شخباركم خواتي ؟؟؟؟
أنا عندي سؤال وياريت تجاوبوني عليه بكل صراحه …
طبعا للمتزوجات …
هل تفضلين ان زوجج يكون بدون أصحاب ؟؟؟
أو تفضلين ان يكون للزوج أصحاب ؟؟؟؟؟
أنا ببدا ..
أنا بصراحه أعاني من أصحاب زوجي …
دايما يطلع معاهم … حتى اليوم …
أنا أشوف ان الزوج ما يكون معدوم من الاصحاب … ولا انه أصحابه ياخذون كل وقته …
والمسكينه تجلس في البيت كأنها منسيه …
مثل حالتي … أنا ما أقول ان زوجي لابسني ومب داري عني …
لا … بس الموازنه حلوه … اخت زوجي . زوجها ما عنده أصحاب أبدا … وياخذها معاه في كل مكان … مادري أحس لو كنت مكانها .. كنت بعد بمل … لاني أبغي أتنفس شوي براحه ..
وأنا صراحه مادري عنها اذا هي مرتاحه في هالشي أو لا …
وان شاء الله تكون مرتاحه ومستانسه يارب ….
بس انتوا شو رايكم ؟؟؟؟؟؟
يمكن تنصحوني سويلج حياتج الخاصه واطلعي و و و و و و …
أنا موضوعي مب نصايح …
موضوعي نسمع آراء بعض … واذا في وحده اكتشفت انها غلطانه في حاجه تصلحها …
أرجو منكم المشاركه …
اختكم
أم مريم
الله يهدى لنا ازواجنا ويسعدنا
فهدونه ومونه الدلوعه
والله ايسر أموركم ويسخر لكم ولنا أزواجنا يارب …
أنا بعد زوجي يطلع مع أصحابه أكثر مما يطلع وياي …
وحتى ما يقضي وقت طويل معاي في البيت إلا نادر …
واذا اخته وزوجها هني …
أنا أتم بروحي في الغرفه بالساعات … وهو معاهم .. بس ايي عندي دقايق بعد مب عشاني يا يدخل الحمام أو يتبدل أو أي شي …
ومليوووون مره … قلتله يخصصلي يوم في الاسبوع لي ولعياله … لكن
…بس هو يحبني … وساعات أحس انه وده يسويلي كل شي خاطري فيه …
الله كريم …
وين البقيه ؟؟؟؟
توقعت ردود أكثر …
بس وش نسوي ؟! .. الانسان بعد لازم يكون عنده اصحاب ..
صحيح على كلام بعض الاخوات انهم متفقين على وقت لهم ووقت للأصحاب ..
انا جربت معه الطريقه هذي بس ما استفدت شي ..
تخيلي يطلع مع اصحابه تقريباً يومياً .. بس انا مره بالشهر ونص وبالشحاذه وحدي ساعه .. !!
خلاص يئست مافيه حل !! .. طنشت .. عشان ما احرق اعصابي واتعب نفسي واجيب لنفسي الأمراض على شئ تافه وما يستاهل .. ان طلعت زين .. وان ما طلعت انطقيت بالبيت لنهاية الاسبوع عشان ازور اهله وأهلي ..
… ماني متزوجةبس أشوف أفضل يكون الزوج له أصحابه ولايكون مثل المقطوع عن الشجرة أو الإنطوائي
اسعدني مرورج ..
صح الريال لازم يكون عنده أصحاب … لكن على الاقل يوازن …
وعلى فكره كأنج تتكلمين عني .. أنا بعد يطلعني بالكثير ساعتين … وفي طريق الرده للبيت يتصل بأصحابه ويتفق معاهم … يا يقعدون فالبيت .. يا يطلعون …
يعني حتى طلعه خاصه فيني بدون ما يكلم أصحابه مستحيييييييييييل ….
وبالثلاث أسابيع ما أطلع … إلا بيت أهلي .. أو بيت جدتي اللي نروحه كل أسبوع …
والله ساعات الشارع ما أشوفه إلا من الدريشه …
خخخخ خليها على الله …
وساعات أقول يمكن الغلط مني … يمكن أنا ممله عشان جذيه ما يحب اليلسه معاي … مادري ؟؟؟؟؟؟؟؟؟؟؟؟؟؟؟؟؟؟؟؟؟؟
{ نور ال ع رب }
شكرا على المرور حبيبتي … والله يرزقج الزوج الصالح ياااارب …
أنا عني صراحه ما أتمنى يكون الزوج بدون أصحاب … ولا انه أصحابه ياخذون كل وقته …
الموازنه حلوه …
وتره بقولج طبع في الريال كل ما انتقدتي طلعاته وتذمرتي منها جدامه راح يزيد وتكثر طلعاته
وكل ماخليتييه ع راحته وحسستي لما يرجع بشوقج واهتمامج بعيد عن العتب واللوم
بتشوفينه تدريجيا راح يخفف من طلعاته
والله يهدي الجميع ويسخر لنا ازواجنا
الزوج بدون اصحاب طبعا