‘*•~-.¸¸,.-~*’ طريقه رهيبه لوضع فونديشن المناسبات مع عاشقه الدوحه ‘*•~-.¸¸,.-~*’ 2024.

اليوم جايتكم بموضوع بسيط هو عباره عن تجربتي
أو طريقتي

في وضع الاساس خصوصا للمناسبات و الي خذتها من ماكيره مكيجتني اكثر من مره
وفي كل مره يكون الاساس رهيب جدا ماشاء الله ويثبت لين نهايه المناسبه وهي تستخدم
الكومباكت بودر من كانيبو وانا جربت هالطريقه وطلعت روعه الصراحه وطبعا اهم شي بالمكياج هو ضبط الاساس حتى يطلع المكياج كله بصوره حلوه .

اهم شي في الطريقه هو
( استخدام درجتين من الكومباكت بودر وحده تكون افتح من بشرتج بدرجتين او درجه والثانيه تكون مثل لون بشترتج بالضبط ) وممكن تستخدمين اي كومباكت بودر من اي ماركه تناسبج وايضا هالطريقه تناسب الي بشرتهم جافه بس ممكن يختارون الكومباكت بودر الي تكون بمرطب وهذا النوع موجود بكانيبو واتوقع تحصلونه باي ماركه ثانيه .

والطريقه هي كالتالي :

1 ) في البدايه بعد ما تغسلين وجهج رطبيه بكريم الترطيب الخاص بج وخليه على الاقل 10 دقايق الى ربع ساعه قبل ما تبتدين بالمكياج .

2) بعدها تبتدين توزعين بودره كانيبو المضغوطه باستخدام الاسفنجه المبلله بالماء
بس اهم شي في هذي الخطوه انج ترشين مثبت المكياج من ميك اب فورايفير على الاسفنجه المبلله أو انج ترشين مثبت المكياج في الوعاء الي فيه الماي الي بتستخدمينه لتبليل الاسفنجه و توزعين البودره على كامل الوجه والرقبه .

3) بعد ما تخلصين من توزيع البودره الفاتحه على كامل الوجه تبدئين بتوزيع طبقه ثانيه باستخدام اسفنجه مبلله ومرشوش عليها مثبت المكياج و انج ترشين مثبت المكياج في الوعاء الي فيه الماي الي بتستخدمينه لتبليل الاسفنجه مثل ماقلت سابقا وايضا تستخدمين كومباكت بودر من كانيبو بس هالمره تستخدمين الدرجه الي مثل لون بشرتج بالضبط وتحطينها فوق الطبقه الفاتحه وشوفي شلون بيطلع وجهج رهيب وطبقه واحده ومنور .

4) اخر شي باستخدام الفرشاه توزعين البودره السائبه على كامل الوجه ( لوس باودر ) وتكون مثل لون بشترتج حتى تثبت لج المكياج وممكن تستخدمين النوع الي يكون بلمعه خفيفه او بقلتر حتى ينور لج الوجه

نصيحه : افضل فرشاه لتوزيع البودره السائبه هي فرشاه ماك 187

وبس مابتحتاجين اي شي عقب هالخطوات اتمنى تكونون استفدتوا من تجربتي وتجربونها وتخبروني النتيجه