حالياً جالسين نجدد بألوان واثاث بيتنا
المهم انا حطيت لأهلي كذا خيار وبقولكم وعلموني اذا حلو او لا
راح اوصف لكم الجزء اللي بنبدأفيه وايش اقترحت عليهم
اول شي : صاله كبيره بعدين تجي رفعه تتفرع منها صاله صغيره يعني مافيه باب صاله داخل صاله
اوكي … قلت نخلي الصالتين لون الجدار والرخام محايد عشان يمشي معاه اي لون يعني يكون لون الرخام
اوف وايت والجدران برضو اوف وايت بس ممكن تحط صبغة الشوامواه او تعتيق خفيييييييييييييييييييف جداً بما انه
التعتيق المتعارف عندنا القوي راحت موضته اهم شي يكون اللون منه وفيه يعني لون واحد ويكون فيه حزام
بالنص فهمتوا علي ؟ هذا بالنسبه للأرضيه والجدران
(2) بالنسبه للصاله الصغيره ممكن يصير الكنب متصل اعتقد اسمه الكنب الأمريكي بما انه موضته راجعه وبقوه ويكون
مليااااااان مخاد صغيره طبعاً الوان الكنب والمخاد مابين الأورنج الهادي مو الفاقع والتركواز والبيج او الذهبي
وش رايكم تحسونه بيطلع حلو او بايخ ؟؟ لأن الجدران فاتح لازم ندخل لون يسطع اللي هو الأورنج والتركواز.
وهل نستمر على ان الصاله الصغير لون بويتها تكون نفس الصاله الكبيره او تصير غير مثلاً اورنج وبيج او يطلع
بايخ ؟؟؟
(3) الصاله الكبيره راح يكون فيها كنبتين او ثلاث على جنب منفصلات طبعاً ممكن لونهم ذهبي او بيج او زيتي مادري مافكرت ايش يصير اللون بس ساعدوني بالإختيار.
(4) مجلس الحريم طبعاً الكنب يكون قطع مختلفه عن بعض هذاالدارج الحين لكن بنفس الوقت الألوان تصير متناسقه يعني ماتصير خبط لزق. جاي في بالي خمري وندخل معاه كل الألوان اللي تناسبه لأنه الخمري راح يفخم
المكان. ممكن ندخل معاه نحاسي بيج ذهبي يعني من هالألوان ودرجاتهم. والأرضيه اكيد اوف وايت او سكري
عشان يفتح بالمكان لكن الجدران وش تكون هل نسويها مثل الصاله او كيف ؟
عارفه طولت عليكم بس ماكتبت هالكلام اللي ابغى مساعدتكم
انا سويت بشقتي رفعة وحطيت فيها طاولة طعام وجلسة الي تجي كرسيين وطاولة مدورة
والصالة السفلية كنب
طيب انتي الرفعه و الصاله خليتي لون الجدران واحد يعني مثل بعض او غيرتي لون جدران الرفعه ؟؟
انا اقول لو اخلي لونهم واحد بيطلع ارتب واحلى وش رايك ؟
طيب طلعت على بالي فكره ثانيه واحسها تغيير
بما انه الصاله الكبيره بيكون فيها قطعتين او ثلاثه كنب و فيه بعد مجلس حريم راح نسويه
ليش ماتكون الرفعه اللي هي الصاله الثانيه الصغيره
ستايل غير
يعني تكون جلسه ارضيه مصلحه من بيت الشعر ويكون فيه مدخنه يعني كأنها بيت شعر بس مودرن
داخل البيت
يكون المكان هذا كله ستايل تراثي الجدران ومثلاً نسوي فوانيس ولوحات تراثيه كل شي
مو يكون احلى وتغيير عن اشكال البيوت التقليديه
يعني مايكون كله كنب x كنب
بناااااااااات وين الباقين ياليت اللي تدخل وتقرا الموضوع تبدي رأيها
هو الستيج حلووو لانه يفصل ستايلين مختلفين
كاانهم صالتين مفتوحين على بعض
انا بيت عمتي كذا
بس حاطين بارتيشن خشب صيني وجلسة من كنبات صغار مثل الي بالكوفي شوبات وطاولة يعني اي شكل غير عن الصالة الي تحت بيطلع حلووو
ماقصرتي معي