حبيت استشيركم في موضوع بنات .. وبالذات بنات البحرين 
انا ولدي مواليد 26 3 2024 يعني على كلام النسوان الكبار يقولون تروح عليه سنة في المدرسة (w)
وانا الصراحه حابة ان ما تروح عليه سنة ،، واسجله في مدرسة خاصة مع مواليد 2024 يكون معاهم ويدرس نفس مستواهم ..
لكني في نفس الوقت خايفه انه ما يقدر يستوعب اللي يدرسونه او يعني يكون اعلى من مستوى تفكيره وقدراته ويتأثر سلبا ويصير مستواه اقل من مستواهم وبهالشكل اكون ظلمته :16:
وساعات اقول يالله خله يدخل المدرسة مع مواليد سنة 2024 يكون معاهم في نفس المستوى ,, بس ارجع واقول لكن حرام اذا مجال نختصر سنة ليش ما نستغل هالفرصة !!
ومحتااااااااااااااااااااارة .. ساعات اطمن نفسي بان في طلبة كثيرين واعرف بشكل شخصي طلبة دخلوا مع دفعة اكبر منهم وتفوقوا في دراستهم لكني اتخوف شوي بعد واقول الاطفال قدرات وهو في النهاية بيدرس شي اكبر من مستوى عقله وممكن ما يستوعبه عدل ..
والحين شوروا علي يا بنات ،، لان حابة اسجله في مدرسة خاصة من كي جي 3 .. واذا استقريت على موضوع ان اسجله مع الدفعة اللي اكبر منه ( 2024 ) معناته اسجله من الحين حق السنة الجاية علشان يدخل كي جي 3 في شهر 9 " سبتمبر " ..
واذا حبيت اخليه يدخل مع دفعته اللي هي 2024 بأجل الموضوع سنة ..
بانتظاركم .. (f)
هو مثل ماقلتي حرام تضيع عليه سنة،، أنا ولد صديقتي في شهر إبريل وراح تسجله للمدرسة هذا عن مدرسة الفلاح ياخذون لمواليد شهر إبريل… ولكن الحين لازم يكثفون له المنهج في الروضة عشان ياخذ مع الكبار…
بس في نفس الوقت أقول حرام الولد صغير وراح يتعب شوي،، لأن أحنا أختى (عاد هالكلام من زمان الحين عمرها 20 سنة) دخلناها من سنتين الروضة يعني شبعت من الروضة ولما دخلت الصف الأول أصرينا على أمي تعمل لها إمتحان للنقل للصف الثاني المهم نقلوها لكن اختي تعبت في الكتابة وكانوا أذكر على طول يعطونها طين عشان تقوي يدها حق الكتابة…..
أنتي شوفي مهارات ولدج إذا حاسة راح يقدر يساير الأكبر منه سنا دخليه،، بس إذا تحسينه ملول ويتعب بسرعة لاتستعجلين عليه…
لان ولدي العام اللي فات كنت حابة يدخل المدرسة مع ان كان عمره 5 سنوات والروضة اللي كان فيها مانصحوني ابدا قالولي راح يتعب مخه وفعلا ماحسيت ولدي مستعد لدخول المدرسة من ناحية الكتابة واحنا نظامنا في السعودية دخول المدارس من عمر 6 سنوات وخليته لهذي السنة والحين سجلناه لكن اذا فتحت المدرسة راح يكون عمرة 6 سنوات واشهر
وليش تضغطين عليه حرررررام
يعني لو انا مكانج اخليه يعيش عمره ويدخل عادي وية دفعته ولا اضغط عليه
لو شهر 1 يكون اي بتحسف على السنة الي بطوفه بس شهر 3 يعني عادي
للحين ما استقريت على راي (w)
ابوه يفضل ان ندخله مع دفعة 2024 علشان الاسباب اللي انا ذكرتها في بداية الموضوع وعلشان بعد ما يكون صغير بينهم وممكن يضربونه او يستقوون عليه ههههههههههههههههههههههههههه
امي تقول هو فعلا مواليد شهر 3 يعني ما تطوف عليه سنة لكن اذا تقدرين تختصرين عليه سنة يكون احسن ويالله على سنة تعدي وبعدها يتخرج صغير ويدرس بالجامعه صغير خخخخخخ
حاليا في بالي اقول بنتظر لقريب نهاية الكورس وبستشير معلمته في الروضة عن هالموضوع وبشوف شنو رايها لانها تدري بمستواه اكيد
بس وين البنات توقعت الاقي تفاعل اكبر من البنات !! (w)
لا تستعجلي على الولد و خليه يدخل في السن المناسب أفضل لك و إليه من جميع النواحي.
شووو أخبااارك وأخبااار العيااال.؟؟
:ss: من رأيي خيوو عادي تخلينه مع دفعته لان هو مو شهر واحد ولا اثنين!!
عاد أحامي عن شهر اثنين لأن صار لي مثلش متحيرة على بنتي أدخلها قبل اللي معااها أولا لأن في بداية شهر 2!!!…
وعن تجربة انا دخلت بنتي الكبيرة كي جي 2 وكان عمرها 4سنوات ونص والسنة كان عمرها 5 ونص وكانو حاطينها في مدرستها صف أول في البداية لانها على كلامهم شاطرة وبتقدر اتمشي نفسها بس حسيت بتأنيب ضمير لانها صغيرة فخليتهم يعيدونها كي جي 2 قلت لهم هي صغيرة وانا ما ابيها اتكون اول بعد اصراري نزلوها في الكي جي…تدرين لانها وااايد عورت قلبي كانت اتقول لي المس على طول اتخلينا نكتب في صف اول وداومت اسبوع بعدها خليتها في البيت لحد ما رضو انهم ينزلونها والحمدلله بعد مانزلوها ارتحت وارتاحت هي بعد,…
وفي بعضهم اذا يدخلو وهم صغار حتى اذا نجحو في البدايه بعدين في سنه ثانيه وثالثه مايقدرو ينجحو
بس اذا انتي تشوفي ولدش يقدر وعنده قدره على التعلم وماينخاف عليه هذا كلام ثاني
وانشاء الله تستقري على الرأي اللي في صالحه والله يوفقه