و هاي اول مشاركه لي هني….
طبعا الكل يعرف مطعم النافورة اللي بابراج الامارات
مطعم لبناني…..انا اسير هناك خصيصا عشان اكل كبدة الدجاااج………….و اكتشفت الطرييييييقه هههههههه
تستوي نفسها طبق الاصل و احللللللللى… و تنفع للسندوشات
سرررررر الطبخة هو دبس الرمان و بتحصلونه في الجمعيات
المقادير::
كبدة دجاج مغسولة و مقطعة مكعبات(طبعا الكبدة فريش) منقعه في خلطه (دبس الرمان و البهارات المذكوره ادناه)
سر الطبخة دبس الرمان
فلفل اخضر بارد مكبات صغيرة
فلفل حار شوي بس للنكهة
بصل شرايح و ثوم مدقوق
ملح فلفل ابيض و اسود و كركم و كمون
عصير الليمون 1
طبعا الكميات راجعه لعدد افراد الاسرة و ذوقج
الطريقة:
نشوح البصل و الفلفل الاخضرو الثوم بنوعيه في الزيت ليين يستوي ذهبي
نضيف البهارات ثم نضيف الكبدة. ثم عصير الليمون..لاحظي انه بهارات الكبد و بهارات البصل غير عشان يكون الطعم اغنى
بعدين نضيف دبس الرمان ( 6-7 ملاعق كبيرة) و نخلي النار عالية لين ما يتبخر الصوص …و تتطلع الريحة …يمي يمي
و بالهنا و الشفا
اللي تبي سندوشات….. ممكن تسون الصوص التالي في السندويش ثم تضيفين الكبدة
2 ملعقة مايونيز 1 م ك طحينه 1 م ك خردل
و ممكن اضافة الخس و الطماطم في القالب
ملاحظه……هذا الطبق حااااااامض للي يحب الحاااامض
izdehar
لاني بس احب المقبلات عندهم او عموما في المطاعم اللبنانيه
مشكوره اختي
يوم كنت في دبي رحت المطعم ….
الصراحه احلى اكل لبناني عندهم … ماذقت احلى منه
_______________________
تسلمين على الموضوع
بغيت أعرف اول شي ننقع الكبده في خلطه (دبس الرمان و البهارات اللي هي (ملح فلفل ابيض و اسود و كركم و كمون) وعقب بعد نضيف هالبهارات على البصل ولثوم والفلفل … وبعدين نضيف الكبده وعصير الرمان والدبس …. صح ولا …………. لأنه دار راسي ومافهمت أول خطوه …..أحس سؤالي غبي ..
والسموحة …..
شوفي اولا ماشي عصير الرمان….هذا دبس الرمان مو دبس التمر…..و دبس الرمان متوفر في الجمعيات قسم الصوص
ننقع الكبدة في خلطة البهارات و خلطة دبس الرمان
يوم نقلي البصل نضيف البهارات من جديد
ثم الكبد
ثم 6 او 7 ملاعق دبس الرماااان
و اي استفسار انا حاضرة
انا قصدي دبس الرمان مش عصير الرمان غلط مطبعي……………وانشاء الله بجربها…
وتسلمين
انا قصدي دبس الرمان مش عصير الرمان غلط مطبعي……………وانشاء الله بجربها…
وتسلمين