السلام عليكم ورحمة الله وبركاته
مرحبا بنوتات ،، واحشيني
من فتره وانا افكر شنو انزل لكم جديد ،، وببالي افكار وايد
بس اليوم بطرح لكم موضوع يهمكم خصوصاً في فصل الشتاء
مع برودة الجو ،، و انخفاض الرطوبه ،، والملابس الثقيله ..
مثل ما تعرفون هذه كلها اسباب تتعب بشرتنا واغلبيتنا نشتكي ان البشره في فصل الشتاء
تتعب و منظرها يكون مو حلو ،، احمرار ،، جفاف ،، و قشوووووووووور 😥
بس في كلمة قالوها بروفيسورات في شيكاغو ،، ان افضل فتره لتجديد البشره والاهتمام بها
هو فصل الشتاء :eek2:
انا اقول لكم شلون ،، نقاط مهمه لازم تأخذونها بعين الأعتبار وبتقولون ام خالد قالت
البشره تتكون من طبقات عديده من الخلايا
و الألوووف من الغدد الدهنيه
هذه الغدد الدهنيه هي اللي تحافظ على رطوبة البشرة و نعومتها
لكن في كل مره تتعرضين للجو ، وتغسلين البشره ،، تقللين افراز هذه الغدد ..
في الصيف ومع رطوبة الجو ،، هالرطوبه في الجو تساعد البشره على اعادةافراز الغدد الدهنيه بسرعه ..
الحين الجفاف و برودة الجو ،، مع غسل البشره كلها عوامل تجفف بشرتك و تنشفها ..
فهمتي اساس المشكله شنو ؟؟!!
معناتها جا وقت نعرف الخطوات اللي نحتاجها عشان نوصل للنتيجيه اللي نتمناها ..
العناية بالوجه :
1/ غسل البشره بالصابون او الرغوه او الجل اللي تستخدمينه مع ماء دافيء
انا قلت دافئ حاسبوا مو ماء حار ..
البعض بيقول الماء البارد افضل
انا اقول لكم لا ،، الماء الدافيء ينظف البشره ويعطي فعاليه اكبر للصابون ..
وبعدها بأخر شطفه ممكن ماء بارد لقبض المسام ..
2/ استمروا على استخدام واقي الشمس ،، صحيح ان حرارة الشمس قلت ،، لكن اشعتها الضاره ما زالت مستمره ،، استخدمي واقي الشمس اقل شي بنسبة SPF 15
ارجوكم بنات لا تهملون واقي الشمس ..
3/ بعد غسل البشرة بالصابون ،، اكيد كلكم عارفين انكم تحتاجون لكريم مرطب ..
بس المهم اختيار ما يناسب البشره ،، يعني مو صاحبة البشرة الجافه تستخدم مرطب للبشره الدهنيه و تقول ما فادني
او صاحبة البشرة الدهنيه تستخدم مرطب للبشره الجافه و تقول بهدلتني الدهون ..
يمكن صاحبات البشره الدهنيه يحسون انهم ما يحتاجون كريم مرطب .. لكن هذا شي مهم و مغذي للبشره ،، وجفاف الجو له دور ..
مثل ما انتوا عارفين بعد غسل الوجه تحسون البشره ناشفه و مشدوده ،، صاحبة البشرة الدهنيه اذا حابه تعرفين اذا محتاجه لمرطب او لا انتظري بعد الغسل لمدة 20 دقيقه اذا شفتي ان البشره ما زالت ناشفه و مشدوده معانته انتي تحتاجين كريم مرطب ..
اما لو بعد 20 دقيقه شفتي ان ملمس البشره رجع طبيعي فأنتي ما تحتاجين الا لواقي الشمس ..
نصائح للمصابات بالبثور و حب الشباب :
1/ يجب الأستمرار بكورس العلاج اللي تتابعونه مع طبيب الجلديه .
2/ من المهم تراجعون الطبيب اللي متابعين معاه ،، اذا فيه شغلات في الكورس توقفينها بهالفتره او اشياء جديده ممكن يضيفها ..
3/ اذا كنتي من اللي يستخدمون الـ Retin-A ،، اوجه الكلام اللي ماخذينه بوصفة طبيب ،، انا مو مسؤوله عن اللي يستخدمونه من كيفهم ..
راجعي الطبيب اللي تتابعين معاه و اسئليه عن امكانية تحويل الرتين ايه اللي تستخدمينه من جل الى كريم ..
4/ اذا تستخدمين علاج يتكون alpha-hydroxy acids ،، لا تستخدمينه بكثره ،، وحاولي تقللين منه قد ما تقدرين ،، لأنه يقشر الطبقه الخارجيه للبشره ،، وهو حلو للبشره الجافه ،، لكن يترك البشره غير محميه و تتحسس بسهوله في الشتاء ..
الشفايف :
اهم شي في فصل الشتاء تهتمين بترطيب الشفايف ،، لأنهم اكثر عرضه للتقشر و التشقق
جربي تستخدمين مرطب للشفايف ،، زبدة الكاكاو وايد مفيده
العناية بالجسم :
1/الشاور او الحمام ،، يكون بماء دافئ معتدل ،، لا بارد ولا حار ،، ممكن عشان تشدون البشره اخر شطفه تكون بماء بارد و بسرعه ،، اما الماء الحار ابتعدوا عنه خصوصاً في فصل الشتاء لأنه يزل الدهون من البشره و يتركها جافه وناشفه ..
عاد مو معناتها تقعدون مدهنين وما تتنظفون و تقولون ام خالد قالت :dd:
النظافه حلوه والماء الدافي يكفي ،، اما الحار هذا يخلصنا من الزيوت اللي الجسم محتاجها ويستفيد منها ..
2/حددي وقت الشاور يكون لمدة 10 دقائق وما تزيد عن ربع ساعه ..
<—- حاولت اقلل الوقت ،، اقل شي طلع معاي 20 دقيقه
المهم ما يزيد عن جذي مو تقعدون تتفركون ساعه و ساعتين ..
3/اما لو اضطريتي تاخذين حمام حار و تقعدين بالبانيو ،، ضيفي الى الماء زيت ،، زيت جونسون او مذكر كير وايد حلو ،، او زيت طبيعي لو تبون ..
وممكن زيوت بدي شوب اللي يصير تستخدمينها على البشره مباشره ،، او تحطينها مع الماء في البانيو
4/ اختاري الشاور جل او الصابون يكون مرطب وما ينشف البشره .. ويكون ناعم على البشره
ممكن يكون متكون من المندرين ،، او زيت الزيتون او زيت السمسم ..
و الشاور جل افضل من قوالب الصابون ،، لأنها تحافظ على ترطيب البشره وما تنشفها .
5/ نفس زيوت الجسم اللي ذكرناها من بدي شوب ،،او بيبي اويل او جل من جونسن ،، استخدميها على طول بعد ما تطلعين من الحمام ويكون الجسم بعده رطب ،، عشان تحافظين على الماء في البشره ..
6/ استبدلي لوشن الجسم والكريم الخفيف بالـ Body Butter
للبشره المعرضه للجفاف
للبشره الجافه و المعرضه للجفاف
للبشره الجافه الى الجافه جداً
يحارب جفاف البشره
نصائح عامة :
اذا تشيلين الشعر بالشفره او الموس
استخدمي بدال رغوة الحلاقة او جل الحلاقه ،، كريم حلاقة ..
كل مره تغسلين فيها يدك نشفيها و حطي اللوشن المتعوده عليه ليدك ..
فكره انك تحطين اللوشن جنب المغسله عشان ما تكسلين او تنسين
اتمنى تكون الناصائح فادتكم
واللي ودها تنقل الموضوع ،، مافي مانع من ان الكل يستفيد
بس عشان ما يروح التعب على الفاضي ،، وتبقى الحقوق لأصحابها
مافيها شي لو نذكر منقول من مدونة عروس
اختكم // ام خالد
الله يعطيكى العافية ويبارك لك فى خالد
مشكورة يا بعد عمرى عالموضوع الرائع جدا
تسلم ايديك
اسبايكـــــــــــــــــــــــــى
 |
اقتباس |  |
 |
المشاركة الأساسية كتبها الغالية22 |  |
 |
| يعطيج العافية ام خالد على هالنصائح الثمينة وعساج على القوة | ||
 |
 |
الله يعافيج الغاليه
واتمنى انها فادتك
|
اقتباس | |
|
المشاركة الأساسية كتبها -%-سحابة حب-%- | |
|
| الف شكر وربي يعطيج العافيه | ||
|
|
سحابة حب
الله يعافيج حبيبتي
و العفو يالغلا
|
اقتباس | |
|
المشاركة الأساسية كتبها اسبايكى | |
|
| مساء النور على عيونك يا ام خالد يا قمر
الله يعطيكى العافية ويبارك لك فى خالد مشكورة يا بعد عمرى عالموضوع الرائع جدا تسلم ايديك اسبايكـــــــــــــــــــــــــى |
||
|
|
مساء الأنوار يا عيون ام خالد
يعافيك ربي و يسلمك من كل شر
و العفو ياعمري ،، دام تواصلك العطر
وتسلمين
تصدقين بشرتي صار فيها تبيان غريب
يعني من تحت الشفايف !!!!
لما قريت موضوعج قلت يمكن من الشتااا:think:
بس انا وايد اعتني في بشرتي !! شي غريب
شرايج !!! شاللي ممكن يوديه
بس تصدقين مواضيعج فيها دعايات حلوة حق بودي شوب ليكون تشتغلين هناك:cool2: