والله اني متضايقة وااايد من ها المشكلة وربي يعلم بحالي
انا والدة من 4 شهور تقريبا وفرحت بالبيبي الله يخليلي اياه ويبعده من كل سوء
لكن صارت لي مشكلة تخليني ابكي من كثر ما افكر فيها الا وهي شعري ….. شعري بروح مني وراح أصير صلعة !!! اتكلم جد
انا قلت لأني أرضع طبيعي بس مو دوم علشان شي شعري يطيح …بس بزياااااااااااادة
يطيح ويطيح ويطيح ….فظيع جدا الين ما صار الحين خفيف مرة ما ابالغ اذا قلت ان باقيلي نص شعري بسس تصدقون عاد ….. ولما أروح وأمشط شعري يا لهوا مصيبة …صرت أخاف امسك المشط وعادي اقعد طول اليوم ومب ممشطة شعري لأني اذا مشطته راح ينزل في ايدي …:confused:
المهم قلت لازم أسوي شي ورحت اشتريت من الصيدلية زيت البرنسيسة واستخدمته مرة وحدة وطريقته هي : اني اخيله على شعري مدة لا تقل عن 4 الى 6 ساعات !!! هل هذا معقول ؟؟؟؟
المهم استخدمته ولما نشفته رد نفس الحالة يتساقط وبكثاااافة فظيعة بعد … شو أسوي الحين بليز ساعدوني شعري بروح مني :ss:
مشكلتج تقريبا الكل يمر فيها اثناء الرضاعه الطبيعيه وانا مثلج ما شاء الله شعري صح مو ناعم وااايد بس كثيف
بس من ولدت وانا ارضع بنتي طبيعي اشوف شعري يطيح بالهبل والحمام يصير مأساة من الشعر حتى قلت اني بصير قرعه
حتى زوجي كان يلاحظ هذا الشي بس من فترة شفت موضوع في المنتدى بالصراحه ناسيه اسم العضوه صاحبه الخلاطه كان دكتور واصفها لها وانا طبعا على طول عنده العطار وشريت الاغراض بصراحه من ثاني استخدام حسيت بتحسن وااايد
وظليت احطها لكن ما داومت عليها واايد لان كانت اتضايقني الريحه بس اللي يبي السح لا يقول اح و اللحين باقي الخلاطه عطيته اختي لان شعرها يطيح واهو اوردي ضعيف
انا بقول لج الخلاطه وانتي وكيفج
فنجان مسمار مطحون (قرفه)
فنجان محلب
فنجان حبه البركه
لترين زيت عافيه
انا حسيت لترين بيصير واايد فسويت لتر واحد والمكونات كل شي منه نص فنجان
اخلطيهم مع بعض واتركيهم اسبوع بعدين استخدميه تقريبا في الشهر مرتين
اذا بتحطين في شعرج رجي الغرشه عشان ما تصير المكونات كلها تحت
حطيه ساعه لو ساعتين يعني على الوقت اللي عندج وبعدين غسليه
وهذي كل الخلطه انا سويتها لما حسيت شعري بيروح مني
وحسيته تحسن الحين استخدم زيت الخروع احسن شعري واايد احسن من قبل بوايد
واتمنى لج من كل قلبي ان يرد شعرج مثل قبل ترى فترة واتعدي والله يخلي لج البيبي يارب وارضعيه على طول لان شعرج مثل ما قلت لج فترة وتعدي
مسامحه وايد طولت عليج
مع السلامه
ا
مادري والله انا مو متزوجه بس اذكر اختي يوم ولدت كانت ترضع طبيعي ومو وايد يعني احيان
وشعرها كان يطيييييييييييييييح قل بشكل فضيع
فلا توسوسين ياروحي اكيد حالتك طبيعيه وهذا عشان الحمل والرضاعه والله يطمن قلبك ويحفظلك البيبي ياعمري
تقبلي مروري
ماحبيت ادش وما اعلق بس اعذريني على عدم الجواب الشافي بس عطيتك اللي اقدر عليه 00
وإذا تبين تهتمين بشعرج داومي على حمام الزيت مره كل اسبوع تره صج مفيد للشعر
الف الف الف مبرووووووووووووووووووووك
ربي يجعله من الذريه الصالحه و يتربى بعزكم يارب
( ملحوظه : اي تغيير يحدث للشعر في فترة الحمل من تساقط – جفاف – خفه … الخ
تعتبر أشياء طبيعيه جدا و ما منها خوف و بمجرد انتهاء فترة الحمل و الرضاعه
يرجع كل شي مثل ما كان و لكن هذا ما يعني ان نهمل الشعر )
احرصي على مشتقات الحليييييب قبل و بعد الولاده
اكلس التمر .. سلطة خضراء .. سمك بمعدل 4 مرات في الاسبوع
خلي اكلج صحّي
و ممكن تاخذين حبوب الكالسيوم تنباع بالصيدليه =)
و اهتمي بالغذاء حبيبتي و اكثري من تناول الفيتامينات (( A + B + E + D ))
و سوي مساج كل 3 ايام لمده ربع ساعه لفروة الرأس
لكن في فتره الحمل يكون تاثير الهرمونات ملخبط
و الشعره عموما بحمل او بدونه تتأثر مع صحة الانسان بصوره كبيره =)
عشان جذي حرصي على الفيتاميانت و استخدمي وصفات طبيعيه لكن لاتكون قويه
استخدمي الخروع او زيت جوز الهند و لاتمشطين شعرج وهو مبلل او مزيت
و لا تنشفين شعرج بالسيشوار الا اذا نشف من الفوطه بنسبة 75%
يعني اهتمي فيه حيييل عشان مايكون الحمل و الرضاعه عليه
و راح يصادفج تساقط و مشاكل مع الشعر و البشره
بس لا تحاتين كلها طبيعيه و بتزوول ان شاتء الله اول ماتخلصين هالفتره =)
ربي يوفقج
جيتي على الجرح أختي الله يعينك
أنا لسة ما ولدت (أدعيلي أقوم بالسلامة) بس خايفة من الموضوع ده موووت
علشان كده عاملة لشعري كورس عناية مكثف علشان أقويه قدر الإمكان قبل الولادة يمكن يصمد شوية
بس واحدة صاحبتي بعد ما ولدت رغم انها كانت مش بترضع طبيعي برضه شعرها كان بيقع بغزارة غريبة لدرجة انها كانت توريني راسها تقريباً اصلعت من عند الجبهة مثل الرجال
بس رجع طلع تاني بفضل الله (تفائلي خيراً 
)
وهي زوجها كان جاب لها زيت أم الجدايل من السعودية وكانت بتستعمله بتقول عليه أكتر من ممتاز وبيقوي الشعر
الصراحة ده اللي أقدر أفيد بيه
وإن شاء الله شعرك يرجع زي الأول وأحسن
السلام عليكم ورحمة الله وبركاته
صبـــــــــــــاح الخير والخيرات
عزيزتي الشي الي تمرين به عاااااااااااااااااااااااادي جدا ويصير خاصة بعد الولاده..
ولدي كمل ولله الحمد اربع اشهر وانا شعري يطيح لما استحم ولما امشط ولما العب بشعري ولما اربطه وكله كوووووووووووووووم يعني خصل كبيره واتخوف بعد..
هالشي طبيعي لا تخافين بسبب الرضاعه والهرمونات بالجسم..
والاخوات كفو ووفو ما شاء الله عليهم..
وانا اايد كثر شرب الحليب ومشتقاته..
وتسلمون حبايب قلبي..
أم دانة : شكرا على الخلطة ان شاء الله استخدمها
أمة الله : الله يقومج بالسلامة
وأخواتي الباقيات مشكورا ت حييييييييل
وعلى فكرة عندي سؤال صغير هل اقراص البيوتين تأثر في الرضيع ؟ ولا لأ
وشكرا مرة أخرى