معلومات مهمة عن السير الكهربائي . الله يسعدكم

السلام عليكم ورحمة الله وبركاته
ياحبايب
ودي اسئل عن جهاز السير الكهربائي
ايش الشروط اللي لازم تتوفر فيه قبل ما اشتريه ؟
ايش الماركة اللي عندها جهاز سير جيد ومفيد؟
أي شي وكل شيء عن السير الكهربائي
الله يسعدكم اللي عندها معلومات تفيدني
جزاكم الله خير الجزء

انا سمعت انه ضار عالركب وان المشي بدون الشير افيد بكثير

انا عندي واحد
والله اذا بتستمرين في استخدامه زين ومفيد
بس انا شريته استخدمته شهرين وخليته بسبب الحمل
حلو فيه سرعات للركض ويحسب الوقت
لازم نص ساعه كل يوم
ماركاتهم مختلفه شوفي كم محل انا مادري شعندكم في السعوديه

حبيبتي مثل ما قالت نوره سمعت إنه مضر كثير على مفاصل الأقدام والركب لأن المشي عليه مو مثل المشي الطبيعي على الأرض الثابتة

لا الله يهديكن:

الجهاز مصنوع حق الرياضة ما يخلى اي نادي رياضي بدونه

ما اعتقد يعور الركب

الصناعة <<لازم تكون كويسة وعلى هالاساس تتفاوت الاسعار

التحمل (يعني يجيك جهاز يتحمل اقصى شي 80 كيلو من وزن الراكب وثاني يتحمل اقصى شي 120 وغيره يتحمل 150) وانتي تختارين وكل مازاد الوزن زاد السعر

هذا اللي اعرفه ان شاء الله باقي البنات يفيدونك

انا جربت اغلب الانواع كير هلث رائع
وبعدين اللي تقول يعور الركب خطاء
يمكن اذا كان وزنها كبير يضعط على مفاصلها طبيعي
فتحس بالالم
ماله علاقه بالجهاز
تقديري

اهلييييين اختي
انا عندي جهاز المشي ماركة ريبوك مكتوب عليه
i-walk
i-run
ماشاء الله حسيته اوكي يحسب السعرات والدقايق والكيلومتر وكمان فيه خاصيه الكترونيه يعني جنه راكبه الجبل ونازله عرفتي اشلون السرعه تزيييد وتقل
وبس اكيييييييييييد كل شي طبيعي افضل والمشي بالهواء احسن واحلى
اممم انا سمعت بعد انه مضر بالركب بس اتوقع اذا لبستي جوتي رياضه مريح وانتي بكرامه ما بتعانين من شي
وبالتوفيق

خبراتكم وتجاربكم مع السير ؟؟؟؟؟؟؟؟؟؟