دياي بالجبن والقشطة والله عجيبة 2024.

السلام عليكم ورحمة الله وبركاته

هذي أول مشاركة لي وإن شاء الله تعيبكم 🙂

المهم عندي طريقة دياي تخبل ..

سوري طولت عليكم بس الطريقة هي::
أولا شي المكونات طبعًا وهي::
دياية..بصلة متوسطة (مقطعة مربعات صغار)..ملاعقتين زيت..قوطي فطر(مقطع صغار صغار) ..تقريبا خمس ملاعق جبن كرافت..قوطي قشطة..خبز وقافي (إيراني) أو لبناني بس الوقافي أحلى (تقطعينه من الأطراف وبعدين من النص)..والمطيبات وهي تقريبا حبتين مسمار وحبتين هال وحبتين فلفل أسود وشوية فلفل أحمر وشوية ملح ورقة غار..وإن شاء الله ما أكون نسيت شي 🙂

والطريقة::
اسلقي الدياية وحطي عليها المطيبات (المسمار + الهال + الفلفل الأسود + الفلفل الأحمر + الملح + ورقة الغار)
وبعدين فتفتي الدياية (قطعيها صغار صغار)
بعدين حطي الزيت في جدر مناسب واحمسي البصل الين يحمر شوي وحطي علية الدياي والفطر والملح والفلفل الأسود والفلفل الأحمر تقريبا ثلاث دقايق

خلطة الجبن والقشطة::
اخلطي تقريبا ثلاث ملاعق جبن وقوطي القشطة ويا بعض

وحطي تقريبا ثلاث ملاعق من خلطة الجبن والقشطة على الدياي

ولفي خلطة الدياي في الخبز المقطع على شكل سندويشات صغار

وحطي كل سندويشة في الفايركس وصبي عليها الي تبقى من خلطة الجبن والقشدة..بس خلطي كل سندويشة بعيدة شوي عن الثانية عشان تتشرب الخلطة عدل..وبعدين حطيها في الفرن وشغلي عليها بدرجة متوسطة الين تحمر..وبالهناء 🙂

واللي عنده أي سؤال ترانا حاضرين ونسمعكم..واللي يسوي الأكلة ترانا نتريا رايه سواء عيبه الطبق ولا ما عيبه :think:

السلام عليكم ورحمة الله وبركاته

هـلا وغـلا فيك

أختي ..

وجـــزاك الله خيــر

على الوصفة الرااائعه

وربــي يعطيك العافيه ..

*•~-.¸¸,.-~*مروج ذهبيه*•~-.¸¸,.-~*

size=4]

تسلمي اختي ويعطيش الف عافيه .. على المشاركه الاكثر من رائعه ..

تسلمي .. وننتظر جديدش .. دمت لناا اختي

تحياتي

[/size]

السلام عليكم ورحمة الله وبركاته
هلا عزيزتي ..
بوركت على الوصفة الرائعة .. والله يوفقكِ ويسدد خطاكِ
نترقب ما سيجود لنا قلمك من جديد

تقبلي شكري وتقديري
ام عدول

الله يعطيج العافيه

تسلمين عزيزتي

طبق شكله لذييييييييييييييييييييييييييييييييييييذ

تسلمين ام حممووود

شكلها لذيذه بسويها …. احب الدجاج

السلام عليكم ورحمة الله وبركاته

مشكووووووووووووووووووووووووووووووووووووووووووووره وايد عشان انقذتيني

تدرين ليش؟؟؟

والله اني كنت داشه الموقع عشان ادور لي طريقة حلوة وسهلة حق العشا عشاني ما تغديت:cry:

ليتج دوم تتحفينا بوصفات حلوة وسهلة وسريعه شرات هالوصفة

تسلمين اختي

هلا ام حموود ……….ومشكوووووره عالوصفه اختي تسلم ايديك ………..