جيف الحال وشو الاخبار
المهم عن تجربة على شعري وشعر بنتي وشعر بنت حميي الزيت اللي قلب شعري وشعرهم 180 درجه بفضل الله
المهم ياطويلات العمر ياتني خدامه كانت تشتغل في دولة …..(f)…. بدون ذكر اسماء
وكانت خادمه في بيت الشيخ ……(f)….. وهيه خادمه خاصة للشيخه …….(f)……
طبعا بدون ذكر اسماء منعا للاحراج والمشاكل
المهم بنتي كان شعرها خفيف وكانت تراقبني شو اسوي لها وكانت ساكته وانا كل اسبوع خلطه ويوم ارتاحت نفسيتها
وكنت ازيت شعر بنتي واشتكي لها من الفراغات والتساقط عندها تنطقت الخدمه قالتي ماما انا كنت اسوي للشيخه الفلانيه شعرها وكانت تستخدم لشعرها نوع من انواع الزيوت ما عرفته وهيه تقول يمكن تلقينه في السوق وتحط وياه ثوم وعلى النار لين ما يستوي لونه ذهبي وتستخدمه وشعرها ما شاء الله لين تحت الركبه
طبعا ثوم وانا بنتي في المدرسة وجو الامارات ما يساعد
وتمت كل ما تشوفني ازيت شعر بنتي تقول لي نفس القصه
لين ما ربيعتكم قالت الها بس كيف شيخه وتستخدم ثوم والريحه شو تسوي الها
قالت لي ما في ريحه كيف ما في ريحه:rolleyes: وانا اساسا استخدمته مرة وحده من زمان على شعري وكرهة حياتي الريحه ما راحت لسبوعين
وخبرتني السر قالت لي بانها تخلط قهوة عربية ويا الماي بدون ما تفوره على شعرها بعد الشامبو والبلسم وتروح الريحه:rolleyes:
المهم عطيتها زيت الناريل اللي بقواطي خضر الجديم اكيد تعرفونه وقلت الها سويلي الثوم وياه
نبهتني على شي بان الثوم لازم ما يحترق ولا دمر الشعر تدمير
لازم اول تخلون الزيت على النار من يحمى تطفون النار وتحطون الثوم عليه لين ما يستوي لونه احمر وتستخدمونه مرتين الى ثلاث اسبوعيا
المهم صار لي ولبنتي تقريبا شهر والحمد لله ثم الحمد لله شعر البنت صاير روعه لمعة وطول ونعومه وغلظ
وشعري طول وانا اساسا قاصتنه من سنتين وفقدت الامل بانه يطول كان على الكتف وصار اطول يمكن باثنين الى 4 سم
نعمه وقلت لزوجة اخو زوجي عن السر وبدت تستخدمه وشعر بنتها كان كشة وما يطول والحين الحمد لله صار ينربط
اتمنى منكم تالدعاء الموضوع مب منقول وانا شخصيا مجربتنه استخدموا اي نوع زيت بس حطوا فيه ثوم وبتدعولي
وسلامتكم
انا كنت استخدم هالخلطه الصراااحه روعه اولا زيت الناريل الكل يعرف فوايده خاصه اللي بالقوطي الاخضر والثوم معروف انه ينبت ويكثف
بس الغاليه كم مره في الاسبوع تسوينه ومتى بانت النتيجه عندج
تسلمييييييييييييييييييين
ربنا يوفقكِ
تسلمين حياتي على نقل تجربتج
اقنعتيني اجرب الثوم.. واصلا انا امس شريت زيت الناريل بس قبل ما ابدى دخيلج اكديلي الريحه تروح بالمره ولا اتم خفيف..اتريا ردج..
بكل ود تقبلي مروري
[/FRAME]
صح الثوم واااااااايد زين
وكذلك زيت النارجيل .. وانا استعمل باراشوت .. اموووووووت عليه
ومعاه زيت الخروع … واااااااااايد حلوين على شعري !!!
دابر املا حلو بعد!!!
مشكورة حبيبتي على ذكر تجربتج !!!
مشكوووره اختي على النصيحه بس بعدين يوم يصير الثوم لونه احمر اطلعه من الزيت ولااخليه فيه عادي