عمرها الحين سنتين وثلاث شهور
وابي اعلمها تترك الحفاظ وتستعمل الحمام اعزكم الله
بس المشكله اني بعد شهرين راح اسافر
ناس يقولون لي صبري لا تعلمينها الحين الا اذا رجعتي من السفر علشان
ما تتعبين وياها هناك
يعني مثل ما انتو عارفين السفر تمشية وطلعه واغلب الوقت بره
وناس يقولون لي لا علميها الحين لانها كبيره وتفهم
وحتى اذا سافرتي كل مكان الحمام موجود
يعني مو شي صعب
انا من رايي اني أأجل الموضوع الى بعد العوده من السفر
بس انتو شو رايكم؟؟؟
انت ابدي من الحين معاها، وإن شاء الله لما تسافرون يكون تعودت على الأقل فترة النهار،، قبل لاتطلعون من الفندق دخليها وأي مكان تروحون له سواء مجمع او حديقة دخليها الحمام اول ماتوصلون يكون ماتخرب عليكم الطلعة وتقطعها… وخلي معاج كلينكس ديتول ومعقم يكون تنظفين المرحاض وتحطين عليه كلينكس وتقعدينها..
آنه لأن عندي ولد كانت المهمة اسهل في السفر،، كنت أشيل كاسات بلاستيك وكنت أبوله تكرمين وهو واقف في الكاس يمكن الطريقة خطأ بس لأن الوسواس يذبحني وهذي الطريقة أنظف….
انا علمت ولدي وعمره سنتين وعقب شهرين سافرت مصر وطول الوقت برة وكل اشوي يحتاج الحمام وفي الطيارة والتنقلات بين القاهرة والاسكندرية في قطار والتعب يعني رجعت البسه حفاظات اريح لي
ولما رجعت البحرين رديت اعلمه ورديت تعبت معاه يعني تخلين لبعد السفر احسن