΅ஐ تطبيقاتۑ لحلۍ / الأوريۏ…الكابتشينۉ…الكورٺ فليكښ…المالتيزرژ…صوڝ الستروبرې , روعۃ ஐ΅ 2024.

كنت مطبقته للأهل .. وحبوه وايد
.. وسهل ما فيه تعب

المقادير :

3 أكياس دريم ويب

2 قيمر

6 ملاعق حليب بودرة

1 جبن كيري

2 بسكويت قهوة الصباح

2 بسكويت أوريو ( وممكن تزيدينها على حسب الرغبة )

2 مارس

حليب مركز

حليب سائل

بسكويت أعواد محشي

½ كوب مااء

الطريقة :

– نخلط الدريم ويب &
الحليب البودرة & جبن الكيري &
الماء & القيمر ..
ونحصل على هالكريمة :

ونقسم الكريمة إلى قسمين متساوين .. لأن الحلى
محتاج طبقتين

ونفصلهم عن بعض !..

…ஐ

– نجهز الحليب السائل ونبدأ نغمس " بسكويت قهوة
الصباح " فيه .. ونصفه بالبايركس

وبعد ما ننتهي .. نكسر ( بسكويت الأعواد المحشي ) إلى
قطع صغيرة وننثره فوقه

…ஐ

– نرجع إلى الكريمة !..

وناخذ القسم الأول

ونضيف عليه قطع من الأوريو المكسرة .. قطع صغيرة " بعد
ما نشيل عنها الزبدة بالسكين "

ونخلطها مع الكريمة ,

بس نحاول في الخلط .. نحافظ على قطع الأوريو صغيرة
.. يعني خلط خفيف

وبعد ما تجهز الكريمة .. نصفها بالبايركس

بعد ما نصف الكريمة المخلوطة بلأوريو .. نضيف فوقها

بسكويت " قهوة الصباح " المغمس في الحليب السائل .,

ونحط البايركس في الثلاجة .. حتى يجمد ويتماسك

…ஐ

– والخطوة الأخيرة ,

هي صنع صلصة الشوكولاته .. ( جوكليت مارس ) مذوب
.. بالمايكرويف أو بالحمام المائي

ولتذويب سريع وسهل !..

القليل من الحليب + بودرة الشوكولاته

وتصير الصلصلة سايحة .. ومذوبة بسرعة
.. ولذذذذيذذذذذة

…ஐ

– نطلع البايركس من الثلاجة .. وناخذ القسم الثني من
الكريمة إلي فصلناها في البداية

ونصفه فوق طبقة البسكويت

وبعد ما نصف الكريمة .. نصب عليها صلصة الشوكولاته إلي
سويناها

ونعدل الصلصة .. بالشوكة ,

وممكن بعد تزينوها لو حبيتوا .. مثل ما أنا سويت

ونحصل عالتنيجة النهائية

…ஐ

– نخلي الحلى .. يجمد ويتماسك في الثلاجة
.. علشان نستعد لتقديمه

وتفضلوا :

عوافي ..

(( ولي عودة , مع بقية التطبيقات .. ثواني ))

هذي الحلى , طبقته مرتين .. لأنه وايد سهل وسريع

مرة للأهل .. ومرة لأختي كانت بتروح زيارة لصديقاتها

والحمد نجح في المرتين .. بس أضطريت أخفف نكهة ( الكابتشينو & القهوة ) لأننا ما نميل لها وايد ههههه

…ஐ

المقادير :

كيك شوكولاته سادة .. جاهز , أو صنع يدج في البيت

حليب

1 ظرف جيلاتين

2 دريم ويب

1 قيمر

1 ظرف كابتشينو

نكسافيه

جوكليت جالكسي سادة & مارس & فليك

الطريقة :

– نضيف كل المقادير مع بعض

الجيلاتين يذوب في ماء دافىء ويضاف

والنسكافية مقدار ملعقة وحدة كبيرة

ونخلطها لين ما تجهز الكريمة

…ஐ

– نقطع الكيك ونصفه بالبايركس .. ونبلله بالحليب

ومن بعدها نصب عليه خليط الكريمة ونرتبها

ونخليها في الثلاجة علشان تجمد وتتماسك

…ஐ

– عمل صلصة الشوكولاته

نذوب ( الجالكسي & المارس )

ونضيف شويه حليب & بودرة الشوكولاته

حتى نحصل على صلصلة سريعة .. وجاهزة

…ஐ

– الخطوة الأخيرة .,

نصب الصلصة على السويت

ونعدلها .. وللتزيين نفتت جوكليت " الفليك " وننثرها على الحلى

ونخليها في الثلاجة تجمد وتتماسك حتى نستعد لتقديمها

…ஐ

– الحلى .. جاهز للتقديم :

…ஐ

وهذي نفس الحلى يوم أسويه لعزومة أختي ..,

عوافي ..

(( ولي عودة , مع بقية التطبيقات .. ثواني ))

عاد هالوصفة ,

أسهل منها ما فيه

ولذيذة جداً

يعني يوم أسويها خذيت أقل من نص ساعة ساعة , هههههه

أنصح فيها بشدة .. لأن طعمها واو .. وهي ما تاخذ وقت بتجهيزها !..

…ஐ

المقادير :

كورن فليكس ( أي نوع تحبينه .. وأنا شخصياً أستخدمت حبوب الشوكولاته )

جوكليت " مارس & جالكسي سادة "

عسل

زبدة

الطريقة :

– نذوب الزبدة ونخلطها مع العسل

…ஐ

– نسوي صلصة الشوكولاته .. وتعودنا عليها ههههه

بكل وصفة أستخدمتها

نذوب ( المارس & الجالكسي ) .. مع شوية حليب & بودرة شوكولاته

…ஐ

– الخطوة الأخيرة .,

خلط كل المكونات مع بعض

( الزبدة المخلوطة بالعسل , صلصة الشوكولاته , الكورن فليكس )

نخلطها زين لين ما تتماسك

ممكن نصفها في بايركس , أو ممكن نقدمها مكورة

شخصياً صفيتها وخليتها تجمد وتتماسك

بعدها كورتها !..

…ஐ

وجاهزة للتقديم :

عوافي ..

(( ولي عودة , مع بقية التطبيقات .. ثواني ))

عاد أنا حرفت وايد في هالوصفة ههههه

يوم أتشرى في السوبر ماركت .. ما خذيت جوكليت " المالتيزرز " .. لأنها الظاهر مخلصة

خذيت نوعية ثانية ,

بس بصراحة .. أنصح وبشددددة الإلتزام بجوكليت " المالتيزرز " .. لأنها ألذ + أكشخ

وما سويتها في قالب مثل ^ السفيرة ^

سويتها في بايركس ,

لأنها للأهل .. والبايركس كان عملي بالنسبة لي أكثر ,

طولت هذرة موو

…ஐ

المقادير :

كيك شوكولاته سادة & كيك فانيلا سادة .. جاهزة أو صنع يدج في البيت

3 قيمر

2 ملاعق نسكافيه

ملعقة حليب مركز

1 دريم ويب

3 جبن كيري

ملعقة جيلاتين مذوبة ب ¼ كاس ماي بماي دافىء

جوكليت ( المالتيزرز )

جوكليت ( جالكسي & مارس & فليك ) << لعمل الصلصة

الطريقة :

– صفيت الطبقة الأولى ( الكيك الأبيض ) وبللته بشويه حليب .. في البايركس

…ஐ

– نخلط جميع المقادير .. زييييين

ونقسم الكريمة لمن تجهز إلى قسمين

وبعدها نضيف القسم الأول ونصفه في البايركس

ونخليه في الثلاجة علشان يجمد ويتماسك

…ஐ

– بعدها .,

نصف الطبقة الثانية من كيك الشوكولاته

…ஐ

– بعدها نصف القسم الثاني من الكريمة

ونحطها في الثلاجة علشان يجمد ويتماسك !..

…ஐ

– بعدها نسوي صلصة الشوكولاته

نذوب الجوكليت

وشخصياً أستخدمت هالمرة ( جالكسي سادة & فليك )

ومع شويه حليب & بودرة الشوكولاته

رهييييب الجوكليت

…ஐ

– بعدها ,

نطلع البايركس ونبتدي نزينه بحلاوة ( المالتيزرز ) .. بس للآسف ما لقيتها وهذي البديل

…ஐ

– نصب صلصة الشوكولاته , ونرتبها

بعدها ندخل السويت الثلاجة , علشان يجمد و يتماسك

…ஐ

جاهزة للتقديم :

يمييييييي

عوافي ..

(( ولي عودة , مع بقية التطبيقات .. ثواني ))

ختامها مسك !..

وختامها فعلاً .. فعلاً مسك

بصراحة هذي أكثر وصفة أستمعت فيها وحبيتها وايد .. مب شوي

نكهتي المفضلة ( الستروبري – الفراولة )

جداً خفيفة , لذيذة , كأنها آيسكريم

كنت أبي أسوي سويت لصديقتي ,

وسآلتها أي نكهة بخاطرها وقالت / الستروبري

عاد أنا سويت لها في بايركس صغيرون

وبقت عندي كمية من المكونات .. بس للآسف خلص السويس رول كيك

فحرفت شوي بالوصفة وسويتها حلى للبيت !..

…ஐ

المقادير :

2 جيلي فراولة

سويس رول كيك .. فراولة

4 دريم ويب

6 ملاعق حليب بودرة

¾ حليب مركز

4 جبن كيري

فراولة طازجة

الطريقة :

– نسوي الجيلي ونخليه بالثلاجة يجمد

…ஐ

– على عكس الأخت / وحيدة .. أنا ما سويته بقالب , حطيته في بايركس

لأنه لصديقتي وبتاخذه معاها .. فالبايركس عملي أكثر

وأستخدمت الحليب السائل , لدهن الكيك حتى أرصه زيييييين

…ஐ

– نبتدي نخلط المكونات " الدريم ويب & الحليب البودرة .. والمركز & القيمر & جبن الكيري "

لين ما تجهز الكريمة

…ஐ

– والحين نخلط مع الكريمة .. الجيلي ( بعد ما نقطعه ) & عصير الفراولة الفررررش

أنا أستخدمت عصير المراعي & صوص الفراولة الجاهز

طايح بجبدي ههههه

وقلت بستخدمه

وهني بعد الخلط :

…ஐ

– نجهز الفراولة للتزيين ,

وهني بعد التقطيع

:032:

…ஐ

– وهذي الحلى بعد التزيين وبعد ما جهز !..

…ஐ

والكريمة إلي بقت كان ودي أسوي فيها بايركس للأهل !..

بس خلص من عندي ( السويس رول )

فسويته عادي .. وصار كأنه آيسكريم

فظييييييييييع

ضفت له علبة ( فواكهة مشكلة )

صورة مقربة :

…ஐ

وهني جاهز للتقديم :

عوافي ..

(( ولي عودة , مع بقية التطبيقات .. ثواني ))

…ஐ

إن شاء الله تعجبكم تطبيقاتي

وما أبي منكم إلا دعوة صادقة من القلب

( للتفريج عن همي وكربتي فرجاً عاجلاً غير آجلاً بآذن الله )

وإلي تحب موضوعي .. يسلم قلبها , وعن جد فديتها , إذا قيمتني

يفرحني ويسعدني تقييمكم

…ஐ

تنبيه أخير :

ما أقبل .. ولا أحلل .. أي وحدة تنقل موضوعي لمنتدى ثاني

لأنه مجهودي الشخصي , وحصرياً على { عروس }

وإلي بتنقل موضوعي بأي شكل من الأشكال .. في ذمتها