السالفه من اولها اني نويت اسافر لاوروبا وسالت الاخوان قالولي اهم شي تامن الاوتيلات قبل ماتروح … وافضل موقع متعودين عليه بوكينج فعلا حجزت وقرب موعد السفر احب اذكر ملاحظه ان موعد السفر كان قبل حجز الاوتيل بليله يعني تقريبا يوم ونص لان مالقينا حجز طيران وكنت حاجز الاوتيل وقلت مو مشكله كلها ليله المهم وسافرنا نزلنا بالمطار وكنا نازلين في روما واحنا ماشين بالسياره مع السائق شفنا منطقه مره حلوة قررنا ننزل فيها ليله لان اصلا وقت وصولنا كان متاخر قريب الفجر المهم توكلنا على الله ونزلنا بالاوتيل والله وفقنا وكان موغالي مره عادي ارخص من اللي حاجزينه بنص البلد والمنطقه اهدى كثير واقرب على البحر وعلى الطريق الساحلي اللي ياخذنا على باقي الدول الاوروبيه بسهوله المهم نمنا وثاني يوم من الصبح بدري رحنا الاوتيل الاصلي نلغي الحجز اللي حجزناه عن طريق بوكينج اللي هو مفروض نجيهم تشيك ان ثاني يوم الظهرالا قالولنا لااااااااااا ابدا ماتقدرون تلغون الحجز.. قلنا ياجماعه جاينكم بدري لسه بكره قالوا لا ما يصلح اذا ماتبي تجي ترى المبلغ مارح يرجعلك انت حر.. وراجع ايميلك تلاقينا مرسلينلك انه احنا لما طلبنا معلومات البطاقه الائتمانيه قلنالك انه نبغى نضمن مبلغ الحجز عشان الالغاء المتاخر او عدم الحضور..
وحابب انقل لكم نص رسالتهم
… من بوكينج:
ضيفنا الكريم السيد… شكرا لاتصالك بـ Booking.com اتصل بنا فندق…… لإعلامنا أن بيانات البطاقة الائتمانية التي أدخلتها أثناء عملية الحجزغير صالحة. يرجى إدخال بيانات بطاقة الائتمان الصحيحة أو البديلة بالضغط على رابط حجزي، مع الأسف إذا لم تصلنا هذه المعلومات اليوم الى الفندق، فيمكن للفندق إلغاء حجزك دون أي إشعار آخر. نحتاج لبيانات بطاقة الائتمان عند الحجز لضمان الحجز في حالة الإلغاء المتأخر أو عدم الحضور. جميع المدفوعات يتم تنفيذها من قبل الفندق، إلا في حال ذكر ما يخالف هذه المعلومة في تأكيد حجزك لمزيد من المساعدة من قبلنا، لا تتردد بالاتصال بنا. نشكرك مرة أخرى للاتصال بـ Booking.com
مع العلم ان الحجز غير مسترد المبلغ
المهم ياجماعه اللي صار اني اضطريت اروح لهالفندق واكمل فيه اجازتي لانهم مابيرجعولي المبلغ ولا حتى نصه ولا ربعه فهذه مشكله الصراحه ومارح ارجع احجز معهم مره ثانيه
