انا ولدي عمره شهر وخمس وعشرين يوم
مجنني والله . بسم الله عليه عصبي جدا
ما ادري هالشيء طبيعي ولا ولدي فيه شيء
لما يجوع يبكي بحرارة ومافيه قوة تسكته
لين يرضع
ولما يبغى ينام يتعذب ويعذبنا معاه يبكي
ويصافق براسه يمين شمال ويمخش وجهه
مدري ليش هو كل الاطفال كذا تكفون علموني
انا سنة اولى امومة :confused:
ودي افصل اكثر بس المشكلة اكتب بيد واحدة
لأن يدي الثانية شايلته الله يعظم اجري واجر والدينا
اعطيه طبيعي وصناعي ,,
بس هو مو بس يصرخ يتحرك بقوة ويرافس لدرجة احسه
بيطيح من يدي احيانا حتى وانا اغسله ,,
الله يستر مايكون عصبي
وان الزواج سعادة في سعادة
ونتزوج ونكتشف ان الزواج مسئولية
وقبل ما نحمل نتوقع ان الامومة وايد سهلة
مجرد طفل هاديء نلبسه ونرضعه وهو ساكت
ونحمل
ونولد
ونكتشف العكس
اختي الاطفال كلهم جذي
ومبين ان طفلك يعاني من الغازات وهذي صفة عادية بهالعمر
كل اللي تسوينه تروحين العطار وتطلبين يانسون وتسوينه له مثل الشاي وتعطينه له دافي
لازم يوميا رضعة صغيرة
وان شاء الله ما عليه شر
وبعدين اختي اذا البيبي ساكت خليه بفراشه احسن لا تشيلينه لا يتعود
ومهما يكون فترة وبتعدي
يعني هو اصلا راح يترك حضنج منه ومن نفسه اذا صار يقعد
ويبتعد اكثر اذا حبى
ودوريه عاد اذا قام يمشي اصلا ساعتها بتشتاقين انج تحضنينه
مثل ما قلت لج هذا من المغص والغازات
الطفل صفحة بيضاء نحن من يرسم عليها ما يريد
وما يصير الطفل عصبي الا بعد ما يكبر ويشوفنه عصبيين
وطفلج صغير ما يعرف الشي من الدنيا غير الله وانت
عمره الحين ما يسمح ان احنا نقول عنه عصبي
مرحبا اختي
لا تخافين هذا شي طبيعي ولدي حمودي الله يحفظه كان جذي اقول لج نص الليل انا وامي نرقد معاه وفجأه مانسمع الا صرخة قويه مثل الانفجار (بسم الله الرحمن الرحيم ) يعني مايصيح شوي بعدين يعلي صوته لا يبتدي بصوت عالي كلش ولحد ما نرضعه هو ذابح روحه تقولين هذا عنده شي عظيم
مثل ما قالو البنات
هذا بسبب الغازات لانه يتالم فما عنده طريقه غير الصياح بقوه
انا بنتي الله يحفظها عمرها 50 يوما وبنفس الطريقه تعصب حتى لما ارضعها اذا كان فيها غازات اشوفها متضايقه من الالم حاولى تعطيها الينسون وماي غريب في وقته يعنى انتى نظمي غذاءها
اول ما تصحى بنوتى بعد السباحه اسقيها ماي غريب هو ينفها بس ترى مفعوله لفتره وبعدها يرجع لها وهذا طبيعى في هذا السن لغايه ما تكمل 3 او 4 اشهر بعدها ارضعها وبعد 4 ساعات اسقيها الينسون
وبعدها قبل النوم باليل اسقيها ماي غريب مره ثانيه انا سمعت ان النعناع طارد الغازات فراح ابدا اعطيها من بكره بدل الينسون ان شالله
والله يوفقك ان شالله
انا ولدي عمره خمس شهور ونفس الحاله ما يتحمل حتى لو البامبرز مو نظيف الله يعزك
قالولي انه عصبي لان كنت ازعله وهو في بطني وطبعا الجنين يتاثر من نفسية امه..
نصيحتي ارقيه دايما بالايات والادعيه..