يا بنات السعودية وبالتحديد المنطقة الشرقية هل محل H&M مفتوح عندكم أنا سمعت أنه مفتوح في مجمع الظهران هل هذا الكلام صحيح؟؟ أرجو الرد للأهمية
بس اذا ما خاب ظني هذا محل مشهور في أمريكا
بس ما أتوقع موجود
او يمكن فتح جديد و انا ما اعرف
ان شااء الله الي تعرف تجي تخبرش
هلااا والله الغالية جروح أنثى تسلمين على الرد ،، بالفعل هو محل مشهور وله فروع في جميع دول أوروبا وأمريكا أن تسوقت منه في ألمانيا وشغلاته جنان وحلوه وعمليه وأسعاره معقولة وله فروع في الدوحة والكويت أنا رحت اللي في الدوحه وعلى ما أعتقد له فرع في دبي بس مو متأكده وسمعت أن فتح في الشرقية وطرت من الأناسه الصراحه عشان جذي قلت بسأل أتمنى أي حد من البنات يفيدني قبل لا أطق طريق الجسر على فشوش
بأنتظار ردودكم يا بنات
بنات محد رد علي ما تقدرون تساعدوني أنا كنت ناويه اليوم أروووح، بليييز ساعدوني:confused::o
توي راجعه من الظهران .. اي ياقلبي موجود << انا اجهز يمكن مع التعب تخيلته 
اتمنى اتمنى اني مو مضيعه
او في فينيسيا بالخبر << !!!!
اتمنى وحده من الصبايا تاكد الكلام << موضع شك خخخخخ
دعواتك
إلا إذا بيفتح مستقبلا في الظهران مول الله أعلم ,,
والمحل الموجود في فينيسيا A&M وهو مو نفس المحل الطلوب H&M بس تقليد للمحل في طريقة الكتابه
اختي اللي عندنا في السعودية A&M مدري اذا عندهم بالظهران <<< من زمان عنها
بس اخر خبري بها ما كان موجود
وياليت يفتح عندناا