اخواتي عندي سؤالين ..
الاول … شنو احسن نوع من الاجبان (جبنه بيضاء ) اللي تستخدم لعمل المعجنات ..لان في انواع كثيره…
انا مره رحت بشتري واحترت … وقلت للبايع عطني افضل جبن تصلح للمعجنات … ويوم اخذتها للبيت وذقتها .. حامت كبدي … ماالحه وتحوم الكبد .الحمدلله على النعمه
ارجوكم عطوني اسم معين من الجبن الابيض .. والافضل يكون مالح ولا بدون
السؤال الثاني … كثير اعرفهم يشترون من البحرين سنبوسه .. معروفه يسمونها سمبوسة البحرين .. تكون حجمها صغير .. ومحشيه اما بجن شيدر .. او بحشوة بطاطس
ودي اعرف كيف يسوون حشوة البطاطس هذي لانها حلوه مره
اللي عندها خلفيه يعطيني طريقتها
شاكره لكم اخواتي والله يخليكم لعين ترجيكم
حلوة للسمبوسك خاصة مع النعناع
بالنسبة لسمبوسة البحرين انا مرة ذقتها عند اخت زوجي هي ماشي حالها بس طريقتها سهلة ما يستاهل الواحد يتشريها من هناك
حشوة البطاطس عبارة عن بطاطس مسلوقة بعدين تهرس وتضاف لها خضار على حسب رغبتك
ناس تسويها بطاطس مع بهار
او بطاطس مع خضار ( جزر – بصل )
على حسب الرغبة
اما البطاطس .. بقوولك شلوون نسويه في البيت .. بطاطس مسلووق .. وبهارات(فلفل اسود ) .. والنوع الثاني بطاطس مع خظار المثلجه ..
تراها لذيذة مرة بس هالمرة مع اضافة البقدونس مو النعناع
هلا وغلا
أنا أستخدم للسمبوسة جبنة شيدر الصفراء كرافت أو أي نوع مع جبنة بيضاء اسمها " جبنة نابلسية " مع بقدونس مفروم وشوي حبة البركة
طعمها روووووووووووووووووووووووعة
ومع الفطاير أستخدم خليط من الأجبان الي متوفر عندي " جبنة نابلسية مع شيدر مع موازريلا " مع بقدونس وشوي حبة البركة وبعدين أخلط 2 بيض أو 3 حسب كمية
الجبن وأخلطه مع الجبن وتكون جاهزة عندك حشوة المعجنات
وطعمها وااااااااااااااااايد حلو
جزاكم الله خير والله لايحرمني منكم