حبيت احط لكم اليوم ماسك رووعه للوجه
الحلو اللي فيه انه مناسب للجميع ،، و موجود في كل بيت
يعني ماله داعي روحي واشتري وجمعي واخلطي
و تحضيره سهل جداً جداً وفوائده احلى
وحلو للكسولات ،، ما ياخذ وقت وايد
بسم الله نبدي :
*ربع كوب من شرائح الاناناس الطبيعي
الحين الطبيعي متوفر و موجود مقطع و مقشر في كارفور اذا ماتعرفون تقشرونه بروحكم :shy:
واذا ما توفر الاناناس الطبيعي ،، استخدموا عصير الاناناس المعلب ،، بعد يوفي بالغرض
* ملعقة صغيره حليب جوز الهند .. اللي ماتعرفه هو مثل الحليب البودره واذا ما لقيتوه في المطبخ بتحصلونه في اقرب جمعيه او سوبرماركت
نجي للطريقه الحين :
نحط المكونات في خلاط الطعام او العصير
لين ما يصير الخليط ناعم ..
تمدينه على كامل الوجه لكن راعي انج ما تكثرين ،، يعطني طبقه خفيفه من الخليط
اتركي الخليط على الوجه لمدة 5 الى 10 دقائق
اشطفي الوجه بماء دافي ،، مب حار ولا بارد مثلج ،، يعني معتدل افضل
ونشفي الوجه بمنشفة ناعمه
استخدميه مره او مرتين بالاسبوع
نشوف الحين فائدة هالماسك :
الاناناس : فيه انزيمات تضيق مسامات البشره الواسعه ،، وتعالج الخطوط الدقيقه و بداية التجاعيد
و كذلك يزيل الجلد الميت من البشره ويعطي اضاءة حلوه وصحيه للبشره .
حليب جوز الهند : يعالج التبقعات الداكنه في الوجه و كذلك يعالج خطوط وبداية التجاعيد
اتمنى تجربون الماسك ويفيدكم
تقبلوا كل حبي
نحط الماسك ونحط زيت بالشعر ونرتاح 
مشكوره ياقلبي
يعطيك العافيه
تسلميييييييييييين يالغاليه …….ماسك لذيذ صراحه
شكلي بجربه باجر
وبرد اقولج عن النتيجه
السلام عليكم
بالفعل الاناناس من الفواكه اللي لها تأثير ممتاز على البشرة
مشكورة اختي على الماسك الحلو
تحياتي :clap:
بس ولا مرة شفتحليب جوز الهند .. إذا شفته رااح أسويه إن شاء الله ..
تسلمين حبوبة ..