بنات عجمان مساعده اريد صالون ؟؟ 2024.

بسم الله الرحمن الرحيم
السلام عليكم ورحمة الله و بركانه
القصة وما فيها
ان عرس اخوي وايد جريب
وبغيت صالون في عجمان يكون بالمواصفات التالية
– مكياجه حلو و خصوصا كريم الاساس ومكياج العيون لان عندي في بشرتي عيوب وايدة وبعد وياي الوالدة ويبالنا صالون يعرف يحط لكل وحدة على حسب عمرها ( أكيد فاهمين علي)
– التسريحة تكون حلوة بعد لانا اهل المعرس وما ينفع اي كلام
و ياريت اللي تنصحني تكمل جميلها وتقول اسم الصالون و الخبيرة والاسعار لاني الصراحة بنت وحيدة و ما عندي حد ينصحني و عمري ما رحت صالونات علشان كذا ابي حد يا خذ الاجر فيني ويبيض وجهي انا والوالدة وما يخلي حد يضحك علينا لانه معاريفنا راح يكونون مركزين علينا😮
والله يستر ويعدي هذي الليلة على خير
ويسترني بالزوج الصالح أنا وبنات المسلمين جميعا
اللهم آمين
:L:

حببوووبه
شي صالون
يوكو
وشي صالون رشنا بعد
وحلو مكياجهم

وشي بعد صالون سلطانه

واذا تبين ارقامهم بيبهم لج

والسموحه منج

اول الف مبروك وثانيها الله يوفقكم وفال لج

اماا ثالثا شوفي اختي انا من رااك وشي ماكيرا تسوي شعر ومكيااج فلسطينيه تسوي لج ع مطلوب ومكيااجها روعه شفته بعيووني وكاافي اسلوبها محترم اتوقع لوو طلبتيها بتوافق تيييج لييييييييييين البيت او القاعه واسمهاا ناديه

لو حابه خبريني اطرش لج الرقم اتصلي واساليها ان شي حجز وهل تقدر تي لعندج لانها تروح شعم ومسافي والذيد فجربي حبيبتي

بس صدقيني ما رااح تندميييين ^^

مساج الله بالخير حبيبتي …..عن تجربه شخصيه انا وخواتي وحمياتي مجربين ويا صالون يوكو ويا السوريه مش الباكستانية لان كريم الاساس رووووووعه وتوزيعها للوجه اروع نحن بدينا وياها من الساعة 1 والله وتم المكياج لا ساح ولا صار به شي بالعكس كل ما طال الوقت عليه لمع اكثر والوانها حلوه خفيفة ومميزة.. ربي يوفقج حبيبتي واذا مش متزوجه ربي يرزقج الرجل الصاااالح .ومبروكين مقدما.:adore:

انا انصحج تروحين عند وحده اسمها ام شما…

الله يوفق الجميع
وخصوصا الحبوبات اللي تعاونوا وياي و ردوا علي F::adore:
بس من اللف والتفحيط في المنتديات:confused: شفت الاقبال اكثر شي على هذي الصالونات
صالون نوف
صالون روزا روسا
صالون عروشي
صالون ميس الريم
فاللي تعرف اي معلومات عنهم تخبرني
ونسيت بعد اسالكم عن الحنا وين تنصحوني اسويه:o
اما بالنسبة للصبغة فقررت اسويها في صالون نوف لانه عندهم صبغة من غير امونيا:thumbs_up:

الحنا انصحج بصالون المراسم في سوق القديم