ي الخطوبة وم 2024.

اللبس الأنيق المحترم انسب شي بس يكون بعيد عن الجينز والسبورت لأن المناسبه رسميه شوي.. احلى شي التنوره او الفستان لأن يعطون صوره انثويه
ونفس الشي المكياج المناسب هو الألوان الهادئه الطبيعيه ويكون شي خفيف شدو لون واحد فاتح كحل، خفيف اذا كانت عيونك صغار، بلاشر فاتح ولا تكثرينه اذا كانت خدودك تحمر من الخجل، وحمره مناسبه او غلوس شفاف اذا كان لون شفايفك حلو
الشعر سشوار عادي بلا تسريحات وحركات يكفيه قصه حلوه مرتبه
اما الإكسسوار يكفي طقم بسيط جداً يعني سلسلة خفيفه وسواره ناعمه وحلق صغير وخاتم وساعه شيك وتختارين الي يناسب ملابسك يعني مثلاً مع اللون الوردي الفاتح الذهب الأبيض او اللؤلؤ ومع البني الذهب الأصفر
وطبعاً ماتنسين الشغلات الصغيره.. عطر حلو وماتكثرين منه وشخصياً افضل دهن العود وبخور العود.. منيكير عشان لا جيتي تسلمين تبان يدك حلوه.. ولازم البديكير اذا مابتلبسين حذاء مسكر..

أهم شي اذا كنتي بتقابلين المعرس لا تنسين انه بعده غريب عنك.. يعني ما يحل لك.. لازم تسترين جسمك وشعرك.. لأنك بتسترك تكبرين في عينه وتزيد غلاتك.. ماتبدين له من زينتك إلا الشي البسيط الي يحببه فيك.. اللبس المحتشم الأنيق، الإبتسامه الهادئه، وحياء المرأة المسلمه

الله يبارك لكل المخطوبات والمتزوجات
ويزوج كل العزابيه
======================================
وطن:-
========
انا عن نفسي للحين ما جربت
واذا جه اليوم بقول لكم ان شاء الله

بس سألت رفيجتي هي توها متزوجه

وشعرها مفكوك ومعمول فيه حركة بسيطه جدا .

وحاولي ان المكياج يكون بسيط جدا بما انهم جايين يشوفونج عشان لا يقولون انها موب

جميله وتخفي عيوبها بالمكياج 😉

والبسي اكسسوارات ناعمه .

=======================================
ام لطيفة:-
========
(l)خلي تصرفاتك طبيعيه غير متكلفه و مكياجك ايضا (لأنك راح تبيني واثقه من نفسك)

(l)لبسك ممكن يكون تايير من قطعتين يبين القليل من التفاصيل ممكن تلاقين عند بعض المحلات مثل (انوتا – زارا – angle – كان كان – مانجو ….) (و ابعدي فكرة البنطلون و الجينزات و التي شيرتات)

(l) اما اذا كنت مليانه انصحك باللبس المغربي او اليشمك و الشال اللي معاه يعطيك جاذبيه ايضا

(l)بالنسبه للألوان خليك بعيده عن الغوامق لأنها بتخليكي اتحطين ميك اب غامق(او اختاري حسب لون بشرتك)

(l)ابتسامتك اهم شي

(l)و في رايي اذا كان العريس بيشوفك حطي و لو شال خفيف على راسك بيعطيك نوع من الجاذبيه و الرقه خاصة ان اول مرة يشوفك

(l)و اهتمي وايد باسلوب كلامك،لاتتكلمين كانك حرمة كبيرة (عشان امه) ولا كلام يهال (هو جاي يخطب زوجه مو ياهل)
===================================
احب الكل:-
==========
مرحبااااااا حبيت اشارككم
في يوم يشوفونك
احرصي يكون لبسك رسمي هادي مو سبووورر ولا مبالغ فيه كأنه حق سهره
يعني يكون يليق بالمناسبه
وخلي الوانك هااااديه احلى يعطيك انوثه تامه في هالمناسبه يعني اختاري الوان فاتحه وهاديه وممكن الاسود لكن خلي مكايجك وردي معاه اذا بتلبسين اسود
لكن الالوان الهاديه مثل الوردي الفاتح الهادي (لا تلبسين وردي صاارخ ) او
اللون السكري او السماوي الهادي او الموف الفااااااااتح مره (يعني الوان هاديه ) يعني اختاري البسيط والفخم في نفس الوقت
وخلي ماكياجك بسييط وهادي لاتتكلفين واجد في الماكياج يقولن مكثره ماكياج وعموما غالبا الرجال يحبون الماكياج البيسط الهادي مو المتكلف كانها دميه اختاري الوان هاديه (انصحككككك بالوردي ثم الوردي ثم الوردي ) وطبعا في النهايه على حسب الوان لبسك يعني لا تحطين شدو طبقات والبلاشر قوي كأنك في استديوا تصوير او في حفله عرس مليانه اضاءه
وشعرك لا تسوين فيه تسريحه وتتكلفين فيه
اذا انتي قاصه شعرك قصه حلوه يعني بالسشوار يضبط شكلها اوكي سشوري بس واذا شعرك مافي قصه معينه شسوري ولفيفي اطرافه وضبطي الشعر من المقدمه لا تخلينه يلزق في جبهتك وحطي فيه اكسسوار بيييسط يعني كلبس كرستال هادي يعني ابسط اكسسوار تقدرين تحطينه في شعرك حجمه صغير وبشكل مرتب
والبسي حلق ناعم ذهب ابيض(فضي ) وسلسال فضي وخاتم وساعه بس لا تكثرين احسن من الاكسسوارات الملونه لان المناسبه رسميه شوي
ولا تنسين تسوين منكير لا صابعك والبدكير على حسب لابسه جزمه او صندل (بقولك شي في اذنك قربي …اذا لابسه جزمه ماتبين اصابعك لا تسوين بديكير مايحتاج ماراح يشوفون رجلك 😉 ) هههههه انواع الغش (امزح ) وطبعا اكيد ريحتك تكون حلوه يعني مظهرك راح تكونين كشخه 😉
ولا تكثرين كلام مرره يعني خذي وعطي في حدود المعقول ومو تسكتين ماتتكلمين يقولون انطوائيه ولا تضحكين واجد تفلينها على الاخر خلي ابتساماتك رقيقه وهاديه وخليك هاااااااديه اعصاب لا تقلقين من الموقف تذكري ان هذا موقف طبيعي وكل البنات يمرون في هالموقف
وانتبهي لنظرات عيونك لا تروح وتجي على الناس الموجودين ناظري طبيعي وفي عيون اللي يكلمك (طبعا اذا الرجال كلمك شي طبيعي ماراح تقدرين تحطين عينك في عينه …والا بيقول قويه وجهه )
ولا تتضايقين اذا هم صاروا يناظرونك شي طبيعي انهم بيناظرونك هم جايين يتعرفون عليك ويشوفونك وخليك هاديه في الكلام لا تردين بسرعه ولا تتاخرين بالرد ولا تكونين جديه بزياده خليك على طبيعتك و اذا سالوك عن شي دراستك او شي اسمعي لما يخلص الشخص كلامه وردي بهدوء وتأني ولا تحطين رجل على رجل خلي رجليك ملمومه وضعها طبيعي وخلي مشيتك هاديه وراكده وطريقه جلستك ظهرك منتصب من غير كبر وغرور يعني لا تخلين الارتباك يخل توازنك في هذيك اللحظه ولا تصبين انتي القهوه او الشاهي ولا تقدمين شي انتي مو ناقصه ربكه وتوترين اعصابك عسى ماتنكب القهوه وعسى ماينكب الشاهي وتقعدين تتنافضين خلي الخدامه تصب وتقدم لبسوها لبس نظيف ومرتب وريحتها زينه مو طبخ او غيره ولابسه الجزمه والشراب والحجاب او اذا في احد ثاني يقدم (غير امك طبعا اذا كانت بتدخل معك )
ومو من اول مايجون وانتي مرتزه في وجههم خليك فوق واذا جوا لبيتكم وضيفتوهم وصبيتوا لهم القهوه وخلصوا تروح الخدامه تناديك او اي وحده
وتنزلين يعني اثناء ما هم قاعدين يشربون الشاهي
واقعدي شوي ومتى ماشفتي الوقت المناسب انك تقومين وتطلعين اطلعي اممممم ونسيت او ماتدخلين قولي السلام عليكم بصوت مسموع ومو عالي (كثييييير بنات مع الربكه نسوا يقولون السلام وراحوا مقلعين يسلمون بسرررعه وماامداها تقعد ثواني الا وقايمه حتى ماامداهم يلموحونها او يعرفون اشباهها من اول ماجلست وهي منزله راسها والشعر مغطي وجهها وبسرعه قامت وطلعت )
وارح يقولون عنك هااااديه ورااكده و عقل وثبات (لان اغلب البنات الارتباك والخوف في هذيك اللحظه تغير معالم شخصيتهم )
وعسى الله يوفقك واتمنى اكون افدتك لكن حكيت لك من واقع ناس تزوجوا وبعضهم في فتره الخطوبه وقالوا ياليتنا سوينا كذا وياليتنا ماسوينا كذا ويضحكون على مواقفهم اللي صارت لهم
=======================================
امورة العرايس:-
=========
مثل ما قلوا الحلوين