هاذا اول طلب لي في القسم هااااذا اتمنا ان اجد الاجابه عندكم ودي اعرف انا انشاء الله بسافر للهند انا وزوجي يعني عروسه وودي اعرف كم حتكلف الرحله ومشكوررررررررين 
التوقيع:
بودعك بمشي وأروح
ماأقدر أجامل خاطري
والدمع يسكن ناظري
والهند واااااااااااااااااااااااااايدرخيييييييييييييييصه يعني تقدري تحوطي فيها كثيييييير وبمبلغ بسيييييييييييط ألف ريال عماني
وبلد حلو الهند
تبين سفرتج في مومباي بس والا برع مومباي
مستوى الفندق اللي تبينه وجم سعر الليله وانه بعطيج خيارات تناسب السعر اللي تبينه
مفكره بالمشتريات او تفكرين بالطبيعه اكثر؟؟
والله ابي يكون سعرها رخيص واهم شي النظافه حدود 200 ريال الليله
وانا اهم شي الطبيعه بس بشيل شوي ملابس يعني قوليلي باالاماكن الحلوه وسعرها كمان حلو مشكوره فديتك الله يسعدك
ونسيت اقولك تكفي عشره الاف لسفر للهند ولا كم تتوقعين يكفيها ومشكوره
باكون صريحه وياج مومباي موللسياحه
شفتي تقرير اختي ماركه دبي اهي طلعت تتجول حول مومباي في منطقتين وحده منهم كانت كندالا
انه تميت في مومباي اتسوق واتعالج بس
انتي بالضبط شفتي اي تقرير؟؟عشان اراويج باقي التقارير
اذا تبين بحدود 200 ريال في فندق بوسط السوق مدخله موحلو بس نظيف وحطيت صوره عنه بتجهيزاتي للسفر كانت صديقتي عمانيه ساكنه فيه اذا حابه باحط لج كل تفاصيله وصور للفندق اسمه كازوي مجابل فندق ابولو
انتي اذا بتروحين 10 ايام من رايي تروحين كذا منطقه اخر شي ترجعين مومباي مادري اخاف اقولج حلوه وماتعجبج فمن جي اقتراحي خليها للاخير عشان تتسوقين
بس اذا انتي عادي عندج
بديها من مومباي وطلعي يوم روحي كندالا من صبح لي العصر
ويوم روحي جزيره القرود تروحيها من صوب بوابه الهند من الصبح للعصر
يوم روحي المناطق اللي صوب كندالا اذا تحبين اوفر الاسامي لج
يعني شوفي 10000 الاف بتكون شامله تذاكر السفر والسكن والشوبينغ والتنقل والاكل؟؟
خل نقول تذاكر السفر ع الطيران السعودي ب 1400 في شهر ديسمبر لنفترض لشخصين =2800
السكن 2000 ريال الى 2500 ريال ل 10 ايام
الاكل 600 ريال
المواصلات انه افضل تتعاقدين مع شخص سواق ايكم باليوميه تعطونه يوميته 100 ريال يكون معاكم من صبح لي الليل واذا تبين رقم سواق اللي اتعامل وياه بطرش لج رقمه فالتوصيل اعتقد تخلون له 1500 ريال ويا التنقل بين المناطق
واهم شي انج لازم تكاسرينهم بالسعر يعني بدل لايكون يوميته 100 ريال قولي له ب 80 ريال
التسوق يعتمد عليج فانتي حطي المبلغ اللي تحبينه
انه مبدئيا وزعت المبلغ تقريبا ب 6800 والباقي ممكن مشتريات
حطيت لج اقل الاسعار بالنسبه للمبلغ اللي انتي حددتيه
ونصيحه اذا بتروحين مومباي اخذ معاج كلشي قديم لان كلشي يفضل تقطينه هناك وترجعين ههههه واحلى شي نصيحه روحي بالصيف الجو اينن بس الاسعار تغلى بالصيف ولازم تكونين حاجزه قبلها ب 4شهور
انه راح افيدج بكذا معلومه بس ابي بعد تعطيني معلومات عن اللي ببالج
انتي متى رايحه قوليلي يمكن الحق افيدك ؟ وهاذي صوره لكيرلا من النت
وهاذا الهاوس بوت تقدرين تاجرينه يوم كامل فيه غرفه نوم ومطبخ وصاله روعه