اليوم حبيباتي راح انقل لكم تجربتي في تعطير الشعر … وبعض التجارب اللي شفتها هنا في المنتدى وغيره وشكلها تجارب حلوه(f) …
واتمنى من كل وحده تدخل تكتب لنا تجربتها حتى الكل يكتب ويتشجع ويفيد ويستفيد
من تجاربي :
استخدمت في البدايه من زهور الريف التولات العطريه اللي عندهم … طبعا مو كل اللي يبيعون يفهمون هناك لان ممكن يقول لش عن ان هذا بس للرائحه الغرفه لكن في كذا واحد شفته من نفس المحل وناس مجربين قالوا لي ان الطريقه الصحيحه انك تحطي شويه على ايدك وبعدين تلمسي شعرك كله ( حتى ما يصير في شعرك شيب من الاستخدام المباشر )
وانا استخدمت منهم شخصيا ليبتون .. والمسك … وبصراحه كانوا روعه لكن تركتهم لاني حسيت ريحتهم قويه مره … وهم بالفعل يا بنات الريحه قويه مره يعني لو بس تحطين في شعرك اول ما تقبلين على الواحد يشمك على طول
ثم استخدمت العود … وظليت على توله للعود فتره طويله .. بس امشي منها شوي على شعري .. والريحه هاااااااااادئه وبالحيل حلوه … والله يا بنات الى غسيل شعري الثاني احس ان الريحه فيني …. هذا غير اذا انتي رايحه لعزومه او شي راح تصير ريحيه الشيله من عودك وكل ما تسلمي على احد راح يلاحظ هالريحه الحلوه فيك
وفي مره وحده قلت لها عن العود وقالت لي لا تحطي العود على شعرك لان مو كويس .. وقالت لي حطي شي اسمه مخمريه … بس لأني ما اعرف المخمريه ظليت على العود واشوف شعري مثل ما هو ما صار فيه شي ولله الحمد
اما تجارب الاخرين الي عجبتني وباحطها هنا من بعد اذنهم حتى اكمل الموضوع :
هو تبخير الشعر بالبخور بعد الاستحمام مباشره … علشان الشعر الرطب تظل فيه الرائحه اكثر من الناشف
او استخدام عطر خاص للشعر من العطور الفرنسيه المعروفه .. وتجي باسم hair mist .. وانا شخصيا سمعت عن شانيل ألور … وفي بنات مدحوا شانيل نمبر فايف …
او انك تعطري الفرشاه بعطر عادي ثم تمشي فيها شعرك … وبتعطيك ريحه حلوه …
وهاذي التجارب الاخيره مثل ما ذكرت لكم شفتها من العضوات هنا في منتدى عروس بس مو حاضرتني الاسماء الان …ولهم الشكر الجزيل وان شاء الله ما يعارضوا اني جمعت التجارب هنا (f)..
واخر شي اطلبه منكم حبيباتي هو انكم تنقولوا لنا تجاربكم .. وتفيدونا فيها
وان شاء الله تكونوا استفدتوا … (f) دعواتكم
تقبلوا مروري … تحياتي
سمر
تجاربج حلوةةةةةةةةةة
و ان شاء الله بنجربها
انا عن نفسي
استخدم المخمرية
و طاغية عليها ريحة الزعفراااااااااااااان
عجيبة حدها و الكل يمدحها
و المسك غير مضر للشعر ما دام انتي ما تحطينه على الفروة
لانه زيت و ما منه ضرر على الشعر
انا استعمل مسك روز على شعري فقط في المناسبات ..روعه
وانا اصلا كنت اجرب تجربتج من زماااااااااان
يعني من قبل لا اتزوج ,, عقب السبووح والدوش الحلووو
ابخر شعري بالعود المعطر
وعقب ارش من عطر شانيل للشعر واااااااااايد حلووووووووو
واحب ريحته وااايد
وعقب استشور شعري اجففه من الماي وعقب ارش من العطر شانيل مال الشعر
على المشط بس على خفيف
وامشط شعري وبهالطريقه تثبت الريحه وتكون واااااااااو
وننتظر كل جديدج[/FRAME]
وانا قاريه هالطريقه هنا ف المنتدى
انا عن نفسي اول ما اطلع من الحمام اجفف شعري بس مب كلش
واتبخر واحط لي مخمريه بس كميه كلش بسيطه وعود على اطراف شعري
اخاف من الشيب والم شعري ولما افتحه تطلع الريحه روعه بس حالينا ما استخدم مخمريه مثل
قبل ابخر شعري بالعود والمه وبعدين اسشوره تطلع الريحه بصراحه روعه