شلونكم يابنات عرووس ..
حبيت نتبادل طرق اعدادنا للحيب وخاصه انه مفيد ومحبب من الاطفال والكبار ويدفيء بالشتاء
بســـــم الله نبتدي
1. الحليب المخلوط مع نسكافيه ..
يعني تحضرين مطارة حليب بيانسكافيه وإذا تبين طعم أحلي ضيفي
ملعقة كوفي ميت معاهم بطعم الفانيليا أو البندق وهذا متوفر من نستله .
2. الحليب مع الهيل والزعفران .
وهذا لازم يكون الحليب فرش مع الزعفران والهيل ياسلااااام شوفي
الطعم كأنك تأكلين كيكة . وتلاحظي يكون الحليب تغير لونه صار فيه لون الزعفران .
3. حليب نيدو على حسب كميه الابريق تقريبا 6 كاسات ويوضع على النار وبعدها يضاف علبه
ابو قوس او بوني او اي حليب مركز ثم يضاف لها ملعقه طعام بن "قهوه عربيه" من غير هيل او بهارات القهوه العربيه ويوضع السكر حسب الرغبه
4. نغلي الحليب ثم نضع فيه تمر منزوع النوى والحليب ساخن جداً( حسب الرغبه ) بالليل وبعد ما يبرد نحط الخليط بالخلاط الكهربائي ونخلطه ونصفيه بالمصفى ويوضع بالثلاجه ويشرب بارد وطعمه روعه وخصوصاللي عندها فقر دم جدا مفيد وللأطفال .
5.طريقة الحليب بالهيل :
تحطين كوب ماى و سكر و ليبتون واحد او اثنين على النار
و لما يغلى تضيفين لهم 5 او 6 حبات هيل غاسلتهم و ضاغطتهم بايدج عشان تنفتح حبة الهيل و تطلع نكهتها بالحليب
و بعدين تكونين محضرة حليب بودرة خاضته مع ماى و تضيفينه للمقدار السابق
و لما يغلى تسكرين النار و تشخلينه فى المطاره او الترمس
6. طريقة الحليب بالزعتر المقادير ( للكوب الواحد )
أحط على النار حليب سائل نادك او المراعى و معاه ملعقة سكر و كيس ليبتون و ملعقة صغيرة زعتر أخضر مجفف
و لما يغلى أشخله فى الكوب
7.حليب بالسميد
المقادير:
حليب حسب الكمية المرغوبة
سكر حسب الكمية المرغوبة
زعفران حسب الرغبة
هيل حسب الرغبة
سميد (اللي يستخدم للبسبوسة) وهو سر هذه الطريقة .. بس لا يكون السميد كثير حتى لا يصير الحليب كثيف جدا .. لازم يكون وسط لا خفيف ولا كثيف ..
الطريقة:
طبعاً نغلى الحليب مع السكر والزعفران والهيل ثم نضيف السميد ونتركه حتى ينضج .. وانتبهوا للكثافة .. يعني لازم يكون الحليب في النهاية أقرب للسيولة .. ونحن نحطه في دلة فتحتها كبيرة عشان ينسكب بسهولة ..
8.حليب بالورد
كوب حليب من حليب المراعي (انا افضل هالحليب لانه احس طعمه غير عن الباقي)
وينضاف عليه شوبة من شربة الوردالمركز طبعا الحليب بارد
ويحرك لين يصير لونة وردي شوية غامق مو فاتح واجد يقدم للاطفال جدا رح يفرحون لما يشربونه
حتى الكبار رح يستانسون عليه جربو ودعولي
9.(( حليب ألوو – Aloo Bonda Milk ))
المقادير تكفي لتحضير 4 أكواب .
* 2 كوب ماي .
* 3 حبات مسمار أو كبش القرنفل .
* 1 عود دارسين .
* 3-4 حبات هيل .
* 1/4 كوب شاي ورق ( او 4 أكياس شاي )
* 2 كوب حليب كامل الدسم ( أو علبة كارنيشين ) .
* 4 ملاعق كبيره سكر
الطريقة :
1. صخني الماي مع الهيل المسمار والدارسين لغاية الغليان .
2. ضيفي الشاي والحليب والسكر وحركيهم لغاية ما يغلوون وبعدين قصري النار كلش وحركي لمدة ثواني .
وقدميه ساااااااخن وبالعافية ..
(( حليب بنغالي Eliacvhi doodh ))
المقادير :
– 3 ملاعق كبيره بذور البوبي سيد محمصة لمدة 5 دقايق .
– 15 حبة لوز مقشر .
– 1 كوب ماي .
– 3 كوب حليب كامل الدسم .
– 1/2 ملعقة هيل مطحون .
– سكر حسب الرغبة .
الطريقة :
1. حطي البوبي سيد + اللوز + الماي في البليندر أو الخلاط الكأس لمدة 2-3 دقائاق لين يصير بيورية بعدين ضيفي 2لحليب وردي خلطيه لمدة 1 دقيقة .
2. شخلي المزيج أو صفيه وحطي 1 كوب الحليب الي فاضل وحطيهم على النار مع الهيل المطحون ولما يغلي المزيج ضيفي السكر وقصري على النار وخليهم يطبخون على نار هادية ..
طريقة التقديم إن الهنود يصبون الكوب ويرجعون إلى كوب آخر بسرعة ومع رفع اليد مره ورا الثانية لين تصير فوق الوجه رغوة إنتي إستخدمي مكينة الكابتشينو اليدوية لصنع رغوة على وجه كوب الحليب مع رش الوجه بالكاكاو أو اللوز المبشور المحمص ..
10.Madhur Badam Doodh
(( حليب باللوز والعسل ))
المقادير :
– 1/2 كوب لوز مقشر .
– 2 كوب حليب .
– 1/2 ملعقة هيل .
– سكر حسب الرغبة أو عسل .
الطريقة :
1. يخلط في الخلاط الكأس اللوز مع قليل من الماي لين يصير بيورية بعدين نضيف عليه الحليب ونرجع نخلطه لمدة 2 دقيقة ..
2. نصفي الحليب ونحطه في ماعون ونغليه مع إضافة الهيل ولما يغلي الحليب نحليه بالعسل أو السكر حسب الرغبة ونخليه على نار هادية لين يغلي على مهلة وبعدين نقدمة ساااااخن .
شاي بالحليب والبهارات
الكمية تسويلج 7 أكواب
المكونات:
6 قطع جبنة كيري(السرررر الكبير) من الحين صاحبات الريجيم لا يكملون
¼ ملعقة صغيرة يانسون حب
عودين مسمار
عود قرفة
¼ ملعقة صغيرة هيل
¼ ملعقة صغيرة كزبرة
1 ملعقة صغيرة زنجبيل ناعم
½ كوب سكر بودرة
ليتر ماي
كوبين حليب
كيسين شاي ليبتون او تقريبا ملعقتين صغار شاهي نثر
¼ كوب لوز محمص ومطحون
الطريقة:
نطحن البهارات نااااعم،اكيد كلنا عندنا هالاشياء مطحونة وخالصة، خلطيها كلها مع بعض ،بيصير عندج خلطة بهارات، فكرت اخلط كمية واخليها حق شاهي الصبح لنها عيبتني. وحطيت الهيل ربع ملعقة مطحونة، على مقاديره يعني حبتين هيل ما لها مفعول،ونفس الشي الكزبرة واليانسون.
المهم في الخلاط حطي البهارات ويا الكيري والسكر واللوز والحليب،اللوز لا تحطينه كله.
الحين حطي الخلطة (يقولون احب هالكلمة) في جدر عالنار وضيفي عليه الماي ،يوم اتشوفين خلاص قرب يغلي حطي عليه اكياس الشاهي، انا يوم سويته حطيت شاي منثور،و اظني يعطيج نفس النتيجة، خليه يغلي شوي عحسب ما تحبين بعدين صفيه ويوم تقدمينه زيني بشوية لوز
الشوكولاته الساخنه
المكونات:- 3 كوب حليب.
– 13 كوب شيكولاته مفرومه ( نصف محلاه ).
– 1 ملعقة طعام سكر أبيض.
– 12 ملعقه صغيرة قرفة.
– بيضه واحدة.
الطريقه:
1- ضعى الحليب في المايكرويف وقومى بتسخينه على المستوى العالى لمدة دقيقتين
ثم قومى بمزجه مع الشيكولاته والسكر والقرفة في إناء صغير. تخفق البيضة
حتى تنعم ثم تضاف إلى خليط الشيكولاته.
2- أعيدى الخليط إلى المايكرويف وشغليه لمدة 3 أو 4 دقائق على المستوى العالى
أو حتى يصبح ذو رغوة كثيفة ( كونى حذرة ولا تترك الخليط حتى درجة الغليان)
ثم قومى بصبه في 3 أقداح.. ويمكن تزيين الوجه برش القرفة على حسب الرغبة.
والحين دوركم يابنات يا حلوين ورونا وصفاتكم بالحليب
وللامانه الوصفات منقووله
كل الطرق اللي ذكرتيها حلوه وشي جربناه وشي بنجربه
انا بالنسبه لي معروفه بطريقتي بالحليب عن عائلتي اجمع
يعني اروح لاهلي يقولون ما مثل حليبك ما ادري قصدهم يلعبون علي عشان اقوم اسويه
ههههههههههههههههه
يسوونها والله
لكن احنا القصمان عندنا طريقة مره حلوه
نخليه ثقيل يعني كمية الحليب البودر كثيره شوي ونضيف الحلا حسب الذوق
لكن نضيف رشة ملح معاه
يطلع خيالي بقوووه ما احد يتخيلها
ما ينفع ملح مع الحليب بدون سكر
وشوي هيل ناعم وشوي فلفل اسود
خصوصا مع هطلات المطر الله يجعله عطاء برضا يارب
يدفي ويعطي نشاط
تشكري يا اخيه
بصراحه من اشج المعجبين بالحليب وان شاااااء الله بجرب طريقتج شكلها يشوق ملح مع حليب والله شوقتيني اجربها
يالله يا بنات ورونا همتكم 
تسلموا يا بنات بس كيف ورق شاي وحليب؟
بجرب كل يومين خلطة ووصفة وتسلموا بعد مره
السلام عليكم ورحمة الله ..
الوصفات شكلها لذييييذة ودايما الحليب حلو يكون مخلوط بهيل او زنجبيل وغيره
مشكورة عزيزتي والله يعطيك العافية …
شرفتوني بردودكم
تسلمي يالغالية وسلمت الايادي
ويعطيك الف عافية
وطريقة ثنانية _ 6 ملاعق حليب نيدو + 2كاس ماء بارد احركهم مع بعض واحطهم على النار اول غلوه واطفي عنهم واضيف 4 حبات هيل مررررررة يطلع طعم وكمان احليه على حسب الطلب