شخباركم بنات
اليوم سويت غدا لريلي مجبوس دياي وبما إني ماكل مجبوس فسويت لي هالصالونه وااااااااايد احبها عمتي ام ريلي معلمتني اياها الله يخليها لي إن شا ءالله…
المقادير:
2 صدور دياي
2 بصل صغير
اشوي من الحشيش (الكزبرة) واشوي من النعناع ..إذا كثرتوا ترى عادي وبالعكس بيطلع الطعم احلى
عصير ليمونة كبيرة
معجون الثوم والزنجبيل
البهارات:
نص ملعقة ملح
ملعقة صغيرة فلفل اسود
ملعقه صغيرة غرام ماسالا ( فلفل اسود حبوب ودارسين وهيل وشازيرا)
اول شي نقطع البصل قطع صغيرة ونخليه على الفرن لين يحمر عدل ونحط بعدين الدياي المقطع قطع صغيرة ونحط فوقه ملعقه معجون الثوم والزنجبيل+ملح+فلفل اسود+ غرام ماسلا
ونحمس اشوي…
وعقب نحط الحشيش (الكزبرة ) والنعناع الفروم
وعصير الليمون واشوي ماي ونخليه على نار هادئة لين ينضج الدياي وينشف الماي
وبالهناااااااااااء والعافية وهذي صورة غداي اليوم
إن شاء الله تجربونها وقولي لي رايكم فيها
الصورة ظالمتها اشوي
الله يعطيكي الف عافيهههههه
شكلها لذييييييذه
تسلم إيدج حبوبه
و تستاهلين أحلى تقييم