يلا نبدأ …
المقادير : ……. كيس مكرونة ( انا استخدمت نصف الى ثلاث ارباع الكيس ) .. جبنة موزاريلا .. جبن شيدر المراعي ..مايونيز .. علبة قشطة .. علبة بازلاء خضرة .. مكعب ماجي .. صدر دجاج .. حبة فليفلة خضراء بارد .. بصلة .. فص ثوم .. كمون وفلفل اسود وفلفل ابيض
نبدأ الطبخ ……….
نسلق المكرونة بماي وملح ..
وبعدين مجرد تنضج المكرونة يعني ماتكون لينة كلش نشخلها عشان بعدين الصلصة لما تتشربها ماتتعجن…
نقطع البصل مفروم ناعم ونحمسة لما يشقر لونة ونضيف عليه الثوم يكون مفروم ناعم بعد ..
نقطع صدر الدجاج الى مربعات صغيرة ( انا استخدم صدور دجاج ماركة الكبير يجي في جيس مقطع وجاهز)..
ولما يذبل البصل ويصير لونة ذهبي نضيف قطع الدجاج ونقلبها ..
نضيف نصف ملعقة كمون وربع ملعقة فلفل اسود وربع ملعقة فلفل ابيض طبعا على حسب الكمية لما تكون الكمية اكثر ممكن تزيد كمية البهارات ..
بعدها نضيف الفلفل الاخضر البارد وحبة الماجي ونقلب لما يذبل وفي الاخير نضيف البازلاء ونقلب عشان هي اصلا مستوية فما محتاجة تقليب واايد عشان لاتنعجن..
هني نجيب القشطة مع ملعقتين مايونيز كبار ونصف علبة الشيدر نبشرهاونخلطها مع بعض..
ووهني بعد 5 دقائق من اضافة البازلاء مع الدجاج نضيف خلطة القشطة اللي سويناها ونزيدا نصف كاس ماي او اكثر لان بتكون القشطة ثفيلة واحنا نبيها شوي سائلة ونخليها تنطبخ 5 دقايق جذي..
وبعدين نوطي النااار على الاخرررررر حتى تصير مجرد حرارة ونحط المكرونة فوقها ونخلط المكونات مع بعض ونضيف جبنة الموزاريلا ونخلطها…
وهني بعد الخلط شوفو الجبنة شلووون يم يم :worn_out: طبعا انا استخدم جبنة البقرات الثلاث…
وهذا الشكل النهائي بشرت فوقة شوية جبن شيدر…
…..عن قرييييييييييب…..
امانة دعواتكم لي بالذرية الصالحة عاجل غير اجل
/
تسلم ايديكِ ياقمر
تسلم ايدك على هالوصفه الطيبه
جوعتيني والله 
و تم التقييم
والله يعطيكِ العافية
تسلم إيدج
و لج أحلى تقييم
و ربي يرزقج بالذرية الصالحه المعافاه
يعطيك العافية يارب
وربي يرزقك بالذرية الصالحة السليمة المعافاة بدون زيادة او نقصان عاجلا وليس اجلا يا ارحم الراحمين
