خواتي أنا ما بطول عليكم بس عندي سؤال ضروووورري و ياريت تساعدوني
الحين انا نفسي أبخر البيت و الملابس و الفراش
بس المشكلة اني ما بعرف الطريقة
يا ريت أحد يحكيلي الطريقة بالتفصيل الممل المميت
يعني انا عندي الفحم و عندي المبخرة و عندي بخور
بس كيف ابدأ و شو اساوي ما بعرف
وشكككررااا على كل الي بيساعدوني مقدما 
حطي الفحم على النار لين يصير جمر….يعني يتغير لونه من الاسود الى الاحمروابيض
بعدين شيليه وحطيه بالمبخره وجيبي البخور خذي كميه بسيطه وحطيها على الجمر وبخري البيت
وبس
واذا ماعرفتي اسأليني
طيب لو كان البخور على هيئة أقراص؟ يعني مدور؟ كيف أحطها كاملة و لا أكسرها؟
و بلنسبة لتعطير الفراش و الكنب و الشراشف كيف ممكن أبخرهم؟
و الملابس كمان؟
ز أشكرك على ردك عليي
طيب لو كان البخور على هيئة أقراص؟ يعني مدور؟ كيف أحطها كاملة و لا أكسرها؟
و بلنسبة لتعطير الفراش و الكنب و الشراشف كيف ممكن أبخرهم؟
و الملابس كمان؟
ز أشكرك على ردك عليي
ما حد بيساعدننننننييي؟؟؟
وحطيهم عل الفحم
اسمعي بعد مايكون الفحم جاهز يعتمد شو اللي انتي بتبخريه … يعني تبخير الجسم غير عن البيت وغير الملابس …
احنا لنا حق كل شيء نوع يعني نستخدم البخور الغالي والزين فقط للمناسبات .. والزيارات العائلية …مع العطور القوية … ولنا طريقة في تعطير الجسم خاصة … عشان اتم …
مثال البخور هذا للجسم
1- اول تدهنين جسم بالكريم الخاص بالعطر اللي بتتعطرين فيه واذا ماعندك ممكن تحطين اي كريم خاص بالجسم .. وتيبين لبس فضفاض وتحطين المبخرة تحتك لمدة دقيقة الى 2 وبعدها تشيلن المدخن وتكملين باقي لبسك .. انتبهي الدخون يكون بدون لبس داخلي اذا حابه ريحتك تم حلوه على طول
بعدين تكونين مجهزة ملابسك حق تبخيرهم يعني ممكن ترشينهم بعطرك المفضل … فرنسي افضل .. قبل لبسهم بنصف ساعه … وبعدها تلبسينهم بتلاحظين انه ريحتج خبال على طول اليوم ..
اذا كان التبخير للملابس …
تكونين مجهزة المبخرة او حتى كرسي خشب وتحطين الثياب مفتوحين … وتجهزين الخلطه الخاصة بج اللي تحبينها وانصحج بخلطات الرصاصي روايحهم روعه واتم …
بعد ماترشينهم تحطين المبخرة بعيد عن الملابس بقدر كافي انه الريحه تنتشر في الملابس لمدة نص ساعة … انتي بتتعودين عقب عن الفترة …. يعني احنا انحطه على المبخره ونتركه لين الفحم يطفى روحه …
حتى ملابس الرجال عندنا لهم طريقة تعطير خاصة اذا ريلج يحب الكشخه … يعني لازم ملابسه على طول مخنه ومعطرة …
ملابس الريايل ماتستخدمين لهم البخور الا اذا هو يميل للبخور … يعني احنا عندنا عيب البخور للحريم والعود للرجال … وتستخدمين له العود وخلطات العطور الرجالية …
اذا كان التبخير هذا للبيت … فانتي تجهزين الفحم والدخون ,,,, وتبتدين برش البيت بعطر الفرش وتتنقين الاماكن اللي فيها خلق يعني الكنب واسلتاير لانه الريحه تمسك اكثر هناك … وبعدها تحطين المدخن وتسكرين الباب بس تكون متابعه لين يموت الفحم تشيلن المدخن
انتبهي من الصغار لايقربون صوب المدخن تراه ممكن ياذيهم …. وانتبهي من الاثاث دائماً اختاري المدخن اللي القحم ينحط فيه بغزارة مش اللي ينحط فوق عشان ياخذ مساحه ومايكون قريب يحرق الملابس او يتسبب لج في مشكلة …
الدخون يالغالية ماتستخدمين القطعة المدورة بالكامل لا تستخدمين منها ربعها او اقل على حسب النوع …
لانه في انواع القطعة الصغيرة تسوي لج دخان كثيف ورحته قوية يعني لازم يكون عندج على بنوع الدخون …
وهذا النوع من الدخون تعرفينه من خلال التجربه الشخصيه يعني تيبين قطعة صغيرة وتشوفين
الدخون اذا كان كثيف … او خفيف …. واذا يتغير لونه للاسود او يتم ابيض …
وهذي طريقتنا في الامارات ….
واي سؤال انا حاظرة