوه بس انا استخدم النوعين اللي سبق وذكرتهم اكثر

بالنسبة حق الروج انصحج بماك الوانهم وايد حلوة + ميبيلين في عندهم الوان حلوة + برجوا بعد حلو

اما الماسكرا اللي ماستغنى انا عنها وماغيرها ماكس فاكتر "الماستر بيس" تجنن قليلة بحقها والحين اللي منزلينها الجديدة بعد وايد حلوة جربتها وهالمرة بشتري لي وحده عجبتني

بالنسبة للبلاشر فانا احب الوان البلاشر مال برجوا الوانهم وايد حلو وطبيعية وفي عندج ماك خيااال البلاشر مالهم وجيفنشي بعد حلو

اتمنى اني افدتج

حبيبتي انا خبيرة تجميل وكنت خبيرة تجميل عند ماك وحابة اقولك عن خبرة ان فاونديشن ماك احسن فاونديشن بالسوووق بس الموضوع يرجع لنوع بشرتك يعني اذا بشرتك دهنيه يناسبها ستوديو فيكس ليكود لانو معمول من البودره اللي تمتص الدهون وبيعطي نتيجه رااائعه. اما اذا كانت بشرتك جافه فالافضل تستعملي stodio sculpt or select spf لانو مشبع بالالفيتامينات والمرطبات للبشرة الجافه, وبيعتمد الموضوع عا حسب نوع التغطيه اللي انتي حابتها يعني تغطيه كامله او خفيفه. اما بالنسبه للبلشر اذا حابه يثبت البلش حطي طبقه خفيفه من البلش الكريمي من ماك او ماك اب فورافر وبعدين حطي البلش باودر وصدقيني مستحيل يخف. والبالنسبه للارواج مثل ما نصحتك كوكو شانيل اهم شي تحطي base قبل الروج يعني شويه فاونديشن وباودر وبعدين تعبي الشفايف بالمحدد واخر شي الروج. اما المسكره جربي Guerlain or Lancome صحيح غاليه شوي بس راااائعه. بالتوفيق حبيبتي..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top