السلام عليكم ورحمة الله وبركاته
كيف حالكم بنات ان شاء الله طيبات..
بقول لكم اليوم على بعض الافكار لتغير الروتين
عشان اللي تبغا تختار منهم اللي يعجبها و تطبقهم
تقدرون تسوون هاذي الافكار في ذكرى زواجكم او اذا رجع زوجك من السفر
او اذا كان بيسافر يعني للتوديع او ممكن بالعيد او باي يوم عادي
المهم انها تكون مفاجاه…
بقول لكم انا وش سويت:
سويت بروجرام (برنامج) ترفيهي كامل
يعني اول ما دخل من الدوام حطيت له ورقه على الباب مكتوب فيها كل عام و انت بخير و…
كل وحده و فنها … و كتبت له انه ياخذ دش سريع و حطيت له الروب و
الفوطه و العطر(ما ودك تكونين انتي وش زينك و هو معفن خليه ينظف بعد الدوام و الحوسه ههههه)
.. و برضه كتبت له لا يدخل الا لما يطق الباب و اقول له
ادخل.. وكتبت له انه يقعد على الكنبه الاساسيه راح يلقى ورقه تبع
البرنامج..
اللي عليه انه ما يقراها كلها لا يقرا فقره فقره لانه هو بيكون المذيع
المهم … بعد ما سوا كذا .. طق الباب و دخل و قعد و اخذ الورقه
و قلت له يقرا بصوت عالي….
عاد عشان يكون تغيير صحيح خليت المذيع يتكلم باللهجه المصريه يعني
يقول اهلن بيكو وان شالله تنبسطوا معانا النهارده و…
عاد بتطلع قرايه زوجك تحفه المهم…
احلى حركه عجبت زوجي هي:
اني سجلت صوت ولدي اللي ما كمل سنتين يقرا قل هو الله احد طبعا تعععبني
لانه ما يعرف بس يقلد عاد وشلون سجلت كذا:
اقول لولدي قل بسم الله و اضغط اللي يسجل و بعد ما يقولها اوقف التسجيل
و بهاذي الطريق لين سجلت السوره كلها عاد تعبني و كان ولدي يستهبل
احيانا اقول له قل بسم الله يقول بلووووبه (يعني بلونه)
او يقول حواله (يعني حلاوه) بس اهم شي سجلت القران في الوقت المناسب
الزبده نرجع للزوج وهو يقرا.. تخيليه معاي بيموت من الضحك و المفاجاه
و هو يقرا:
نبدأ حفلنا الليله بايات من القران الكريم يتلوها على مسامعكم : فلان
الفلاني و اكتبي اسم ولدك الكامل ..
المهم انتي تكونين متخبيه ورا الباب يعني للحين زوجك ما شافك…
و تشغلين الشريط .. ممكن تحطين المسجل بالصاله و تشغلينه بالريموت
او تاخذين الوكمان المسجل الصغير بيدك و تشغلينه و تعلين الصوت ..
خلصنا الفقره الاولى..
بالنسبه ل اللوك حقك في ذيك الليله ممكن تخلينه رزه و كشخه فستان سهره
و كعب.. لكن انا اقول لك خليته لوك استهبال و مرح…
سويت لوك صعيدي عاد مو مررره لبست فستان احمر قصير و ربطت عليه شال
فيه دناديش ذهبيه و لبست خلخال ذهبي و حلق ذهبي دائري كبير و عقد ذهبي
بعد و خواتم ذهبيه و الميك اب حطيت شدو احمر فااااااتح عليه لمعه
و كحل اسود و روج احمر بلمعه
المهم ممكن انك تحطين فقره نستقبل الرقاصه لولا و لا اي اسم و تدخلين
ترقصين يله عاد وين الجرأه…
و بعد كذا تقدمين العصير …
و بعد كذا الفقره اللي بعدها سلو دانس انتي و اياه
و بعد كذا تلعبون لعبه للحب…فيه لعبه اللي هي عباره عن الزهره او النرد
شفتها من عند لا سنزا بس من زمان ما ادري اذا هي موجوده الحين او لا
المهم هاذول المكعبين لونهم احمر و اذا رميتهم على الارض يولعون
لمبات حمرافلاشات من داخل و وحده منهم مكتوب عليها افعال و الثانيه اجزاء
من الجسم فاذا رميتي المكعبين تنفذين الفعل على جزء الجسم مثلا من الافعال
مساج و جزء الجسم مثل الرقبه او الظهر او غيره…
و بعد هاذي اللعبه تجي اللعبه اللي ينتظرها زوجك و هي انه يدور عن
هديته .. تعطينه انتي الورقه الاولى اللي فيها كلام يدل على الورقه
رقم 2..
احسن شي انك ما تقولين له اذهب الى المطبخ تجد ورقه رقم 2.. لا
احلى تقولين اذهب الى المكان الذي تقف فيه زوجتك بالساعات عشان ما
تنام جوعان.. و هكذا الين يلقى الهديه ..
و الفقره اللي تختمون فيها الحفل تكون كلمه الزوج و تعليقه على كل
فقرات الحفل…لا تتركينه لين يعلق على كل شي هههههه
و اهم شي اللوك الجديد .. و الله وناسه يا بنات و تجديد…
خاصه اذا كنت انتي و زوجك من النوع المرح و تخلونها حفله ضحك و
استهبال مو رسميه…
ترا انكسر ظهري و انا قاعده اكتب اتمنى اشوف ردودكم
و ارائكم اهم شي…….
و ان شاء الله تكون بعض الافكار عجبتكم
انتظررررررررررررررر الردود يا حلوات
ولا تنسوووووووني من تقييمكم :thumbs_up:
افكار روووعــه
تسلم ايدج ياعسل
و الله يسعدج ويوفقج ويسخرلج زوجج ويخليه لج ويخلي لج عيالج يااااااااااارب
تم التقييم