أسعد الله مساكم بالخير و النور و السرور F:
هذا الطبق فيه نكهات جديدة و تغيير عن المعتاد… إن شاء الله يعجبكم F:
نبدأ بسم الله…
المقادير:
صدور دجاج
2 ملعقة كبيرة بقدونس مفروم
2 ملعقة كبيرة خردل
2 ملعقة صغيرة عصير ليمون
بشر ليمونة كاملة (بالإمكان إستخدام مخلل الليمون مكان عصير و بشر الليمون)
مخلل خيار صغير مفروم (إستخدمت 3 حبات خيار)
فص ثوم مهروس
ملح – فلفل أسود
ملعقة كبيرة زبدة
ملعقة كبيرة طحين
كوب مرق دجاج أو (كوب ماء مغلي مذوب فيه نصف مكعب ماجي)
ربع كوب كريمة
جبن موزاريلا
جبن قشقوان (إختياري)
الطريقة…
في البداية، نرقق صدور الدجاج و نتبلها بشوي خل بلسميك و صويا و ملح و فلفل أسود… و نتركها نص ساعة…
في وعاء صغير، نخلط (البقدونس – الخردل – عصير و بشر الليمون – مخلل الخيار – الثوم – الملح – الفلفل الأسود) و نتركهم على جنب…
(مقادير الخلطة كفت ل 3 شرايح دجاج، اللي بتستخدم دجاج أكثر تزيد كمية الخلطة)
نحمي الفرن على حرارة 350… و نسخن تقريباً 3 ملاعق كبيرة زيت زيتون في مقلاة و نقلي شرايح الدجاج حتى تتحمر، و نضعها في صينية بايركس… (أنا استخدمت نفس الصينية اللي تبلت فيها الدجاج)
لتحضير الصلصة:
في نفس المقلاة أو في مقلاة ثانية، نذوب الزبدة و نضيف لها الطحين و نحرك لمدة دقيقة…
نضيف مرق الدجاج بالتدريج مع التحريك حتى لا يتكتل الطحين… و نترك الصلصة تغلي حتى يثقل قوامها، ثم نضيف لها الكريمة…
نصب الصلصة في الصينية حول شرايح الدجاج، و نأخذ الخلطة اللي جهزناها و نوزعها بالتساوي فوق شرايح الدجاج…
و فوق الخلطة نوزع جبن الموزاريللا و القشقوان… و هذي صورته للي ما يعرفه…
ندخل الصينية الفرن في آخر رف تحت، و نتركها تقريباً ربع ساعة… لحد ما تغلي الصلصة و يذوب الجبن، لكن بدون ما يتحمر!
و هذا شكلها النهائي…
لما نغرف الطبق في الصحون، نصب الصلصة فوق الدجاج عشان الجبن يتم سايح 
أنا قدمت معاه خضار سوتيه و سباغيتي بالثوم و البقدونس… طريقته سهلة:
حمرت فص ثوم مهروس في شوي زيت زيتون، و أضفت له بقدونس مفروم و المكرونة المسلوقة و قلبتها… إذا حسيتوها ناشفة، ممكن تزيدون شوي ماء… و تقدم على طول!
عوافي مقدماً F:
تسلم يدكـ يالغاليه
بصراحه روووووعه …يمي يمي
وإنشاء الله راح اجربها عن قريب
يعطيكـ العافيه :032:
اشوى انه مافيه كمية زيت كبيره ،،،ينفع حق الدايت :adore:
سلمت يداكِ
تستاهلين التقييم
طبخه حلوه
شكلها مشهي
تسلم الايادي
ما شاء الله
شكله يشهي
ان شاء الله أجربه
مشكورة يا عسل
أحلى تقييم
انتي مثلي انا اعتبر احد اسرار اطباقي استخدم المخلل .. احياناً
فلفل او خيار او ليمون يغير طعم الأكل فعلا
عشتي
:adore::adore::adore::adore:
شكلها كثير شهي،،عجبتني الوصفة و ممكن اجرب الخلطة مع ستيك اللحم.
تسلم ايديكي عالاطباق الشهية دايماF: