تعالوا أبيكم بسالفة <<<< قصة قبل النوم 2024.

ياااااااااااا مرحبااااااااا بكل العرايس

أبي منكم خدمة إنسانية ويا ليت تقولون لي رايكم وتعطوني أحلى ما عندكم :shy:

السالفة وما فيها ، إني شريت صندوق من العربية للعود.. تنفع حق العرايس وحق

الضيوف .. داخل الصندوق فيه علب علشان العود والبخور والدخون وهالسوالف

ومعاه ولاعة حق الفحم وكماشة .. وفيه مبخر صغير و3 زجاجات بحجم ربع تولة حق المخلطات،

دهن العود .. الخ.. بصراحة الصندوق وايد فخم والخشب المصنوع منه الصندوق يبين عليه

ممتاز.. الزبدة يا طويلات العمر، إني عبيت زجاجة وحدة بدهن عود مع صندل من العربية للعود

والثاني دهن عود كمبودي.. والثالث ماني عارفة شنو احط فيه؟؟ :think:

قولوا رايكم بأحلى مخلط أعبي فيه الزجاجة الثالثة؟؟ لا تقولون لي عن شغلات بيتية

لأني من البحرين ويمكن بعض الأشياء إللي تقولنها ما اقدر اوصل لها :dd:

أتمنى يكون من أجمل لأني أموت بإللي عندهم، أو جنيد … الخ.. ويا ليت يكون مخلط

ينفع للرجال والنساء :shy:

وقبل ما أقلب ويهي ، بقول لكم عن شي.. أنصحكم بمخلط (برتسيج العربية) من العربية للعود

بصراحة وايد حلو وهو نسائي ورجالي بس أنا أخذته حق زوجي لأني أحسه وايد حلو

حق الثوب ومع البخور بيطلع واااااااااااااااااااو

وقال لي إللي بالمحل إنه من أفضل المبيعات عندهم.. وبنات إللي ما يعجبها لا تدعي علي

لأنكم تدرون الناس أذواق خخخخخخخخخخخ بس الحين قاعدة أبحث عنه على الإنترنت

أشوف شباب وايد يمدحونه بالمنتديات ويعتبرونه من أفضل العطورات عندهم …

والله أعلم 🙂

:: زوييينة ::

مشكورة حبيبتي على المرور

:: قوس الربابه ::

تسلمين حبيبتي على المرور والرد وبجرب إللي قلتي عليه إن شاء الله

:: Marshmallows ::

هلا والله بأم خالد، أسعدني مرورج وأحرجتيني بكلامج :shy:

وأنا شادة حيلي لأن (عروس) تخلي الواحد يشد حيله ويتسنع

وأستفدت وايد من خبراتكم والله (r)

بالنسبة للصندوق، أنا راح أخليه لأستعمالي ومع بو الشباب وللضيوف بعد

علشان جذي قاعدة أختار أشياء ترضي جميع الأطراف :dd:

فكرت في مسك العروس، بس هي أحلى للنسوان، شريته لي :shy:

أبي شي ، ينفع للنساء والرجال، علشان محد يزعل :dd:

بروح أجمل وبشم مسك روز ، بس إذا ممكن تقولين لي أختج أي مخلط تقصد..

وبمر جنيد وباخذ عطر رفال إن شاء الله

وشاكرة لج مرورج وردج..

:: العنود_A ::

هلا وغلا حبيبتي تسلمين على المرور والرد

وما قصرتي والله.. بمر الشايع إن شاء الله وبجرب العاج..

:: rose_rose7788 ::

هلا فيج عزيزتي، المشكلة ما عندنا الرصاصي في البحرين 🙁

تسلمون جميعا على المرور والرد