اليوم كان اول يوم لولدي في الروضة والتجربة كانت حلوة ومميزة وجديدة ….
احسست بالفرحة لانه ولدي كبر ….
واحسست بالسعادة ان ولدي صار يعتمد على نفسه بدوني او بدء يعتمد …
كان صعب على نفسي اني ابتعد عنه واخليه لانه ماتعودت ابدا اكون في هالموقف
وبكرة بيكون يوم اصعب عليي لانه خوفي انه يرفض يروح ….على الرغم من انه لما طلعت عنه كان ساكت ويلعب بعكس الاطفال الموجودين؟
كل وحدة تقول تجربتها وشلون تجاوزت هالفترة الصعبة وحاولت انه ولدها يحب الدراسة ….
ولدي ان شاء الله بكرة بيداوم الروضة..
عاد متخرعة حدي واحس الا حوالي يقولون حشى ولدها مو بيروح روضة بيروح جامعة..
قاعدة وافكر شلون بخليه في الروضة وبمشي عنه ..
واحاتيه شلون بياكل وشلون بيروح الحمام عزج الله..
عاد الوساوس مرة تاخذني يمين ومرة شمال..
بس اختي بأكد على نقطة لوكان ولدج يروح بالباص الخاص للروضة ضروري تاخذي رقم السائق..
للحالات الطارئة,,
الله يخلي اولادنا ويهديهم للخير والصلاح ويعينا على تربيتهم يا رب..
انا ولدي من صغره وديته حضانة واساسا انا كنت افارقه لاني اروح الجامعة ، واللعام وديته روضة .. والحمدلله في المرتين ما كان في مشاكل لانه الصلاة على النبي اجتماعي ويحب الناس 😉
والسنة سجلته في مدرسة خاصة ( KG ) وهالمدرسة صايرة بعيييدة عن البيت وهو بيروح ويرجع في الباص واحاتي انه يتعب من المسافة ويكره المدرسة .. واحاتي بعد ان يصيرون معاه اجانب في الصف ويكره المدرسة بعد 
حاليا هو متحمس جدااااا للدوام وبيدوام يوم الاربعاء ان شاء الله .. وبعدها بخبركم بالاخبار في اول يوم له في مدرسته الجديدة 
والله هذا همي اللي شايلته من ايااام .. يوم الثلاثاء بيكون دوام بنتي في الروضه وهذي اول سنه لها وخايفه حدي .. بنتي وايد متعلقه فيني ومستحيل تروح مكان بدووني الا مراات قليله .. افكر شلون بتاكل بروحها فدييتها
واحس اول يوم احنا الثنتين بنصيـــــــــــح ههههه
شاليله هم هاليوووم
فديته بعده صغيروني عمره سنتين و بدخله حضانه بس يومين في الاسبوع
الله يستر
الله يوفقهم وينجحهم ويخليهم لنا يارب
والحين كل يوم على هالموال ما يرضى يروح الروضة وكل يقول خلااص ما يبي يرروح والصبح يركب الباص بالصياح بس اذا يجي الظهر يجي مفرفش ومستانس بس بعد يقول ما يبي يروح الروضة تعبت منه وكل يوم ما يلبس ثيابه الا بالغصب وبالصياح والصراخ من صباح الله خيررر
في احد ولدها او بنتهاا مثل صدوقي ؟؟ وشنو ممكن اسوي اليه عشان يحب الروضة واي قد ممكن اصبر عليه ويتعود لانة تعبت ونفسيتي زفت منه
 |
اقتباس |  |
 |
المشاركة الأساسية كتبها angel eyes  |
 |
 |
| يوم الاربعا بيكون اول يوم شاليله هم هاليوووم فديته بعده صغيروني عمره سنتين و بدخله حضانه بس يومين في الاسبوع الله يستر |
||
 |
 |
لا تحاتينه انجل ان شاء الله ماعليه الا الخير ..
انا وديت حسوني الحضانه وكان عمره سنة و11 شهر .. ويداوم 3 ايام بالاسبوع ، والحمدلله حب الحضانة وتعلق بها .. لما نوصله كان بسرررعه ينزل يبي يدخل ولما نستلمه الظهر ما يرضى يمشي مع اني كنت اروح له متأخرة بحكم دراستي في الجامعه وقتها وما اروح الا في كم ياهل بس ومع هذا ما يرضى يمشي ويتعلق بالمربية واسحبه بالغصب هههههههههههههههههههه
|
اقتباس | |
|
المشاركة الأساسية كتبها ماما حسون |
|
|
| لا تحاتينه انجل ان شاء الله ماعليه الا الخير ..
انا وديت حسوني الحضانه وكان عمره سنة و11 شهر .. ويداوم 3 ايام بالاسبوع ، والحمدلله حب الحضانة وتعلق بها .. لما نوصله كان بسرررعه ينزل يبي يدخل ولما نستلمه الظهر ما يرضى يمشي مع اني كنت اروح له متأخرة بحكم دراستي في الجامعه وقتها وما اروح الا في كم ياهل بس ومع هذا ما يرضى يمشي ويتعلق بالمربية واسحبه بالغصب هههههههههههههههههههه |
||
|
|
ان شالله ولدي يصير نفس ولدج …