مشكلتي الازليه هي بنتي البكر اللي عمرها 3 سنوات ونص اللي مااعرف شلون ابتدي بكتابتها او من وين…
اول شي من انخلقت هالبنيه وانا اشغل لها هالتلفزيون تطالعه
فالبدايه يوم كانت صغيره كنت اخليها تشوف التلفزيون بساعات محدده وزادت هالساعات وزادت لحد ما طفشتنا صارت ماتخلينا نشوف شي عالتلفزيون كله هي اللي تشوف وبس
والحين لأن عندي بيبي حديد فالبيت ومتغربه في امريكا (يعني بنقعد سنه ونص وبنرجع) ولأنها دوم تحط بالها وبال البيبي يعني تغار منها وتضربها فأبي افتك من شطانتها خذت لها تلفزيون صغير معاه دي في دي وحطيته في غرقتها
وخلاص من عقبها البنت يا في المدرسه او اذا رجعت البيت تجابل هالتلفزيون لييييييييين ما تنام
والمشكله انه لو سكرت عنها التلفزيون وشلت السيديات عنها تفضى حق اختها ويبتدي عاد الينون والشطانه ,,,
خااااااااااااااطري بنتي تكون من هالبنات الحنونات واللي كله لازقين بامهم …هذي عكسهم..شيطانه وعنيده..ومب حنونه كلللللش لا علي ولا على ابوها ولا على اختها …يعني لو تشوفني اصيح ماتقرب صوبي ولا ينكسر خاطرها علي.. حتى انها ما ترضى تحط راسها على حضني تخيلوا…
….وطبعا دوم هي مع الشغاله هي اللي تأكلها وتسبحها وتلبسها ..تدرون ليش
لأني كسووووووله وبسبتي انا هي صارت هالشكل …اعتمدت عالشغاله من كانت بيبي والحين ماقدر اتحمل شطانتها وحركاتها
مرات احس ان راحت علي لان دوم يقولون انه اهم شي في التربيه اول 3 سنوات لانها اساس التربيه…وانا متأكده انه مهما سويت الحين اكيد النقص اللي شافته اول 3 سنين بياثر على شخصيتها لما تكبر.!!!انتو معاي بها الشي صح
..عشان جذيه قاعده اعوض بنتي الثانيه اللي فقدته الاولى…
قولولي شسوي …ابي بنتي تتغير وابي اغير عاداتها ابيها اشكل شخصيتها مره نانيه….شلون احس صعبه وايد ومستحيله لاني مابديت من البدايه
والله انا وااااااااااايد متضايقه من هالسالفه ودوووووووووووم احس بالذنب من جبتها لين الحييييين…..مادري شسووي…. وانا احيييييييين اشوف اهمالي اشسوه فيها
البنت مب سيئه لكنها غير مباليه وعصبيه ومافيها حنيه وفي نفس الوقت لما اقارنها مع عيال الناس احس بنتي تصرفاتها واايد احسن منهم لاني بعد ماهدها على كيفها اعلمها الصح من الغلط وواشجعها وازرع فيها الثقه ووو… لكن في اشياء غلط في تربيتي لها)
اصحاب المعرفه واللي يفهمون في تربية الاطفال واللي مروا بنقس مشكلتي وحلوها يلليت تساعدوني …هذا اذا في حل….!!!!:sad:
السلام عليكم ورحمة الله وبركاته
بصراحة أختي…
واضح إنه المشكلة كانت منك من البداية…
يعني كيف تريديها تكون حنونة عليكي و هي ما شافت منك الحنان ؟
كيف تريديها الحين تيجي في حضنك و إنتي بالأول تركتيها في حضن الشغالة و التلفزيون ؟
و الحين مع وجود أختها…و ( تعويضك ) لأختها باللي صار…أكيد بتغار أكثر…
أقول لك هذا الكلام علشان فعلا تحسي إنك غلطانة بحق بنتك…
يعني إتركي كل العالم و الناس و بس خليكي معاها
الأطفال بسرعة يتجاوبوا…و قلبهم أبيض…ممكن ينسوا الإساءة…
حاولي تكوني أسرة متماسكة أختي…
يعني الحين هالبنت ما في بينك و بينها ترابط أسري…و لا بينها و بين أبوها…و لا بينها و بين أختها….
لذلك الأسرة صارت مفككة…و هذا شيء مش في مصلحتك…
شوفي لازم تعقدي العزم و النية إنك تبدأي من جديد….لسه البنت الحمد لله صغيرة ممكن التعامل معاها…
و إبدأي مارسي دورك كأم…عندها كل العطف و الحنان ….تعطيه من دون حساب…
حتى لما بنتك تحب تتفرج على التلفزيون…تفرجي معاها إنتي و أختها و أشعريها إنك مهتمة…و ناقشيها و كلميها…
إطلعي إنتي و هي و أختها…و جيبي لها حلويات و بلالين تسعدها…
خليكي قريبة منها…و حنونة عليها…و إبتعدي عن العنف و الشدة في المرحلة الحالية على الأقل…
إشركيها معاكي في أمور أختها…قولي لها تعالي حطي لها اللوشن و أربطي لها البامبرز معايا…تعالي نعمل لها رضعة…
يعني من الآخر حسسيها إنك أم …و إنها جزء من عالمكم…
إستعيني بالله و حاولي قدر جهدك…
الموضوع ما راح ينحل بين يوم و ليلة…ما تنسي هذه تراكمات 3 سنين
و الله يخلي لك عيالك إن شاء الله…
انا من جبتها وانا كله الوم تفسي طبعا بس كلام بالكلام بدون قعل لين ما طفح الكيل
وعشان جذيه لجأت لمساعدتكم
والله انج بردتي قلبي وخاطري بكلامج ..وانا هذا اللي ابيه انكم تطمنون فلبي انه في امل ارجع بنوتي لي وترشدوني للطريق الصحيج
والله ماتستاهل اللي انا اسويه فيها….
تركتيها من البداية مع الشغالة والتلفزيون، فالبنت صارت مرتبطة بهالأثنين..
أنت الحين في غربة يعني محد معاكم تقدرين تقربينها منك أكثر وتحببينها من أختها،، بعدي الشغالة عنها، وخليك معاها، لما ترجع من المدرسة أقضي أنت الوقت معاه،، يعني من إستحمام وأكل أنت وهي لوحدكم،، مثل ماقالت لك مرموم قربيها من أختها يعني تبدلها معاك وتلبسها
وصدقيني البنت بتتغير وبتحبك وإن شاء الله تكونوا أسرة سعيدة ومتقاربة أكثر وأكثر…
لحقي بنتج وتقربي منها قبل لا تكبر وتضيع منج
وبعدها لو شنو تسوين ماراح تقدرين تسوين شي
مع كلام الاخت مرموم 100%
وبالتوفيق ان شاء الله
أختي .. لن ألومك ولن أحملك أكثر فقد يسرت أنت الطريق على نفسك ..
ولكن أريد أن اخبرك شيئا .. ما فات شيء بعد …
سأسترسل في ردي عليك وقتا آخر لأن لدي بعض المهام الآن …
وربي يوفقك ويعينك يااارب