بعطيكم طريقة صينية خضار لذيذة ومستحيل حد ياكلها وما يطلب الطريقة حتى
لو كان في 100 صنف لأزم تكون هي المميزة وتنمسح على الآخر وانا الطريقة
نقلتها من الأنترنت بس ما توقعت انها بتكون لذيذة لهالدرجة …..
مكوناتها سهلة ومتوفرة ……
تقطعين مكعبات ما يلي : بطاطس + كوسا + جزر الكوسا بالقشر ……
واقليهم قلي خفيف على النار مع سوس ماجي (مثل الصويا صوص بس من ماجي )
وضعي نصف الكميه طيقه أولى ثم الطبقة التي تليها دياي مفورة مع بصل
وحبتين مسمار وهال وتفتتينها وتقلينها مع بصل وتضيفين بزار …..
الطبقة اللي بعدها خضار (كوسا بطاطا جزر)
الطبقه الرابعه والأخيره :
أدهني الوجه بعلبه قشطه مخلوطه بملعقتين جبن كاسات سايل مثلا كرافت
وشغلي الفرن من تحت مدة 10 دقائق او لحد ما ينشف الماء وبعدين رشي
موزرلا وشغلي الفرن من فوق ……
انا احط مع الصينية الصغيرة صدرين دياي والكبيرة 4 …..
جربوهاااااااااااااااااااااااااااا وما بتندمون
السلام عليكم ورحمة الله وبركاته
أختي عروس دبي…
الناس في رمضان تكون كتير مشغولة…من عمل…لمطبخ…لصلاة تروايح…لسحور…يعني أعذريهم…لأنه مش الكل يدخل كل يوم…
المهم…تسلمي يا رب على صينيتك الحلوة…
بس ما فهمت هذه الكلمة…الطبقة التي تليها دياي مفورة مع بصل وحبتين مسمار وهال وتفتتينها وتقلينها مع بصل وتضيفين بزار …..
مرة ثانية…شكرا 🙂
بس عندي سؤال بخصوص صوص ماحي .. كيف أقليها مع الصوص .. أقلبها في الصوص أول وبعدين أقليها أو في طريقة ثانية ؟؟
يم يم شكلها ل>ي>ة بجربها حق السحور
تسلمين يالغالية
وأنا بعد أحط معاها صوص الباشميل لما يزيد عني..
وتطلع حلوووه..:smile:
السلام عليكم ورحمة الله وبركاته
غاليتي
عروس دبي
ليش الزعل..
تعرفين رمضان والوقت قصير..
واحنا يسعدنا تواجدج معنا بالركن.. وبانتظار المزيد من المشاركات
ان شاءالله..
ومشكوووووووورة على صينية الخضار الرائعة…
ويا هلا فيج..
عزيزتي مرموم تفورين الدياي مع هال ومسمار عشان تروح الزفرة وبعدين
تفتتينها وتقطعين بصل جوانح وتقلينها معاها وممكن تضيفين شوية سماق
بيعطيها حموضة ….
هلا امنيات تقلينها مع شوية زيت وبعدين تحطين عليها ماجي صوص
وتخلينها معاها كثري الصوص بيطلع طعمها رووووووووعة ……..
باين عليها طعمه
اكيد راح اجربها
تسلم يدك عيوني
