اخواتي الغاليات اليوم حبيت احط لكم موضوع وهو عن تجربه مريتها بمرض بنتي الصغيره بس الحمدالله تشافت ولله الحمد
قبل اسبوع سبحتها وتعرضت للبرد وطبعا هاذا غلط لزم كلكم يوم تسبحون اعيالكم تدفونهم زين ولاتعرضونهم للهوى ……انا اول مره تصير معاي والسبه بنتي الله يهديها زهراء مخلي الباب مفتوح والغرفه ثلجة واحنا عندنا البرد يقص العظام
اسم الله على عيالكم ويارب مايشفون المرض .
بحالة تعرض الطفل للبرد وتتابعه على اثره الكحه والبلغم لزم اول شي تهتمين بدرجة الحراره مالت الغرفه حاولي انها تكون دافيه وطبعا لزم يكون الهواء نقي والغرفه مافيها اي غبار لان عادتا تجمع الغبره على الاسره الخشبيه على اطراف النوافذ يعني انا باستراليا ماااشوف تراب بس بين فتره وفتره القي غبره على حواف الدرايش ….
قبل اي شي تكونين غاسله يدج او تستخدمين المعقم ديتول من غير الماء
زيت الزيتون الدافي تدلكين فيه صدر الطفل وتلبسينه ملابس قطنيه ودايما صديري على جسمه الياهل يسعبل او يرجع وانتو بكرامه فلزم مايتعرض للرطوبه ابدا تاثر عليه
وبعدها تلفينه عدل بمهاد وبعدين ببطانيه
شراب الينسون او شراب fennel
تطرد البلغم وتريح الياهل من الكحه .
ممكن الينسون وشوي حلبه وااايد زين بعد
الي ترضع بصردها ممكن تستخدم السرنجه او المقياس الطبي
او ممكن رظاعه انا استخدم ماركة nuk
وايد زينه للبيبي تكون مثل شكل صدر الام ……
لزم زيارة الدكتور واتباع التعليمات خاااصه بمقدر الجرعه الازمه لاتسون نفسي الدكتور كاتبلي 1.5 ملي وانا من خوفي عليها اعطيها بس 00.5 ملي لين تطورت حالتها وظطرو يكتبولي على مظاد ثاني اقوى منه …والاهم الاستمرار بالعلاج موبس تشوفون البيبي رد مثل اول تقطعون مايصير تاثرون عليه واحتمال يرجع لالمه وومرضه من ثاني …..اسم الله عليهم ربي لايكتب على عيالكم المرض يارب
ولزم يكون عندك مقياس الحراره مهم مهم مهم علشان تعرفين كم درجة الحراره بظبط لان الحراره اسم الله على عيالكم تسبب وايد اشياء خاصه الاطفال
في امهات تقول لامقياس ولاشي مايحتاي انا اجيس راس الياهل بايدي ….نو نو نو غلاط غلاط
لان البندول ماينعطى حق الي حرارته 37.7 بس ينعطي للي حرارته 38.7
يعني في شغلات حساااسه لزم تنتبهون لها لان الاطفال موووشي سهل تغامرون في ..
اذا الطفل حرارته فوق 38 تعطينه بندول الخاص بعمره من سنه الى 3 سنوات تاكدي من النقطه هاي موتعطينه بندول اكسترا سترنقث ….
بندول الاطفال الى سن ال3 سنوات ياخذ كل 6-8 ساعات تقريبا
وطبعا يكون مكتوب بالعلبه انك ماتعطينه مع دواء ثاني يحتوي على….بس يمكن مومكتب تاكدو اكثر اي علبه دواء اقروها….
وفي قطاره للطفل تعطى للمنخار الطفل ومعاه شفاطه….مدري اذا هاذا اسمها او لا بس رهيييييبه وتريح الطفل ولكن لها تعليمات لانهاااااااا خطرررررررررررراه جدا اول شي تقطرين للطفل تخلينه مدة بين 10 الى 30 ثانيه بعدين تجيبين الشفاطه وبعيد عن الطفل تظغطين عليها تطلعين الهوا وتخلي ايدج ظاغطه تدخلين الانبوب بفتحة الخشم وتسكرين بايدك الثانيه الفتحه الثانيه وانتي ظاغطه على الشفاطه بعدا ترفعي ايدك ………انتبهي لاتظغطيها ثاني مره واهي داخل الخشم………ديري بالك
تنظفيها وتسوي نفس الحركه للفتحه الثانيه….
هااااااذي تجربتي الي مريت فيها اخر اسبوع وبنتي الحين الف حمد وشكر لك يارب العالمين بالف خير وردة مثل اول واحسن ….
معلومات من تجربتي
لاتخافين على الطفل ماطول انه يشرب الرظعه ويسوي خروج وانتو بكرامه
لاتطبطبين على الطفل اذا في كحة او بلغم بالعكس اعملي اله مساج بصدراه وجوانب بطنه
الطفل يحتاج لحراره معينه لاتستهينون بحراره الغرفه
ولرطوبه معينه بعد
ربي يعافي كل مريض
وشكرا لوقتكم لقراءت تجربتي الي مريت فيها ولاتنسوني من الدعوات الطيبه ……والي بتقيمني ماراح اقولها لا ….يله بروح الحين بس على الله مانسيت شي …………
ايظا احب اظيف انك تعملي بخار بغرفه مغلقه باستخدام مائ ساخت او جهاز البخار مع قطرات من زيت الايكلوبوتس
بس يريت الي عندها شي تفيدنا وتفيد في الاخوات لاتتردد بكتابه تجربتها
اونصيحتها ….
أختكم
أم زهراء
معلوماتك واجد مفيدة
يعطيك العافية
وعلى عرض تجربتك.. وربي يشفي البنوتة يااارب
أشكرك أختي أم زهراء على عرض تجربتك…و الله يخلي لك بناتك…
في طريقه جربتها و نفعتني جدا…بس أعتقد للأطفال فوق عمر السنه…و هي دهن باطن القدم قبل النوم بشوية فيكس…و لبسيها جوارب…يهدّي لها الكحه بطريقه سريعه…
أيضا ملعة عسل ( للأطفال فوق عمر السنه ) قبل النوم…تهدّي لهم الكحه جدا و تخليهم يعرفوا يناموا
ومشكوووورة على الافادة..
وماتشوف شر البنوتة