عروسات ادعو لولدي حبيبي 2024.

*****

ولدي عروسات كانت عنده مشكلة في التبول (تكرمون)من هو صغييير وناس تطمني وتقول عاادي

وناس تقول لي وديه اطمني احسن واليوم بعد عمري وديته العيادة ،،خبرنا الدكتور ان المشكلة بسبب

فتحة البوول عنده صغيييره وتحتاج توسيع ،،وسوى ليه جراحة سريعة بمخدر موضعي …والحمد لله

تم كل شيء على خير وقال لينا نراجعة بعد أربعة ابام ،،،بس لمن راح اثر االمخدر قعد يتألم ووجع

قلبي واحتاااج للحمام ولمن وديته ماقدر يبول(تكرمون) كان الألم فضييييع وكان يبكي بصووت ودموووع

أول مرة اشوفه بهاي الصووورة والله اني قعدت اياه مايقارب النصف ساعة احاول معاه وما قدر من شدة

الألم وطلعته من الحمام وحطيت ليه من الكريم الي عطاه الدكتوور …وبعد فترة نااام وقلبي معورني

عليه غير إن نفسيته تعبانة وااايد وخجلان من انكشافه على الدكتور والنرس ( ثلاث نرسات) يعني

منحرج ومو راضي يتكلم بالموضوع

وبكرة اول يووم روضة وطبعا ماراح يرووح وانا دواام وللحين مانمت احاتيه …وابوه مابروح عشان يكون ويااه بس تدرون ما يعوض عن الأم ,,وخايفة ان يمنع روحه عن الحمام بعد الي شافه االبارحة

أمهااات طالبتكم تدعون ليه بالصحة والعافية والله يخفف عني وعنه يااارب عروس
وياارب اولادكم مايشوفو الا العافية

والله كسر خاطري عروس
مايشوف شر
انتو ما قال لكم الدكتور ان بعد العملية مابيقدر يبول؟

ودوه بكرة العيادة مرة ثانية
والله يقومه بالسلامه يارب

ياعلييي خيووو عورتين قلبي

الله يشافيه يااااااااربي بحق محمد وآل محمد

ردي وديه للدكتور خله يشووفه بعد

يااارب ماعليه شر عورتين قلبي عليه ..

اتوقع نفسيا بعد تعبان , وهذا الشي يأثر ..!!

وغير الالم بعد البنج لانها منطقه حساسه ربي يشفييه يارب ,

لين ما يجي موعده حاولي تغيرين له الجو ..

بأي شي يحبه او حتى اي مكان تحسين نفسيته بتتعدل فيه ..

وتشجعينه وانه مافي اي شي , والا صاده شي خفيف وراح ومن هذا الكلام ..!

على عمري ياااااااارب ماعليه اي شر ان شاء الله ,

بس يقعد والا هو عادي ولا كانه في اي شي ان شاء الله ..

واذا حستي مستمر يتالم وما يقدر يتبول رجعي لطبيب شوفي شنو صااير !!

وطمنينا عليه خيوو ..!! , الله يشافيه يارب ..

حبيبببي الله يشفيه يارب و يخفف عنه الوجع
الله يشفيه ويقومه بالسلامه والله كسر خاطري

ما يشوف شر إن شاء الله

طمنينا على صحته

ما يشوف شر البطل

ردي وديه لدكتور احسن

شوفي طبيعي ما يقدر يتبول او لا !!!!

ما عليه الا العافيه وطمنينه عليه
ربي يشفيه ويعافيه ان شاء الله ويرد كل شي طبيعي …
ما يشوف شر ان شاء الله

يتراوى لي لازم بألمه بعد العملية وبالمداوى بصير ان شاء الله احسن

طمنينه عليه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top