خلاص قررت اشتغل في مدرسه خاصه
لان التربيه شكلها ماراح تاخذني كلش
متخرجه من سنه وقاعده في البيت
شهادتي بكالوريس تربيه رياضيه
قوللولي على اسماء مدارس خاصه في المحرق او المنامه مابي ابعد لاني ساكنه في عراد
وراح اقدم فيها ولي الله كاتبه لي راح يصير ان شاء الله
ومشكورين
ربنا ييسر لك كل الخير
انتي بنفسج تحركي على رووحج وان شاء الله تلاقين الي تبينه
عندج المدارس الخاصه في محرق (( الشويفات الدولية في امواج،، الفلاح(مدرسة دينية)،، والفرنسيه في بسيتين))
في المناامة :: الشرق الاوسط ، المجد،، الابداع الخاصة،، آفاق،، البريطانية ،، لؤلؤة الخليج ، المعارف
هذلين الي اذكرهم حااليا وان شاء الله يفيدونج
تأكدي اهم شيء انهم ما يطلبون تقلبين البطاقة عشان ما تخسرين شغل وزارة التربية
اصلا فرفوورة للعلم ترى المداارس الخااصه على كثر مصاريفهم ،، لكن معاشاتهم كللللللللللللللللللللش ضعيفه
يعني كللش على الحدود ماتليق حتى بمستوى جامعيات
 |
اقتباس |  |
 |
المشاركة الأساسية كتبها ماركة بحرينية  |
 |
 |
| لا مدرسه المهد صعبة،، حدها احبااط حق الي يبون يشتغلوون ،،معاشاتهم كلش ضعيفه ودوامهم صعب اصلا فرفوورة للعلم ترى المداارس الخااصه على كثر مصاريفهم ،، لكن معاشاتهم كللللللللللللللللللللش ضعيفه يعني كللش على الحدود ماتليق حتى بمستوى جامعيات |
||
 |
 |
الصراحة يا أختي إللي تبي شغل ما تقول هالكلام .. الوحدة على الأقل تكتسب خبرة من أي شغلة مناسبة تحصلها لين ما الله يفرجها عليها بشغلة ثانية أفضل .. حتى لو الراتب قليل بالعكس لما تقدم في وظائف ثانية لأماكن ثانية بيكون موقفها أفضل لأن عندها خبرة .. و بعدين حتى داخل نفس المكان ممكن يصير فرص لشغلات ثانية برواتب أفضل فتكون ليها الأولوية …
و بما أنش بنت و تخصصش تربية رياضية يمكن بترتاحين في المدارس إللي تفصل البنات عن الأولاد أكثر مثل مدارس الفلاح و مدرسة الإيمان و أعتقد بعد مدرسة الشيخة حصة .. بس يعني مو شرط إذا حصلتين في مدارس ثانية لا تترددين .. و لو تبين رايي حتى موقع المدرسة لا تهتمين ليه أكثر المدارس فيها مواصلات و البحرين صغيرة مهماً كان .. و بعد بقول ليش حتى الحضانات الكبيرة قدمي فيها .. مثل كي جي كيدز و ABC و infant school و غيرها من الحضانات الكبيرة … إنتين جودي دليل التلفون و شوفي الصفحات الصفراء و دوري تحت عنوان مدارس و حضانات أو روضات و قدمي في كل مكان إذا ماإستفدتين فإن شاء الله ما بتخسرين شي
و الله يوفقش يا رب و يوفق الجميع
وانتي حاليا بعد قدمي في الشباب والرياضه ترا ياخذون
وربي يوفقج في التربيه لان صدقيني اريح لج في المدارس الحكومية
انت صبري والله يعينج
تفضلي
نقلاً عن GDN
مدرسة سانت كريستوفر
مدرسة النور
مدرسة الروابي
بدون اسم محدد.. بس الظاهر من الايميل مدرسة البحرين
والله كتبت الموضوع ونسيته
الله يعطيكم العافيه يارب