صالونة او مرقة دجاج بالخضار
المقادير:
خضار مشكله اي نوع تحبيه (مقطعه الى قطع متوسطه)
بصل وثوم مفروم ناعم
فلفل اخضر واحمر مقطع مربعات صغيره
طماطم مفروم
بهارات مشكله + بهارات صحيحه (عبارة عن هيل وقرنفل ودراسين وطرخون وورق غار وفلفل احم احطهم في هذه الاله عشان لايصيروا مباشره في المرقه ..)
معجون طماطم مذاب في ماء ومعاه ملح ومكعبين ماجي واحد خضار والثاني دجاج
دجاج مقطع
بقدونس وسبنت مجفف
الطريقة:
1- نحط الزيت في القدر ونحط معاه البصل والثوم ونخليه شوي لحد مايتغير لونه الى البني وبعدين نضيف الفلفل الاخضر والاحمر ونغطي القدر شوي لحد مايذبل الفلفل مع البصل
2- نضيف الطماطم المفرومةونحط عليها البهارات ونخليها شوي تذبل
3- نحط الخضار ونقلب ونغطي الطنجره لحد مايستوي الخضار نصف سوا تقريبا ويتشرب نكهة البصل والطماطم والبهارات وبعدها نحط البقدونس والسبنت ومباشره نحط القرنبيط فوقه (ملاحظة: القرنبيط مانحطه في البداية مع الخضار الاولية لانه بسرعه يستوي ويتفتت لذلك راعينا نحطه بعدين)
4- نصب الماء المذاب فيه المعجون والمكعبين والملح وشوية ماء زيادة وبعدها بفترة نحط الدجاج ونخليهم عالنار لحد مايستوي الجميع
5- وتناكل مع خبز تنور ويسمونه ثريد او رز
وعوافي ان شاء الله
ربي يعطيج الصحه والعافيه
تسلم يدج
ماشاء الله تسلم الايادى
يــــــارب أحـــمـــى مـــصـــر
( يارب أحمى زوجى وهون عليه سفره وأجمعنى بيه عن قريب يااااارب العالمين ووسع رزقه يا أرحم الراحمين )
تسلم يدج حبوبة ..