يعني شغل إيديااا وحياااة عينياااا
يالله بسم الله نبدأ
المقادير ..
بصلتين صغار .
مكعبين ماجي ..
معكرونة .. كيس كامل
مايونيز
جبن كرافت
زعتر
كريما مخفوقة
قشطة .. عدد اثنين
فطر
دجاج .. على حسب الذوق .. أنا أستخدم دجاج العريش المدور .. لأنه في طعم لذيذ ويعطي ملوحة غاوية ويا الجبنة والكريمة المخفوقة في الطبخ
أول شيء انسوي المعكرونة .. نحط الماي وشوية زين وملح على النار لين مايفور
طبعاً انحووثه عشان ما تلصق الحبات ويا بعض
وعقب انقلي الدياي
قليل من الزيت فقط ههههه
يتبع…
ألحين نبدأ في الطبخة
نحط شوية زيت .. ما انكثر لأن المايززنيز يكون فيه زيت والجبن بعد ..
نشيط البصل
وانحط الماجي والفطر وانحوووثه
وقليل من الزعتر
وقليل من الملح
وبعدين انحط الدياي
وانحوثه لين ما انحس شوية استوى الدياي
وألحين انضيف الصلصة البيضاء
قليل من الفلفل الأسود
وانخليه عشر دقايل على نار هادية .. لين ما تتشرب المعكرونة الصلصة شوية
وهني خلصنا 
وبس
تسلم ايدك
شكلها وااااااااااااااااو
والله خاطري فيها ….
ان شاء الله بسويها جريب
بسالج اي نوع ماجي استخدمتي ؟
ممكن اسوي اي نوع معكرونه ؟
ممكن استخدم الزيت الزيتون بدل الزيت العادي؟
شكلي بطبقها … ويعطيج الف عاافيه ..