انهرده هنزل لكو طريقة جديدة للفراخ بطريقة شفتها في التليفزيون وطبقتها وطلعت حلوة جدااااااااااااا الحمدلله
دبابيس الدجاج وسامها دبابيس لان شكلها في النهاية بتبقى شكل الدبوس بتاع الفرخة
المكونات
نصف فرخة مسلوقة ومخلية من العظم والجلد ومقطعة
عجينة البيف بستري
عدد 1 بطاطس بس تكون صغيرة جدا ومبشورة
تقريبا كوب شوربة
ممكن نقطع فلفل اخضر قطع صغيرة على حسب الرغبة يعني
بيضة وبقسماط للقلي
الطريقة
اول حاجة نحط الشوربة على النار تغلي
ولما تغلي ننزل عليها البطاطس المبشورة ونقلب ونستمر في التقليب لغاية ما نحس ان الشوربة اصبحت تقيلة يعني كأن فيها نشا ولازم البطاطس تكون مبشورة قبل ما نحطها على الشوربة على طول عشان النشا بتاعها مش يروح وده اللي هيخلي الشوربة تبقى تقيلة
بعد كده ننزل بالفراخ والفلفل ونقلب
وبكده الحشوة بتاعتنا خلصت
نسيب الحشوة تبرد وبعد كده نجيب العجينة بتاعتنا ونحط الحشوة بالطريقة دي
ونلف بالطريقة دي
ونقفلها من فوق عشان الحشوة مش تقع مننا بالطريقة دي
وده شكله بعد اللف
وهنا بعد ما خلصنا لف الكمية المطلوبة
بعد كده نضرب البيضة كويس اوي ونحط عليها بهارات لان العجينة مش بيكون فيها ملح كفاية يعني
ونضع الملفوف بتاعنا في البيض
وبعد كده البقسماط
وبعد كده نحطه في الزيت الساخن ونهدي النار جدا
هيقعد تقريبا اربع او خمس دقايق في الزيت
وبعد كده نطلعه ونقدمه وده شكله النهائي
انا عملته معاه كبده الفراخ وصينية بطاطس ورز وشوربة
ويقدم معاه مايوينز وكاتشب
وبالف هنا وشفا
(f)(f)(f)
اه على فكرة ياريت يا بنات لو نفرد العجينة الاول بالنشابة قبل ما نحط عليها الحشوة هتكون افضل يعني بس انا ماعملتش كده ولما اكلتها حسيت انها كانت عاوزة العجينة ترفع شوية
بس كده 
ماشاء الله ايه الحاجات الحلوة
تسلم ايدك يا ايمان
على فكرة نوران باعتالك السلام
بألف هنا
يعطيج العافيه ياقمرر على هالمشاركة
ونورتو موضوعي
شكلها في النهاية خطير 
بس يا رين عزيزتي أم معاذ لو تحطين التوقيع على الصور لحفظ الحقوق…
و عليكم بألف عافية (f)