 |
اقتباس |  |
 |
المشاركة الأساسية كتبها جوز الهند |  |
 |
| مرحباااااااااااا خواتي بس بقيت اسال عن عطورات الشايع وين موجود في البحرين ……….واذا امكن ايلى استخدم عطوراتهم يذكر لى احلى العطورات القوية عندهم وشكراااااااااا 0 | ||
 |
 |
هلا فديتج
بخصوص عطورات الشايع وكيلها فى البحرين محلات الحواج للعطور
وانا استخدم من عندهم حروف بس لانها عود مخفف رش وهى تنعش طول اليوم اى وقت لاى مكان
من غير ماتترك ريحة قويه ..
وهذا موضوع كتبته بخصوص حروف من حبى لطقمه الكامل
بنت عذارى..رجعت..مع حروووف,عود فى عود
وتفضلىشوفىهالموضوع بواسطة الأخت فراق وذاكره فيه كل الماركات للعطور مع ذكر احلى
منتجاتهم ومنهم منتجات الشايع
واتمنى ردى يكون وافى وسامحينى على القصور يا عمرى
بنت عذارى
وبالنسبه للعطر اللي قالت عنه بنت عذاري فانا بعد استخدمه ووااايد زين .. يعني اول شي بخري ثيابج بالبخور ومن بعدها حطي عطر (( حروف )) بثيابج ومن بعدها تعطي بعطر ثاني انتي تستخدمينه راح تطلع لي ريحه واااايد حلوه 
بس انا اسوي هالشي للمناسبات وعطر حروف اعطر به العباياه والشيله لكن مو ثيابي
اذا تبين عطر من العطورات الجديده فانا اليوم رحت الحواج وحصلت عنده عطرين يدد توهم نازلين ووايد حلوين
الاول اسمه لوي ولون العطر وردي واحسه حلو وناعم ومعاه لوشن اذا تبين لكنه منفصل
والثاني اسمه لوليتا لون علبته برتقالي وشكله العطر تقريبا مثل شكل التفاح وهذا ريحته رووووووووعه تقريبا يايتج على ريحة فواكه جذي وشريته اليوم اللي 80 ملِ .. هذا اكبر حجم
وان شاءالله اذا حصلت لج صوره لهالعطرين راح احطهم لج
بس كل واحد وذوقه .. انتي روحي هناك وقولي لهم شنو العطور الجديده واللي الحين رايجه والكل يشتريها بيطلعون لج اكثر من واحد اختاري اللي يعجبج
وبأي خدمه ثانيه احنا حاضرين لج
هذا شكل العطر الثاني (( لوليتا ))
– عطر ّإلّ من لوليتا ليمبيكا 80 مل –
بس العطر الاول ما حصلت صورته للأسف
وبعد عندج عطر اسكادا اللي لونه اخضر بعد حلو بس هذا مو جديد هذا قبل اجدد عطر من اسكادا
وهم عندج عطر Gucci امي تستخدمه لونه وردي رووووووووعه بس للأسف خلص بالبحرين الحين منزلين واحد ايدد منه بس لونه اخضر
حصلت صورة للعطر الثاني وهذا هو شكله
واسمه لوي = I Loewe You
هذا شريته اليوم العصر اهو مع الكريم ماله
ومشكورة اختي بنت عذارى ماقصرتى انتى بعد كفيتي ووفيتي000000000000
صوب المستشفى العسكري
يكون صوب الحواج بالضبط
اسم المحل الشايع ويبيع كل العطور مالت الشايع